"Qantar oqighasy: Aqorda ýshin kýres" kitabyn jazghan Jaqsybek Qúlekeev Mәjilisting eks-spiykeri Núrlan Nyghmatulinning qantar oqighasynan keyin nelikten ornynan ketkenin týsindiripti.  

Arbat.media-nyng jazuynsha, avtor biyliktegi birqatar túlghalargha toqtalyp ótken. Solardyng biri iri shendi – Núrlan Nyghmatuliyn. Onyng qayghyly oqighadan keyin arada ýsh apta ótkende qyzmetinen ketui sebebin Jaqsybek  Qúlekeev basqasha týsindirgen.

«1 aqpanda elimizdegi eng yqpaldy sayasatkerlerding biri Núrlan Nyghmatulin QR Parlamenti Mәjilisining tóraghasy qyzmetinen ketip, onyng ornyna búghan deyin Preziydent Ákimshiligin basqarghan Erlan Qoshanov keldi. Al Erlan Jaqanúlynyng oryntaghyna Múrat Núrtileu jayghasty. Eks-preziydent N.Nazarbaevtyng tuystary joghary lauazymdy qyzmetterden ketip jatqan kezde Núrlan Zayrollaúlynyng ornyn bosatuy әrkim әrtýrli týsindi. Eks-tóraghanyng «oqshantaydan» týsip qaluyna ne әser etti?», - depti avtor.

Nyghmatulinning qyzmetinen qoshtasuyna qantar oqighasy kezindegi әreketi sebep bolghan kórinedi. Ol elde bolyp jatqan tәrtipsizdikterdi kóre túra, auzyn bughan ógizdey otyra bergen. Tek oqighadan keyin biylik tolyghymen Qasym-Jomart Toqaevtyng qolyna ótkende ghana oiyn qysqasha jetkizgen.

«Qantar dýrbeleni bastalghanda Senat tóraghasy Mәulen Áshimbaev bir emes, birneshe ret halyqty sabyrgha shaqyryp, mәlimdeme jasaghany este qaldy. Al sol kezdegi Mәjilis Tóraghasy N.Nyghmatulinning dauysy estilmedi. Tek Qasym-Jomart Toqaev biylikti tolyqtay qolyna alghan kezde, yaghni, 10 qantar kýni ol "elimiz ýshin kýrdeli kezende Memleket basshysy Qasym-Jomart Kemelúly Toqaevtyng barlyq sheshimderi men batyl qadamdary biregey jәne uaqytyly" degendi aitty», - dep jazady Jaqsybek Qúlekeev.

Qantar oqighasynda jәne odan keyin kóptegen sayasy qyzmettegi túlghalar lauazymynan aiyryldy. Olardyng arasynda Ýkimetting búrynghy basshysy Asqar Mamiyn, Almaty qalasynyng sol kezdegi әkimi Baqytjan Saghyntaev, ÚQK eks-tóraghasy Kәrim Mәsimov, Qorghanys ministri bolghan Múrat Bektanovtyng esimi ataldy Búlardyng songhy ekeui birden qamaugha alyndy.

Al Nyghmatulin 1 aqpanda qyzmetimen ketuimen qatar, sol joly jiynda eks-preziydent Núrsúltan Nazarbaevqa erekshe alghys aitqan bolatyn.

Abai.kz