Ótken aptada bizding biylikting kópvektorly sayasatyna qatysy bar eki oqigha boldy: Reseyding San-Peterbor qalasynda G-20 elderi basshylarynyng sammiyti ótti; Qazaqstangha QHR tóraghasy Shy Jin Ping resmy saparmen kelip ketti. Ekeui de óz kýnin ózi kórip jýrgen qara halyqty asa qynq etkizbeytin jogharghy sayasattyng sharuasy bolsa da, elding ertenine, bolashaqtyng baghdaryna tikeley qatysy bar oqigha ekeni dausyz. Osy eki oqighadan ne týidik? Osynday saualdyng jauabyn izdep, belgili sayasattanushy Rasul JÚMALY myrzany (surette) әngimege tartqan edik. Birden aita ketu kerek, bizding eldegi avtokratiyalyq biylik jaghdayynda ýlken sayasatqa tóndire sóileu – bәigege bas tigumen para-par qater. Sondyqtan jas sayasatshynyng astarly sózinen mәn-mazmún andaghan oqyrman biraz mәselege qanyq bolady degen oidamyz.

– Rasul myrza, siz Reseyding San-Peterbor qalasynda ótken G-20 elderi basshylarynyng sammiytin sayasattanushy retinde jiti baqylaghan bolarsyz: onda әlemdik damu ýrdisine paydasy tiyerlik nedey janalyq boldy dep oilaysyz?

Ótken aptada bizding biylikting kópvektorly sayasatyna qatysy bar eki oqigha boldy: Reseyding San-Peterbor qalasynda G-20 elderi basshylarynyng sammiyti ótti; Qazaqstangha QHR tóraghasy Shy Jin Ping resmy saparmen kelip ketti. Ekeui de óz kýnin ózi kórip jýrgen qara halyqty asa qynq etkizbeytin jogharghy sayasattyng sharuasy bolsa da, elding ertenine, bolashaqtyng baghdaryna tikeley qatysy bar oqigha ekeni dausyz. Osy eki oqighadan ne týidik? Osynday saualdyng jauabyn izdep, belgili sayasattanushy Rasul JÚMALY myrzany (surette) әngimege tartqan edik. Birden aita ketu kerek, bizding eldegi avtokratiyalyq biylik jaghdayynda ýlken sayasatqa tóndire sóileu – bәigege bas tigumen para-par qater. Sondyqtan jas sayasatshynyng astarly sózinen mәn-mazmún andaghan oqyrman biraz mәselege qanyq bolady degen oidamyz.

– Rasul myrza, siz Reseyding San-Peterbor qalasynda ótken G-20 elderi basshylarynyng sammiytin sayasattanushy retinde jiti baqylaghan bolarsyz: onda әlemdik damu ýrdisine paydasy tiyerlik nedey janalyq boldy dep oilaysyz?

– Búl sammit halyqaralyq qatynastardyng kýrdeli kezeninde ótken biyik bas qosu boldy der edim. Songhy bes on jyldyng ishindegi BÚÚ, EQYÚ (OBSE) siyaqty halyqaralyq úiymdardyng әlemdegi yqpaly tómendep, onyng esesine «ýlken segizdik», «ýlken jiyrmalyq» úiymgha birikken memleketterding jiyny men bedeli basymdyq alyp keledi. Sebebi әlemdegi 200-ge tarta memleketting aldynghy jiyrmasy әlemdik ekonomikanyng 90 payyzgha juyq ýlesin iyemdenip otyr. Siriya memleketi tóniregindegi mәsele, Resey men Amerikanyng arasyndaghy qatynastyng qarama-qayshylyghy, tipti Amerika preziydenti Barak Obama «Snouden oqighasyn» jeleu etip, reseylik әriptesimen kezdespeytinin mәlimdegennen keyin bolghan sammitting әlemdik dengeydegi manyzy bar ekeni aiqyn. Alayda Siriya men Tayau Shyghystaghy jaghday, terrorizm mәselesi osy bas qosuda shetke yghystyryldy da, negizinen әlemdik ekonomikalyq mәsele talqylandy. Siriya tóniregindegi jәne ózge de sayasy mәseleler memleket basshylarynyng ózara beyresmy kezdesu barysynda ghana qozghaldy.

Al osy jiynnyng nәtiyjesinde әlemdi eleng etkizetindey janalyq bolghan joq, basty nazarda dýniyejýzilik daghdarystan shyghu joldary qarastyrylyp qana qoydy. Sol sebepti qabyldanghan sheshimderdi eleuli dep aitugha kelmeydi, sondyqtan búl sammit qatardaghy bas qosudyng biri deuge әbden boldy.

