21 qyrkýiekte Arman Júmageldiyev pen, Qayrat Qúdaybergen jәne basqa da túlghalargha qatysty qylmystyq is boyynsha aldyn ala tyndau ayaqtaldy, dep habarlaydy Ulysmedia.kz.

Is boyynsha sottalushylardyng jalpy sany – 45 adam. Olargha «Biylikti nemese lauazymdyq ókilettikterdi asyra paydalanu» (QK 362-baby), úiymdasqan qylmystyq top qúru, oghan basshylyq etu jәne oghan qatysu (QK 262-bap), qaraqshylyq shabuyl (QK 191-bap), zansyz bas bostandyghynan aiyru (QK-ning 126-baby), 2022 jylghy qantardaghy jappay tәrtipsizdikterdi úiymdastyru jәne olargha qatysu (QK 272-bap), banditizm (QK 268-bap) boyynsha aiyptar taghyldy.

Almaty qalalyq sotynyng baspasóz qyzmetining habarlauynsha, otyrys barysynda sotqa proseske qatysushylardan sottalushylargha qatysty búltartpau sharasyn ózgertu jәne jong, qylmystyq isti qaytaru jәne toqtatu, jaqyn tuystaryn qorghaushy retinde tanu turaly jýzden astam ótinishhat týsken.

Sonday-aq is boyynsha 10 jәbirlenushi, bir kuә jәne bir sottalushy tarap, sot otyrysyn jabyq týrde ótkizudi súrady.

“Olar óz ómirleri men otbasylary men jaqyndarynyng qauipsizdigi ýshin qauiptenetinderin bildirdi. Búl ótinishterdi sot qanaghattandyrdy”, – delingen habarlamada.

Basty sot otyrysy biylghy jyldyng 6 qazanyna belgilengen.

Eske salayyq, Qayrat Qúdaybergen ótken jyldyng 22 sәuirinde ústaldy. 24 sәuir kýni sot qaulysymen tergeu organdarynyng ótinishi qanaghattandyrylyp, Qayrat Qúdaybergenge qatysty әreketti saralau turaly qauly shygharylghangha deyin ony 30 tәulik merzimge kýzetpen ústau týrindegi búltartpau sharasyna sanksiya berildi. Sodan beri ony qamauda ústau merzimi ýzdiksiz úzartylyp keldi.

Qayrat Qúdaybergenge Qantar oqighasy kezinde jappay tәrtipsizdikterdi úiymdastyrdy degen aiyp taghylghan. Almaty qalasy mәslihatynyng búrynghy deputaty  portalymyzgha tergeu kamerasynan joldaghan jazbasha jauabynda qandy qantar jayly óz núsqasyn aityp bergen edi.

Al «Dikiy Arman» laqap atymen tanylghan Arman Júmageldiyev byltyr 7 qantarda ústaldy.

Búdan búryn Arman Júmageldiyev pen Qayrat Qúdaybergennin  advokattary mәlimdeme jasaghan.

Sottyng birinshi otyrysynda 42 aiyptalushy men jәbirlenushining saualnamalyq derekteri tyndaldy. Advokattar men qúqyq qorghaushylar búl prosess kem degende alty aigha sozylady dep boljap otyr.

Abai.kz