جۇما, 30 قىركۇيەك 2022
بيلىك 1256 1 پىكىر 13 تامىز, 2022 ساعات 13:21

دەپۋتاتتار مەكتەپتەر قۇرىلىسىنا قاتىستى ماسەلەنى تالقىلادى

ءماجىلىس دەپۋتاتتارى ءبىلىم جانە دەنساۋلىق ساقتاۋ جونىندەگى رەسپۋبليكالىق قوعامدىق كەڭەستىڭ «مەكتەپتەردىڭ قۇرىلىسى مەن جوندەۋ جۇمىستارىنىڭ بارىسى تۋرالى» بەينەكونفەرەنتسيا فورماتىندا وتىرىسقا قاتىستى. جيىندا ءبىلىم ۆيتسە-ءمينيسترى مەكتەپ قۇرىلىسىنا  قاتىستى پروبلەمالاردى اتاپ ءوتتى.

مينيسترلىكتىڭ مالىمەتىنشە، بۇگىندە جامبىل وبلىسىندا 444 مەكتەپ بولسا، وندا 235 017 وقۋشى ءبىلىم الۋدا.
2026 جىلعا بولجام 289 594 وقۋشى، تاپشىلىق 64 242 ورىندى قۇرايدى دەپ كۇتىلۋدە. بۇكىل ەل بويىنشا كۇتىلەتىن ورىن تاپشىلىعىمەن ۇقساس جاعداي. 2021-2025 جىلدارى وبلىسىمىزدا 85 مەكتەپ سالۋ جوسپارلانۋدا.

ءوز كەزەگىندە ءماجىلىس دەپۋتاتى گۇلدارا نۇرىموۆا مەكتەپتەردىڭ جەتىسپەۋشىلىگى ماسەلەسىن شەشۋگە جەكە ينۆەستورلاردى تارتۋعا بولاتىنىن، بۇل جەرگىلىكتى جانە رەسپۋبليكالىق بيۋدجەتكە تۇسەتىن سالماقتى ازايتاتىنىن ايتتى.
"بۇل ينۆەستورلار ءۇشىن ينۆەستيتسيالىق تارتىمدىلىقتى جانە مۇمكىندىگىنشە ونداعان جىلدار بويى قايتا قارالماعان نورمالاردى، تالاپتاردى جانە ستاندارتتاردى وڭايلاتۋدى تالاپ ەتەدى. مىسالى، 200 ورىندىق مەكتەپ سالۋ ءۇشىن 1 گا جەر تەلىمى قاجەت، قانشا ورىن كوپ بولسا، جەر تەلىمدەرى دە سونشالىقتى ۇلكەن بولۋى كەرەك. قالالاردا مۇنداي جوبالارعا ينۆەستيتسيا سالۋ ءىس جۇزىندە قيىن. ينۆەستورلارعا كەيبىر جەرلەردە مەملەكەتتەن جەر تەلىمدەرىن بەرۋ مۇمكىندىگىن قاراستىرۋ كەرەك شىعار" ­– دەدى دەپۋتات.

وسى رەتتە ءبىلىم ۆيتسە-ءمينيسترى قۇرىلىس تالاپتارىن جەرگىلىكتى ءوزىن-ءوزى باسقارۋ ورگاندارى وزدەرى رەتتەي الاتىنىن ايتىپ،  "بارلىق تالاپتاردى مينيسترلىكتەر بەكىتەدى، ال جەرگىلىكتى اتقارۋشى ورگاندار بۇل تالاپتاردى زاڭمەن وزگەرتە المايدى" دەدى.

دەپۋتاتتىڭ ايتۋىنشا، قۇرىلىس جۇمىستارىنىڭ قۇنى ء(ار وڭىرلەردەگى قۋاتتىلىعى بىردەي مەكتەپتەردىڭ قۇرىلىسىنا باعا ءار ءتۇرلى!) جانە ۇزارتۋ جۇمىستارى، نىسانداردىڭ كوپشىلىگىنىڭ ارتتا قالعانى تۋرالى كوپتەگەن سۇراقتار تۋىندايدى.
ماسەلەن، جىل اياعىندا پايدالانۋعا بەرىلەتىن نىسان، بىلتىردان بەرى قۇرىلىس ءجۇرىپ جاتقانىمەن، ءبىرىنشى قاباتى ءالى اياقتالماعان.
قۇرىلىس ماتەريالدارىنىڭ قىمباتتاۋىنا بايلانىستى قۇرىلىس قۇنىنىڭ كوتەرىلۋ جاعدايلارى بار.

- جوسپارلاۋدى كەستە بويىنشا باقىلاۋ قايدا؟ نەلىكتەن جوبا قۇنىنىڭ وسۋىنە جول بەرىلگەن؟ قۇرىلىس كومپانيالارى قۇرىلىس ماتەريالدارىنىڭ قىمباتتاۋىن ادەيى كۇتىپ، قۇرىلىستىڭ بارىسىن توقتاتىپ، قوسىمشا شىعىندارعا شوت بەرىپ، مەملەكەتتىك ورگاندار تاراپىنان قولداۋ تاۋىپ جاتىر، - دەدى گۇلدارا نۇرىموۆا.

سونىمەن قاتار دەپۋتات كوتەرگەن تاعى ءبىر ماسەلە، وبلىستىڭ اۋىل، اۋداندارىندا حالىقپەن كەزدەسۋلەر بارىسىندا كوتەرىلگەن ءبىلىم بەرۋ بيۋدجەتىن وبلىس دەڭگەيىندە ورتالىقتاندىرۋ.
اۋىل مەكتەبىنە، ماسەلەن، جەڭىل جوندەۋ جۇمىستارى نەمەسە تاعى ءبىر نارسە كەرەك بولسا، وبلىستىق ءبىلىم باسقارماسىندا تەندەر ويناتىلىپ، كوپ قولايسىزدىق تۋدىرىپ، ۋاقىتتى سوزىپ جىبەرەدى.
بۇل وقۋشىلاردى تاسىمالداۋعا دا قاتىستى. جىلدار بويى اۋىلدارعا وقۋشىلاردى تاسىمالداۋ جۇمىسىن اۋىلدىق اكىمدىكتەر جولعا قويدى. قازىر وبلىس اكىمشىلىگىندەگى تەندەردى ءبىر عانا تۇلعا ۇتىپ الىپ، جۇمىستى بارلىق جەردە دەرلىك بۇرىنعى جەرگىلىكتى تاسىمالداۋشىلار جۇرگىزۋدە.

وتىرىس بارىسىندا قىس مەزگىلىنە دايىندىق، قازاندىقتاردى دايىنداۋ، جوندەۋ جۇمىستارى سىندى بىرقاتار ماسەلەلەر كوتەرىلدى.

 

Abai.kz

1 پىكىر