19 mausymda Almatydaghy Ál-Faraby atyndaghy Qazaq últtyq uniyversiytetinde ótken leksiyadan song Qazaqstandaghy Qantar oqighasy turaly súraqqa jauap bergen Qyrghyzstannyng birinshi preziydenti Asqar Aqaev "halyqtyng damudyng jana satysyna ótuge talpynysy – tabighy prosess" dedi. Búl turaly Azattyqqa silteme jasap Abai.kz habarlaydy.

"Meninshe, kez kelgen halyq, kez kelgen últ uaqyt óte damudyng jana satysyna ótuge talpynady. Búl – tabighy prosess. Eger el basshylary aldyn ala alsa, keyde әleumettik narazylyqtarsyz da jýzege asady. El basshylary uaqyt aghymyna ilese almasa, halyq narazylyqqa shyghady. Mening oiymsha, osy oqigha referendumgha jetkizdi, referendum arqyly Qazaqstan halqy gýldengen, әdiletti, kýshti ekinshi respublika qúru jóninde biyik maqsat qoydy",- dedi ol.

1990-2005 jyldary Qyrghyzstan preziydenti bolghan Asqar Aqaev 2005 jyly 24 nauryzdaghy "Qyzghaldaq tónkerisi" kezinde biylikten ketip, Mәskeuden sayasy baspana alghan. Keyin búl әreketin "Óz halqyma oq atpau – basty ústanymym" dep týsindirgen.

Qazir Lomonosov atyndaghy Mәskeu memlekettik uniyversiyteti janyndaghy kýrdeli jýielerdi matematikalyq zertteu institutynyng bas ghylymy qyzmetkeri bolyp jýrgen Asqar Aqaev әl-Faraby atyndaghy Qazaq últtyq uniyversiytetinde "Kóne dәuirden bergi demografiyalyq kórsetkish jәne adamzat bolashaghy" degen taqyrypta leksiya oqydy.

Asqar Aqavtyng leksiyasyna shetel diplomatiyalyq ókildikteri jәne QazÚU oqytushylary men Qazaqstannyng ózge de ghalymdary, studentter jәne BAQ ókilderi qatysty.

Abai.kz