Júma, 30 Qyrkýiek 2022
Biylik 1252 1 pikir 13 Tamyz, 2022 saghat 13:21

Deputattar mektepter qúrylysyna qatysty mәseleni talqylady

Mәjilis deputattary Bilim jәne densaulyq saqtau jónindegi respublikalyq qoghamdyq kenesting «Mektepterding qúrylysy men jóndeu júmystarynyng barysy turaly» beynekonferensiya formatynda otyrysqa qatysty. Jiynda Bilim viyse-ministri mektep qúrylysyna  qatysty problemalardy atap ótti.

Ministrlikting mәlimetinshe, býginde Jambyl oblysynda 444 mektep bolsa, onda 235 017 oqushy bilim aluda.
2026 jylgha boljam 289 594 oqushy, tapshylyq 64 242 oryndy qúraydy dep kýtilude. Býkil el boyynsha kýtiletin oryn tapshylyghymen úqsas jaghday. 2021-2025 jyldary oblysymyzda 85 mektep salu josparlanuda.

Óz kezeginde Mәjilis deputaty Gýldara Núrymova mektepterding jetispeushiligi mәselesin sheshuge jeke investorlardy tartugha bolatynyn, búl jergilikti jәne respublikalyq budjetke týsetin salmaqty azaytatynyn aitty.
"Búl investorlar ýshin investisiyalyq tartymdylyqty jәne mýmkindiginshe ondaghan jyldar boyy qayta qaralmaghan normalardy, talaptardy jәne standarttardy onaylatudy talap etedi. Mysaly, 200 oryndyq mektep salu ýshin 1 ga jer telimi qajet, qansha oryn kóp bolsa, jer telimderi de sonshalyqty ýlken boluy kerek. Qalalarda múnday jobalargha investisiya salu is jýzinde qiyn. Investorlargha keybir jerlerde memleketten jer telimderin beru mýmkindigin qarastyru kerek shyghar" ­– dedi deputat.

Osy rette bilim viyse-ministri qúrylys talaptaryn jergilikti ózin-ózi basqaru organdary ózderi rettey alatynyn aityp,  "barlyq talaptardy ministrlikter bekitedi, al jergilikti atqarushy organdar búl talaptardy zanmen ózgerte almaydy" dedi.

Deputattyng aituynsha, qúrylys júmystarynyng qúny (әr ónirlerdegi quattylyghy birdey mektepterding qúrylysyna bagha әr týrli!) jәne úzartu júmystary, nysandardyng kópshiligining artta qalghany turaly kóptegen súraqtar tuyndaydy.
Mәselen, jyl ayaghynda paydalanugha beriletin nysan, byltyrdan beri qúrylys jýrip jatqanymen, birinshi qabaty әli ayaqtalmaghan.
Qúrylys materialdarynyng qymbattauyna baylanysty qúrylys qúnynyng kóterilu jaghdaylary bar.

- Josparlaudy keste boyynsha baqylau qayda? Nelikten joba qúnynyng ósuine jol berilgen? Qúrylys kompaniyalary qúrylys materialdarynyng qymbattauyn әdeyi kýtip, qúrylystyng barysyn toqtatyp, qosymsha shyghyndargha shot berip, memlekettik organdar tarapynan qoldau tauyp jatyr, - dedi Gýldara Núrymova.

Sonymen qatar deputat kótergen taghy bir mәsele, oblystyng auyl, audandarynda halyqpen kezdesuler barysynda kóterilgen bilim beru budjetin oblys dengeyinde ortalyqtandyru.
Auyl mektebine, mәselen, jenil jóndeu júmystary nemese taghy bir nәrse kerek bolsa, oblystyq bilim basqarmasynda tender oinatylyp, kóp qolaysyzdyq tudyryp, uaqytty sozyp jiberedi.
Búl oqushylardy tasymaldaugha da qatysty. Jyldar boyy auyldargha oqushylardy tasymaldau júmysyn auyldyq әkimdikter jolgha qoydy. Qazir oblys әkimshiligindegi tenderdi bir ghana túlgha útyp alyp, júmysty barlyq jerde derlik búrynghy jergilikti tasymaldaushylar jýrgizude.

Otyrys barysynda qys mezgiline dayyndyq, qazandyqtardy dayyndau, jóndeu júmystary syndy birqatar mәseleler kóterildi.

 

Abai.kz

1 pikir