Qazaqstanda AES salu jayly sóz býgin ghana shyqqan joq. Qazaqstanda AES salu taqyryby býgin kóterilip túrghan joq, onyng tarihy men bastauy terende.  Qazaqstanda AES salu iydeyasy sonau 90-jyldary tuyndady. Kenes imperiyasynyng shengelinen shyqqan Qazaqstan ýshin onday jobagha qarjy salu mýmkin emes edi.

1997 jyly jana AES salu qajettiligi turaly iydeyany Bilim jәne ghylym ministri bolghan Vladimir Shkolinik aitqan bolatyn. AES-ti salu ornyn Batys nemese Balqash manynda degen boljamdar aityldy.

1997 jyly mamandar Reseylik konstruktorlar jasaghan reaktorlarmen Balqash AES qúrylysynyng tehnikalyq-ekonomikalyq negizdemesin jasap shyqty. Bir jyldan keyin Ýkimet atom stansiyasyn salu turaly mәlimdedi: AES-tyng birinshi qondyrghysy 2005 jyly iske qosylady dep josparlanghan bolatyn. Al tútastay AES 2015 jyly qoldanysqa berilui tiyis edi. Qazaq halqy AES salu iydeyasyna qarsy shyqty. Ondaghan jyldar boyy Semey poligonynyng zardabyn shegip, radiasiyanyng súmdyghyn kórgen halyq búl bastamany qoldamady. Qoldausyz qalghan bastama úzaq uaqytqa aitylmay, taqyryptar ayasynan týsip qaldy.

Onan song 2006 jyly mamandar Manghystau atom energokombinatynyng ornyna AES salsaq qaytedi dedi. Búl úsynysty estigen Resey biyligi birden óz «kómegin» úsynyp: «Biz jana reaktor ornatsaq, búl shyghyny az joba bolar edi», - dep mәlimdedi. Biylik tehnikalyq smetasyn jasap, Ýkimet ony qarastyryp jatty. Tipti, Energetika jәne miyneraldy resurstar ministrligi 2009 jyly AES saludy bastap, 2020-da ayaqtaymyz degendey boldy. Alayda, Aqtau halqy búl bastamagha qarsy shyghyp, aksiyalar úiymdastyrdy.

2011 jyly Qazaqstan men Resey beybit atomdy qoldanu turaly memorandumgha qol qoydy. «Qazatomprom» basshysy bolghan Vladimir Shkoliniyk: «Qazaqstanda jarylmaytyn stansiya salynady», - dep mәlimdedi. Ol mәlimdemesi Japoniyadaghy AES apatyna baylanysty aitylghan bolatyn. Dәl AES salu iydeyasyn 1997 jyly osy Vladimir Shkolinik algha tartqanyn aitqan edik.

2013 jyly AES salu boyynsha úsynysty sol kezdegi preziydent N.Nazarbaev naqty iske asyru sharalaryna kóshuge shaqyrghan bolatyn. Keyinnen AES salugha ynghayly dep birneshe jer tandaldy. Sarapshylar eng tiyimdi dep Balqash manyndaghy, Ýlken eldi-mekenin atap ótti.

AES salu mәselesi úzaq jyldar boyy tek talqy retinde qalyp otyrdy. 2019 jyly Resey basshysy Putin AES salugha qatysty óz úsynysyn aitty, alayda Qazaqstan basshysy Toqaev elding oiyn eskermesten múnday jobany bastamaytynyn mәlimdedi.

2021 jyly AES salu iydeyasy qayta talqylyna bastady. Mamyr aiynda preziydent AES saluda asyqpau kerektigin, alayda uaqyttan da qalmau qajettigin aitqan bolatyn. Al joldauda beybit atomgha qatysty sóz qozghap, Resey forumynda AES kerektigin aitty. Preziydentting búl sózinen keyin Qazaqstannyng sayasy elitasyndaghy irili-úsaqty shendiler birining izin ala ekinshisi, AES qajettiligi turaly aita bastady. Solardyng eng aqyrghysyn – keshe Energetika ministri Bolat Aqsholaqov aitty.

Júmash Kókbóri, aqyn, qogham qayratkeri:

- Ol AES-ti basqa emes, Reseyge salghyzsa, qazaqty joy myng esege artady. Qasiyetti Abay elinde qyryq jyl qyrghyn jasaghan Semey poligonynyng manynda ósken men ýshin Resey salatyn AES - Semey jerine qyryq jyl qyrghyn jasaghan sol bir esepsiz atom bombalarymen birdey jantýrshigerlik apat ekenin ashyq aitamyn!.

Myna mening tughan әkem, anam, әpkem, inim, әkemning inisi, basqa da qanshama jerlesterim osy aty jaman qaterli isikten kóz júmghanyn men qalay úmytayyn? Ol rak auyruy janaghy qyryq jyl qazaq jerinde jarylys jasaghan atom bombasynyng әseri ekenin men jaqsy bilemin. Osy AES-ty salghyzghysy kelgenderding barlyghy da qazaqqa dos emes! Olardyng oiy qazaqty orysqa qaytadan qúl etu! Osynday teris pighyldylardyng kózi joyylsyn! Qazaq jerine AES saldyrmayyq!

Abai.kz