Qantar qandy qyrghynynan keyin bәrimiz de ózgerdik dep jatyrmyz. Men de dәl sonday kýy keship jýrmin: ne úiqy joq, ne maza joq. Sanany nebir astyrtyn joramaldar jaulap alghan. Eng bastysy, oqqa úshqan jәne azaptalyp jatqan beybit sherushilerga qatysty ashy súraqtargha jóndi jauap joq!

Óleng de tua qoymady. "Almatyny túman basty" dep bir óleng ghana jaza aldym. Bar oiymdy maqalalar men súhbattarda aityp jatyrmyn. Jyr qalamy bolsa, búl kýnderi qantaruly kýide qaldy...

Sondyqtan býgin, Qandy qyrghyn qúrbandarynyng qyrqy kýni, osydan tura 10 jyl búryn, Janaózen qandy tragediyasynan 40 kýn ótkende jazghan ólenimdi jariyalap otyrmyn.Ókinishke oray, tragediyalar qaytalanuda!

Osy kýngi mitingterge qatysty aitarym mynau. Qantar qandy qyrghyny beybit sheruler men mitingilerdi biylik te, ýshinshi kýshter de ózderining aram oilaryn jýzege asyryp, qúityrqy arandatulargha bara alatynyn ap-anyq kórsetti. Qanshama adam qyryldy, zardap shekti. Sol qauipting búlty әli de seyilgen joq! Biylik traziyti әli de ayaqtalghan joq! Antitoqaevshyl kýshter, keshegi zamanyn ansap, qaytarghysy kelip, kez kelgen súmdyqqa baruy mýmkin. Ol ýshin beybit adamdardy paydalanuy da mýmkin! Maghan bolsa, әr qazaqtyng amandyghy kerek!

JANAÓZEN. QYRYQ KÝN

Kózim jasqa juylyp túr, túnyp túr,
Keregi joq nasihat pen ýgittin!
Sayasattan joly biyik әrdayym
Qúrbandardy qadir tútar ghúryptyn!
Qyryq kýn!

Qars airylghan jýregimdi kim úqtyn?
Ey, Aqorda, nege sonsha qúnyqtyn?
Qandy koldy qylmeskerdi tabugha
Jetpeydi me saghan, aitshy, qyryq kýn?!
Qyryq kýn!

Men shyndyq pen sherulerde shynyqtym,
Kishikpin men, kerek bolsa, úlyqpyn.
Elu jylyng әdiram bop qalsynshy,
Eldi býgin janartty ghoy qyryq kýn!
Qyryq kýn!

Saghan deyin beyshara bop jýrippin,
Jatqa syilap basyn mayly jiliktin!
Qazaghymnyng qanyn sorghan sýlik kim?
Qazaghymnyng qanyn tókken jýlik kim?
Qyryq kýn!

Men de sensiz beymәlim kýn sýrippin
Ortasynda bylyq penen shylyqtyn.
Qazaqylyq degendi men qoldaymyn,
Qúrsyn týri tek «qazaqbay-shylyqtyn»!
Qyryq kýn!

Ýzilmesin altyn jibi ýmittin!
Kýnәhardyng atyn atar bilip kim?
Jesir menen jer dauy bar qazaqta
Qyryq kýnning artynda túr qyryq qún!
Qyryq kýn!

Tótenshe bop tóndi ýstinnen qyryq týn.
Sen degende úiqymdy da úmyttym.
ÓZENIME bara almasam, migitpin!
ÓZENIME bara qalsam, jigitpin!
Qyryq kýn!

Qylmyskerge tabady eken qúryq kim?
Qashan atar ÓZENIMDE kýlip Kýn?
Qyryq kýnde kózin ashtyng qazaqtyn,
Tanyttyng sen qasiyetin bir últtyn!

Beket ata bәtuasy qonsa eken,
O, Qúdayym, elge bostan berse eken!
Aday malay emestigin kórsettin,
Qazaq mazaq emestigin kórsetem!

Ámirjan Qosan

Abai.kz