Endi biz tauardyng qúnyn arttyrudy oilauymyz kerek. Qay sala әlsiz bolyp túr, solardan qútyluymyz kerek.

Mәselen, mys emes, mystan jasalghan kabeli satayyq. Ol qymbattau bolady. Mys qúimasyn arzangha satqanda da, dayyn kabelidi satqanda da jetkizuge sonday aqsha ketse, demek qymbattauyn satu kerek qoy?
Shiykizatty sol kýiinde emes, ony óndep, qymbattau baghagha satuymyz kerek. Búny arnayy baghdarlama ayasynda isteuimiz kerek. Áytpese jetkizuge býkil aqshamyzdy júmsap, otyra beremiz.

Qazba baylyqty jerden alyp shyghyp, sata beruge kóp aqyl kerek joq. Ol baylyq jәne qalpyna kelmeydi. Biz bir tonna múnay nemese bir tonna mys shygharsaq, sol mólsherde kedeylendik degen sóz.

Shynynda biz ony balalarymyz ben nemerelerimizden alyp jatyrmyz. Sondyqtan, shiykizatty eksporttau arqyly payda tabatyn joldy tappayynsha, býkil eksportty jauyp tastau kerek.

Qazaqstannyng syrtqa shygharatyn negizgi ónimi – shiykizat. Biz osy uaqytqa deyin ony negizinen Resey arqyly shygharyp keldik. Reseyding temir joldary, Reseyding porttary, Resey arqyly ótetin qúbyrlar – endi osynyng bәri senimdi bolmay qalayyn dep túr.

Men búryn da aitqan bir sózim bar. Bir el ózining valutasyn oilap shygharsa, ol ә degende jay ghana qaghaz bolady. Elding ishinde sauda jasaugha jaraydy, syrtqa shyqsa, týkke tatymay qalady.

Eger sol elding basqa elderge úsynatyn qúndy zaty bolsa, sol kezde ghana tól valutasy qúndy bola bastaydy. Biz eksportqa birnәrse shygharsaq, keyin sol aqshagha syrttan birnәrse ala alamyz degen sóz.

Múhtar Jәkishev

Abai.kz