Dýisenbi, 3 Qazan 2022
Biylik 3194 15 pikir 25 Shilde, 2022 saghat 13:40

Saudiya sapary: Qazaqstan Reseydi yghystyrdy

Preziydent Qasym-Jomart Toqaev Saud Arabiyasynyng Koroli Salman ben Ábdel Áziz Ál Saudtyn shaqyrtuymen Djidda qalasyna bardy.

Eki el arasynda birqatar kelissózder jýrgizildi. Kelissózder barysynda sauda-ekonomikalyq jәne investisiyalyq yntymaqtastyq mәseleleri talqylandy. Taraptar aldaghy uaqytta ózara tauar ainalymyn arttyrugha niyetti ekendikterin mәlimdedi.

Preziydent Qasym-Jomart Toqaev «Saud Arabiyasy men Qazaqstan arasyndaghy yntymaqtastyqqa tyng serpin beretin kez keldi» dep sanaydy.

«Saud Arabiyasy - Qazaqstannyng tәuelsizdigin alghash bolyp moyyndaghan elderding biri. Osy kezende týrli baghyttaghy yntymaqtastyghymyz nyghaya týsti. Qazir qazaq-saud qatynastary joghary dengeyde. Degenmen, eki el arasyndaghy yntymaqtastyqqa tyng serpin beretin kez keldi. Búl - elderimizding mýddesine say keletin ortaq sheshim. Bizding ózara tiyimdi baylanystarymyz nyghaya beredi dep senemin», - dedi Memleket basshysy.

Óz kezeginde Múhammed ben Salman Ben Ábdel Áziz Ál Saud elderimiz arasyndaghy qarym-qatynastyng jaqsy dengeyde ekenin atap ótip, múny odan әri keneyte týsu kerek ekenin eske saldy.

Onyng aituynsha, Qazaqstan men Saud Arabiyasynyng kәsipkerlerin biriktiretin Iskerlik Kenesting erekshe manyzy bar.

Atap aitqanda, Múhammed ben Salman Ben Ábdel Áziz Ál Saud saudiyalyq kompaniyalardyng qazaqstandyq agrarlyq sektorgha investisiya salugha mýddeli ekenin bildirdi. Jahandyq azyq-týlik daghdarysy kezinde búl baghyt óte ózekti bolyp esepteledi.

Qasym-Jomart Toqaev Saud Arabiyasynyng taq múragerin Qazaqstangha memlekettik saparmen keluge shaqyrdy. Múhammed ben Salman kelisimge kelgen qújattar iske asyp, onyng nәtiyjesin taqylau maqsatynda shaqyrudy quana qabyldaytynyn jәne Qazaqstangha keluge dayyn ekenin aitty.

Preziydent Qasym-Jomart Toqaevtyng Saud Arabiyasyna sapary turaly biz ekonomist Maqsat Halyqtan pikir súradyq...

Maqsat Halyq, ekonomist:

- Arab elderinen investisiya tartu mýmkindigi bolsa, barynsha qoldanghan dúrys. Sebebi, olarda investisiyalyq mýmkindik óte joghary. Últtyq qor jaghynan Arab elderi Norvegiya elinen keyingi oryndy alady deuge negiz bar. Eng manyzdysy, bizge ýlgi bolatyn jeri – múnayly el múnaydan basqa da sektordy, damu mýmkindigi bar salalardy qalyptastyryp otyr. Olardyng qyzmet kórsetu salasyn, servistik ekonomikany qúru jaghynan tәjiriybesi joghary. Sondyqtan Qazaqstannyng ishinde, әsirese, qyzmet kórsetu salasy boyynsha, Jasyl ekonomikany damytu boyynsha, Islamdyq qarjylandyru boyynsha investisiya tartatyn bolsaq, ol bizding ekonomikamyzdyng ósuine septigin tiygizedi. Qazaqstannyng óndiristik mýmkindikterin keneytedi.

Investisiya tartu kezinde eng ýlken mәn beriletin dýnie – elding nesiyelik jәne investisiyalyq reytingisi. Ol reytingti Standard and poor's, Fitch ratings,  Moody's siyaqty әlemdegi iri agenttikter jasaydy.

Búryn Reseyding investisiyalyq reytingisi bizden qaraghanda joghary bolatyn. Songhy jaghdaylar boyynsha Reseyge sanksiyalar salynghannan keyin, Reseyding reytingisi qatty týsip ketti. Qazirgi kezde ónirde, Orta Aziyada Qazaqstan investisiyalyq reytingte kósh bastap túr deuge bolady. Kóptegen memleketterdi qyzyqtyryp otyr. Reseyde jabylghan zauyt-fabrikalar Qazaqstangha qaray kóship jatyr. Kóbisi Amerikalyq, Europalyq kompaniyalar. Sondyqtan Qazaqstan qazirgi jaghdayda qyzyghushylyq reytinginde jogharylap otyr. Biz osy mýmkindikti paydalanuymyz kerek dep oilaymyn.

Ukrainadaghy soghys jaghdayy, sonyng ishinde Reseyding astyqty shygharugha shekteu qongy belgili bir dәrejede әlem elderining qyzyghushylyghyn Qazaqstangha audaryp otyr.

Bizding egis alqabymyz әlem boyynsha 7-shi orynda. Yaghni, Qazaqstan astyq ta jetkize alatyn, azyq-týlik qauipsizdigin bere alatyn elder qataryna kiredi. Sondyqtan, osy mýmkindikti jibermey, ózimizge ynghayly investisiya tartu maqsatynda paylanghanymyz jón dep oilamyn.

Abai.kz

15 pikir