Tayauda Últtyq akademiyalyq kitaphanada Preziydentimiz Núrsúltan Nazarbaevtyng bastamasymen úly ghalymnyng aty berilgen Euraziya últtyq uniyversiytetining úiymdastyruymen shyqqan seriyaly kitaptardyng túsaukeser rәsimi ótti. Olardyng deni belgili ghalym, tarihshy-etnolog, tarih jәne geografiya ghylymdarynyng doktory, aqyn, audarmashy Lev Gumiylevting tughanyna 100 jyl toluyna oraylastyrylghan «Gumiylev әlemi» aidarymen jaryq kórgen kitaptar. Áytse de, olardan bólek Ol - Reseyding dýnie jýzine belgili «Molodaya gvardiya» baspasynyng «JZL» (kórnekti adamdar ómiri) seriyasymen jaryq kórgen ghalym, tarih ghylymdarynyng doktory, QR ÚGhA korrespondent-mýshesi Erlan Sydyqovtyng «Shәkәrim» atty tanymdyq-ghúmyrbayandyq kitaby.
Shynynda da, 5000 dana taralymmen jaryq kórgen búl kitap - Qazaqstan mәdeniyeti men shәkәrimtanudaghy asa iri oqigha. 1890 jyly negizi qalanghan búl seriyamen әr jyldary әdebiyeti men mәdeniyetine, qazaq ghylymyna qatysty S.Seyfulliyn, Q.Sәtbaev, M.Áuezov t.b. sanauly ghana túlghalar turaly kitaptar shyqqan edi. L.N.Tolstoy syndy әlemdik túlghamen tyghyz baylanysta bolyp, Abay men qazaq halqynyng atyn asqaqtatqan Shәkәrim Qúdayberdiúly jayly kitaptyng auditoriyasy men sansyz últy bar Resey Federasiyasynyng milliondaghan oqyrmandaryna jetui - tәuelsiz Qazaqstannyng әdebiyeti men mәdeniyetining damuyndaghy iri oqigha ekeni dausyz. 
Túsaukeser rәsimdi Euraziya últtyq uniyversiytetining rektory Erlan Bәttashúly ashyp, atalmysh sharany alashtanushy ghalym Dihan Qamzabekúly jýrgizip otyrdy. Ruhany sharagha Kәkimbek Salyqov, Myrzatay Joldasbekov, Ákim Tarazi, Ánes Saray, Qoyshyghara Salghara, Álibek Asqarov, Iliya Jaqanov, Ábdijәlel Bәkir, Bolat Kómekov, Býrkitbay Ayaghan syndy qalamgerler men memleket jәne qogham qayratkerleri qatysyp, oi-pikirlerin bildirdi.
- Qazirgi kezde joghary oqu oryndary seriyaly kitaptar shyghara bastady, búghan quanu kerek, sapasyna qarasang ministrlik shygharyp jatqan kitaptardan eshqanday kemdigi joq, - deydi túsaukeser rәsiminde sóz alghan jazushy Aldan Smayyl. - Áytse de joghary oqu oryndarynan shyghyp jatqan kitaptargha memleket tarapynan qoldau qajet jәne «ol kitaptar qansha danamen shyqty jәne kimderding qolyna tiyip jatyr?» degen mәseleni de oilau kerek. 
- Men Lev Gumiylevting kózin kórgen adammyn, - dedi Myrzatay Joldasbekov. - Ol kezde Qazaqstan Ortalyq partiya komiytetinde iydeologiya bólimin basqaramyn. Is saparmen Sankt-Peterburg qalasyna baryp qaldyq, sonda jergilikti biylik ókilderine Lev Nikolaevichpen kezdeskimiz keletinin jekizgen edik, nege ekenin qaydam, ondaghylar bizdi kezdestiruge onsha qúlqy bolmady. Sosyn Leningrad qalalyq atqaru komiytetine shyghyp jýrip, әiteuir retin taptyq. Tórtpaq, entigip jýretin kisi eken. Bizdi kórip: «Meni izdeytin de adamdar bar eken-au» dep jylap jiberdi.Ákesi turaly da, anasy turaly da aqtaryla aitty. Anasy ataqty aqyn Anna Ahmatova qaytys bolghannan keyin kitaphanasyn tonap ketipti, sony estigende jýregim auyrdy. Osynday birtuar ghalym turaly seriyaly kitaptyng ishinde shyqqan, dәl býgin túsauy kesilip otyrghan enbekting bolashaq úrpaqqa bereri kóp jәne múnday qúndy dýniyege arnalghan sharanyng Últtyq kitaphanada ótui de oqyrman oljasy dep bilemin.
Shara barysynda Euraziya últtyq uniyversiytetining rektory Erlan Sydyqov jinalghan kópshilik pen Últtyq kitaphana diyrektory Álibek Asqarovqa óz atynan jәne oqu orny atynan alghys aityp, «Shәkәrim» kitabynyng birazyn syigha tartty.

Bazarbek TÝKIBAY

«Týrkistan» gazeti