Jyrtyq mәikimmen,
Dalaqtap, kele jatqam,
Múnly keypimmen,
Alaqtap kele jatqam,
Bir kezde, eki  kisi,
Bolghanday, mende isi,
Iya, jastary kishi,
Meni jetektep,
«Búlay jýrgening jetet» – dep,

Kóshe shetine túrghyza saldy,
Moynymdy  búrghyza saldy,
Ýstime kóilek kiygize saldy,
Auzyma jilik tiygize saldy,
Biri shashymdy tarap jatty,
Ekinshisi– aqshany sanap jatty,
Ýshinshisi– qolym sýiip,
Úyalmay, jalap jatty,
Sóitsem, preziydent keledi eken.

«Halyq arasynda yrjiyp,
Jýrmesin dep tyrjiyp»,
Júrtpen túru kerek eken!
Qala әkimi ýstimdi qaghyp jatty,
Hatshysy  janghaq shaghyp jatty,
«Ne degen qúrmet?» – dep,
Kóz jasym aghyp jatty.
Etten jey bergenimde,
«Oo! rahmet!» –dey bergenimde,
Qasymdaghy tartyp aldy.

«Ólding be?» –dep,
Bir qolyn,
Moynyma artyp aldy.
Jal–jayany shaynap túrmyn,
«Ne degen kóz boyau?» – dep,
Kәdimgidey, qaynap túrmyn,
Tisimdi әkim  shúqylasa,
«Kәiippen», jaynap túrmyn,
Tynqiyp, toyyp aldym,
Jaqtyrmaghan sheneuniktin,
Eki kózin «oyyp» aldym,
«Boldy, jeter endi!» –degennin,
Terisin sypyryp, soyyp aldym,
«Ne degen baymyn!» –dep,
Qolymdy býiirge qoyyp aldym,
Osylay kýlip túrghanymda,
Moynymdy sәl búrghanymda,
Ákim qúiryghyma teuip qaldy,
Kýlki qúrghyr keuip qaldy.

Sonda da,
Dauys ketti ongha, solgha da:
–Biz baqytty elmiz!
Biz baqytty elmiz!
Dep aiqayladym,
Astaryn onyn
Biraq, bayqamadym,
Ákim  taghy teuip qaldy,
Yrjighanym keuip qaldy.

Sonda da,
Basymdy búryp, on, solgha da:
–Qaranyzdar, halyqqa,
Qaramaydy, naryqqa! –
Dep yshqyndym,
Auzyma keldi,,
Ótirik degen qyshqyldyn...
Bir kezde,
Demde,
Kóilegimdi sheship aldy,
«Ayta berer, kópirip,
Bәri ótirik!» –
Dep edim,
Tilimdi kesip aldy.

Bergen aqshany alyp qoydy,
Qaltama tas salyp qoydy,
Sóitsem, preziydent kelmeydi eken,
Bәse, bekerden–beker
Demeniz, ómir sheker,
Bәrin tegin  bermeydi eken...
Endi ýige qaytam,
Taghy da aitam,
Preziydent kelmeydi eken!

Múhtar Sherim

Abai.kz