Ukraina aumaghynda soghys bastaghannan keyin Reseyding bolashaghy búlynghyr belgisizdikke tap boldy. Oghan deyin keremet bolmasa da, halyqaralyq qatynas ornatylghan, saudasy jýrip jatqan el edi.

Biraq, qazir bәri keri ketip, jaghday týbegeyli ózgerdi. Býginde Reseyde halyqaralyq baylanystar is jýzinde ýzildi. NATO-gha mýshe elderding sany kóp úzamay kóbeyedi, al aliyansqa әli kirmegender búl turaly oilanyp, tiyisti qadamdar jasaytyn bolady. Jyl sonyna deyin Ukrainagha shapqynshylyghyn toqtatpasa әlemde Reseyding jaulary әldeqayda arta týsedi.

Tipti, Qyrghyzstannyng da Resey yqpalynan shyghugha tyrysatynyn joqqa shygharugha bolmaydy. Qyrghyz elining aqparatyna qaraghanda, Reseyge qarsy kózqaras ústanatyndar bar. Resey sayasatyna qarsylardyng aldaghy uaqytta kýshengi mýmkin.

Shetelding Reseyge qarsy ekonomikalyq sanksiyalary toqtamaydy. Shekteuler múnay men gazgha әser etip, nәtiyjesinde Reseyde qarajat azayady. Qarjynyng tapshylyghynan Resey Últtyq әl-auqat qoryn әleumettik mәselelerdi sheshuge júmsap, sarqyp bitedi.

Jyl ayaghynda keskilesken úrys ayaqtalmasa, Putindik Resey әlemde Soltýstik Koreyadan ótken «jeksúryngha» ainalady. Kim Chen Yn Putinning qasynda bedeldirek bolmaq.

Búl aitylghandardyng bәri Resey ekonomikasyna barynsha keri әserin tiygizip qana qoymaydy. Reseyding soghystaghy sәtsizdikterimen qosa alghanda, teledidardaghy ýgit-nasihatty tyndaytyn halyqtyng ózi biylikke senim artuyn toqtatuy mýmkin. Al búl Putinge yadrolyq soghystan da qatty tiyedi. Ázirge soghystyng Resey ýshin sәtti ayaqtalatynyna boljam joq.

Kerimsal Júbatqanov

Abai.kz