– Osy G-20 sammiytine Núrsúltan Nazarbaevtyng Resey preziydentining shaqyruymen qatysuyn qalay baghalaysyz?

– Álemdik ekonomikada oiyp túryp oryn alghan jiyrma elding ýlesi 85-90 payyzdy qúraytyny anyq. Núrsúltan Nazarbaevtyng sol jiyngha qatysuyn auyz toltyryp aitpasaq ta, Qazaqstan memleketi ýshin – mәrtebe. TMD elderining arasynan sammitting qojayyny retinde Vladimir Putinning arnayy shaqyruynyng astarynda Qazaqstan ózining odaqtasy ekenin kórsetuding ontayly әdisi ghana bolghan siyaqty. Áriyne, sheshim qabyldau kezinde qonaq retinde ghana shaqyrylghan elding basshylary dauys bere almaydy, tek tyndaushy retinde qatysady.

– Jalpy, Siriya men «Snouden mәselesin» әrqaysysy ózderinshe jeleu etken AQSh pen Reseyding arasy ashylyp bara jatqany mәlim. Eki elding biri – AQSh әlemdik sayasattyng taghdyryna elendeuli bolsa, Resey – keritartpashylyq ústanymnan ainymay otyr. Osy jaghdayda Qazaqstannyng kimge jaqtasuy ondy bolar edi?

– Qazaqstan eshkimning de mýddesine jaqtaspaghany dúrys sayasat bolar edi. «Tәuelsizdikke endi ghana qol jetkizgen memleketpiz» degen qasang oidan, «bireumen odaqtasyp, sonyng sózin sóilemesek, aidalada qalamyz» degen qorqynyshtan arylghanymyz jón. Sebebi әlemdik tәjiriybege zer salsaq, Qazaqstannan әleueti tómengi dengeydegi memleketterding ózi eshkimning jetegine erip, eshkimning qoltyghynyng astyna tyghylghan joq. Uinston Cherchilliding aitqany bar ghoy: «Mәngilik odaqtas bolmaydy» degen. Sondyqtan eng aldymen ózimizding últtyq, sayasy ekonomikalyq mýddelerimizdi ústanuymyz kerek.

Ekinshiden, tәuelsizdikting alghashqy kezeninde jariyalanghan kópvektorly sayasattan – Qytay, Resey, AQSh, islam elderi әlemimen tarazynyng basyn teng ústaytynday baghyttan auytqymauymyz kerek. Ókinishke qaray, songhy bes alty jyldan beri sol tepe-tendik Resey men Qytaygha ghana búrylyp bara jatqany bayqalady. Kerisinshe, kópvektorly sayasatta tiyisinshe әriptester qatary kóp boluy tiyis. Sonda ghana jekelegen bir memleketke tәueldi bolugha, sonyng yqpalynda ketuge jol berilmes edi. Al bizdegi búl ýrdis qazir kelensiz renk alyp bara jatyr. Resey «Kedendik odaq»,» Birynghay ekonomikalyq kenistik» degen jeleumen integrasiyalyq qúrylymdary arqyly; Qytay – Qazaqstandaghy qarjy tapshylyghyn paydalanyp, qaryz beru arqyly әrqaysysy birte-birte óz ýstemdigin arttyryp jatyr.

– Osy oiynyzdy tarqata týssek, biz Reseyding imperiyalyq odaghyna dәrmensiz sinu arqyly әlemdik órkeniyetke «ógey bala» bolyp qalar týrimiz bar. Odan da qiyny – Qazaqstannyng imperiyalyq odaqtaghy bolashaghy. Álde siz ol bolashaqty Reseymen birge elestete alasyz ba?

– Eng aldymen, Reseymen yntymaqtastyq, odaqtastyq degende, sol «Kedendik odaq», «Birynghay ekonomikalyq kenistik», «Euraziyalyq odaq» úiymdarynyng bәlendey bolashaghy bar dep oilamaymyn. Qazaqstannyng búl úiymdargha mýshe bolyp, sayasy nemese ekonomikalyq diviydent ala qoyatynyna senbeymin.

Anyghynda, búl odaqtastyqtyng eki jaghy baryn da eskergenimiz jón. Qanday da bir odaqtas el bizding tәuelsizdigimizben sanasa otyryp, yntymaqtastyq qarym-qatynasty teng dәrejede jýrgizui tiyis jәne Qazaqstannyng ishki sayasatyna qol súqpauy basty sharty boluy kerek. Resey – ejelgi alyp kórshimiz, onymen iygi dostyq qatynasty nyghaytqanymyz jón.

