Jeksenbi, 5 Aqpan 2023
46 - sóz 1245 4 pikir 5 Jeltoqsan, 2022 saghat 14:34

Zәkeng 20 myng qazaq otbasyna tegin jer telimin ýlestirdi

1991 jyldan bastap auyldardan bosqan baspanasyz, júmyssyz qazaq jastary, olardyng otbasylary Almatygha qaray aghyldy. Bos jatqan jerlerdi basyp alu da sol jyldary bastaldy. Sol kezde Almatynyng әkimi Zamanbek Núrqabilov aghamyz bos jatqan jerlerdi basyp alghandardyng tizimin jasatty jәne jer basyp alghan qazaq jastarynan eshqanday «tirkeu» talap etpey, olargha 10 sottyqtan jer telimin beru turaly sheshim qabyldady.
Sol jyldary biz Almaty manyndaghy «Shanyraq-1, 2, 3, 4», «Altyn besik», «Duman», «Taugýl» syndy yqsham audandarynyng ashyluyna yqpal jasadyq. Mening esimde qalghany – Zәkenning arqasynda shamamen 20 myng otbasyna jer telimderin tegin ýlestirip, zandastyryp berildi. Sol jyldary jer súraghan bir de bir qazaq jasy jersiz qalghan joq. Osy arada bir basa aitatyn mәsele – Zamanbek Núrqadilov ol jer telimderin tegin ýlestirdi.

Ony aitasyz, Almaty qalasynyng ortalyghynan bosap qalghan pәterlerdi tek baspanasyz qazaq otbasylaryna ýlestiruge tyrysty. Oghan bir dәlel – Gagarin men Jandosov kóshelerining qilysyndaghy jer silkinu synaghyn ótkizetin 5 qabatty túrghyn ýidi tútastay baspanasyz qazaq otbasylaryna bergenining ózi kózsiz erlikpen para-par edi!

Júmash Kenebay

Abai.kz

4 pikir