Al ekinshi jaghynan, Reseydi Putin men Medvedev basqaryp otyrghan sayasy biylik túrghysynan qarastyrsaq, sol biyliktegi toptyng basym bóligi – búrynghy «tynshylyq» (KGB) qyzmetting týlekteri. Olardyng kózdegen arman-múrattary – búrynghy kenestik kezenge oralyp, ózining imperiyalyq ýstemdigin jýrgizu. Al «tynshylardan» qúralghan Kremli biyligi osy pighyldaryn Resey qoghamynyng aldynda óz yqpaldaryn, bedelin saqtap qaludyng taptyrmas joly dep sanaydy. Maqsaty – postsovettik elderdi biriktiru jónindegi iydeya arqyly qúldyrap bara jatqan Putinning imidjin kóteru. Al basqa kez kelgen mәselede putindik biylikting reytingi óte tómen, ekonomikalyq, әleumettik, modernizasiyalau jobalarynyng 99 payyzy sәtsizdikke úshyrady.

Sondyqtan olardyng ózderin búrynghy odaqtas respublikalardy Reseyding qol astyna jinaushy retinde kórsetuge tyrysulary – dalbasa tirlik. Imperiyalyq odaqty ansaushylardyng kózin jetkizu ýshin, ýstemdik jasau sayasatyn kózdeude. Is jýzinde sonday aram pighyldaghy sayasattyng nәtiyjesi joq, tipti boluy da mýmkin emes. Qazir búrynghy on tórt odaqtas respublikanyng basym bóligining Reseymen qarym-qatynasy óte nashar. Tipti, ózimen tuystas slavyan bauyrlary – ukraindar men belorustargha qarsy «sauda soghysyn» jýrgizude. Dәl osy jaghdayda Qazaqstan birinshi kezekte ózining últtyq mýddesin eskerui kerek. Reseydi jaqtaymyz dep, «SSSR shekpeninen shyqqan» TMD memleketterin ózimizge qarsy qoydyng qajeti qansha? Tәuelsiz Qazaqstan kimmen, qalay qarym-qatynas jasaudy ózi ghana sheshui tiyis.

– Degenmen, bizdegi biylikte de Reseymen odaqtasu arqyly óz mýddelerin oilaghan toptar bar ekenin joqqa shygharugha bolmas...

– Áriyne, onday jaghdaydy da joqqa shygharugha bolmaydy. Biylikte jýrgen lauazymdy sheneunikterding keybiri Reseydi qoyyp, Qytaymen de odaqtasugha ket әri emes. Naqty maghlúmattar tapshy bolghandyqtan, sausaqpen bezep, atyn atau qiynyraq, biraq bizding qogham odaqty kókseushilerding kim ekenin boljay alady. Sondyqtan Reseymen memlekettik túrghydaghy odaqtastyqqa qatysty sheshimder atýsti jasalmay, el talqysynan ótui tiyis. Kedendik odaqtan Qazaqstan jaghy útyldy, bagha sharyqtap ósip, otandyq tauar óndirushi kәsipkerlerge keseli tiygenine kýndelikti túrmysta kuә bolyp otyrmyz.

Qazaqstannyng әleueti Reseydikimen mýldem sәikes kelmeydi. Resey – ekonomikalyq jaghynan da, demografiyalyq jaghynan da, әskery әleueti jaghynan da Qazaqstannan on-on bes ese basym memleket. Reseyding ózinde sol búrynghy Kenes Odaghyn qúru, búrynghy ózining Kenestik ýstemdigin qayta janghyrtu mәselesi ishinara qozghalyp, osy saryndaghy sayasy mәseleler jii estilip jýr. Osynday jaghdayda Qazaqstannyng últtyq mýddeleri qanshalyqty saqtalady? Qazaqstan qanshalyqty derbes damy alady? Búl súraqtardy biyliktegi jekelegen túlghalar emes, býkil halyq sheshui kerek. Óitkeni búl – elding taghdyryn, halyqtyng bolashaghyn sheshetin súraqtar.

Jalpy, әlemdik halyqaralyq tәjiriybeni eskeretin bolsaq, týrli integrasiyalyq qúrylymdargha enu – mindetti týrde jalpyhalyqtyq referendum arqyly sheshiledi. Yaghni, múnday manyzdy qadamdarda halyqtyng pikiri eskeriledi. Mysaly,  2012 jyly Euroodaqqa 27-shi mýshe bolyp Horvatiya endi. Biraq enuding aldynda onda jalpyhalyqtyq referendum ótti. Jaghdaydyng ýilesimdiligine qaray halqynyng basym bóligi qoldaghandyqtan ghana Horvatiya ol odaqqa kirdi.

– Al QHR tóraghasy Shy Jin Ping joldastyng Qazaqstangha saparynan keyin bizdegi kópvektorly sayasattyng «Qytay mәselesine» qanday bagha beresiz? Búl sapar Qashaghandy menshiktenumen ghana tyndy ma?

– Resey de, Qytay da ózderining memlekettik mýddesin oilaytyny – zandylyq. Sol zandylyqtyng talaptaryna say óz yqpalyn jýrgizuge talpynady. Al biz óz ýlesimizdi, óz mýddemizdi yn-shynsyz ózgege ústata salsaq, bolashaq úrpaq aldyndaghy keshirilmes kýnәgha batamyz. Qytay – Qazaqstannyng baqytty el boluy ýshin emes, eng birinshi kezekte óz mýddesi ýshin jana jobalargha, ekonomikalyq kelisimderge qol qoyady.

Qazaqstannyng kópvektorly sayasaty negizinde el ekonomikasyna ózge de elderdi kóptep tartudy kózdeui tiyis edi. Biraq Qytaygha kelgende, bosansyp sala beredi... Onyng bir sebebi – ekonomikalyq daghdarys kezeninde qarjy kózi – osy kórshi bolyp túr. Al Qytaydan alghan sol qaryzdy qaytarudyng jolyn býgin emes, keshe oilastyrmaghanymyz ókinishti-aq. Jekelegen múnay-gaz ken oryndarynda, mәselen Aqtóbede – 90-100 payyz, Qúmkólde – 50–60 payyzgha juyghyn, Manghystauda – 30, Atyrauda – 10–15 payyzyn menshiktep alghan. Kezinde Qazaqstan siyaqty múnaygha bay Arab elderi tәuelsizdik alghan kezde ózderindegi múnay óndiretin tehnologiyalyq bazasy qalyptaspaghandyqtan, syrttan kelgen investorlargha óz ýlesterin 40–50 jylgha kelisim-shartpen bergen edi. Biraq 10–15 jyldyng ishinde qaryzdaryn tolyq ótep, tabighy shiykizat kózderin ózderine qaytaryp alyp, memleketting menshigine ótkizdi.

Bizde kerisinshe, syrtqa qaryzymyz kóbeyip, shiykizat salasyndaghy shetelding ýlesi barghan sayyn artyp barady. Eger tәuelsizdikting alghashqy jyldary túrghysynan alsaq, búl jaghdaydy týsiner edik, al qazir qarjymyz bar, Últtyq qorda milliardtaghan dollar óte tómen payyzdyq mólsherde Europanyng bankterinde, elge paydasy tiymey, iske aspay jatyr. Esesine qaryzdy joghary payyzben shetten tasyp, múnay men gaz aktivterining payyzdyq mólsheri arzan baghagha satyluda. Onyng qaytarymyn alghanymyzdyng ózi de kýlkili: ótken jyldarda Qarashyghanaqtaghy 5 payyzdyq ýlesimizdi milliardtaghan qarjygha satyp alghanymyzgha maqtanghanymyzdy qalay týsindiruge bolady?! Óte ókinishti! Bir ghana Qytaydyng bizdegi ýlesining artuy – bolashaqta strategiyalyq qiyndyq tughyzuy mýmkin degen súraqqa jauapty kimnen alamyz?

– Qashaghannan bolashaqta óndiriler ónimning deni qytaylardyng investisiyasyna satylyp ketti degen sóz bar. Eger búl sózding tórkini shyn bolsa, Qazaqstan Qytaydyng aldynda mәngilik qaryzdar bolyp qaldy degen sóz ghoy?..

– Jogharyda atap ótken basqa jobalarmen birge qarastyratyn bolsaq, sóz joq, qytaylyq kompaniyalargha tәueldiligimiz artyp kele jatyr. Qytaydyng Qashaghandaghy 8,4 payyzdyq ýlesi sheshushi faktor emes, biraq negizgisi – osy ken ornynan alatyn paydamyzben birge ekologiyalyq, әleumettik faktordy basty nazarda ústaugha tiyispiz. Qorshaghan ortagha, túrghyndardyng densaulyghyna tiygizetin zalaly eskerildi me?

Taghy bir kelensiz ýrdis – songhy eki ýsh jylda Batys memleketterding kompaniyalary Qazaqstandaghy óz aktivterinen bas tartuy jiyiledi. Solardyng ornyn otandyq kompaniyalar basudyng ornyna, qytaylyqtar enshilep jatyr. Taghy sol «jabyq esik» jaghdayynda, atýsti jasalghan kelesim-shart arqyly «úly kórshimiz» ken kózderin qomaghaylana alyp jatyr. Áli kýnge deyin eng ýlken kelisimderding «memlekttik qúpiya» týrinde jýrgizilui kimge de bolsyn kýmәndi. El baylyghyn satu elding kózinen tasada jasaluynyng kesirin bolashaq úrpaq tartyp qalmasa iygi?! Sondyqtan, keleshek úrpaq Qytaygha qaryzdar bolyp qalmay ma degen kýmәndi oidyng bary ras.

– Al otandyq kәsipkerler múnay-gaz ken kózderin alugha nege mýddeli emes? Álde olar onday jobany iygeruge qauqarsyz ba?

– Onyng sebebi tipti de kýrdeli emes: olardy búl naryqqa jolatpaydy. Ekinshiden, qomaqty qarjy iyeleri aqshasyn jabyq jaghdayda ústaugha tyrysady. Óitkeni olardyng tabysynyng deni zansyz jolmen tabylghany aidan anyq. Sondyqtan olar qarjysyn syrtqa shygharugha tyrysady. Jyl basynda Kipr aralyndaghy qarjylyq daghdarysta qazaqstandyqtardyng milliardtaghan qarjylary bar ekeni anyqtaldy. Ózderining bolashaghyn Qazaqstanmen baylanystyrmaytyndar aqshasyn shetke tasyp әlek boluda.

Ýshinshiden, otandyq biznes ókilderine qadaghalaushy mekemelerding qoyatyn kedergisi kóp, zandylyq normalary da eskerilmegen. Iri biznes ókilderi tek shiykizat óndirumen ainalysady. Preziydentting qasyndaghy kenesshileri syrttan keletin investisiyagha barlyq jaghdaydy jasasa, otandyq biznes ókilderine onday mýmkindik jasalmaghan.

Juyrda kәsipkerlerding otyrysyna qatysyp, myna bir jaghdaygha kuә boldym: búryn «jemqorlyqqa jol berilmesin, qarsylyq bildiremiz» degen ústanym bar edi, endi «sol jemqorlyqtyng payyzy azaytylsyn» degen әngime aityldy. Soghan qaraghanda, biylik jemqorlyqty jenemiz degen oidan ainyp, deldaldyq qyzmetting ýlesi tómendetilse eken degen úsynystar aitylghanyna qaraghanda, bar mәselening týp-tórkini aidan anyq bolsa kerek.

– Osynday jaghdayda Qazaqstan biyligine ses kórsete alady deytindey últtyq kýshter nege qamsyz jatyr?

– Sayasy partiyalar men qoghamdyq qozghalystar, últtyq úiymdar – әlbette azamattyq qoghamnyng kórinisi. Bizde azamattyq qogham sóz jýzinde ghana aitylady da, is jýzinde joqtyng qasy. Azamattyq qoghamnyng biylikke yqpal etuin әdil saylau ótkizu, beybit sheruge shyghu, sóz bostandyghy men tәuelsiz sot jýiesin demokratiyalyq qúndylyqtar túrghysynan saraptasaq, bizde osy sharttardyng bir de belgisi joq. Resmy mәlimetter boyynsha, halyqaralyq úiymdar aldynda demokratiyalyq damu jolyna týsken memleket bolyp shygha kelemiz.

Jekelegen faktorlargha jýginsek, sayasy partiyalardyng jabyluy, liyderlerining týrmege qamaluy, qughyngha týsui, tәuelsiz BAQ-targha qysym jasaluy – azamattyq qoghamnyng damuyna kedergi keltirude. Zaman talabyna say, memlekette bir ghana sayasy kýsh boluy mýmkin emes, oppozisiyasy túnshyqtyrylghan, adam qúqy men bostandyghyna erkindik berilmeytin elde әrtýrli tolqular men azamattardyng bas kóterui – zandy qúbylys. Eldegi әleumettik mәselening sheshilmeui, qymbatshylyq, zeynetaqy, su, jol, auyz su, auyl mәselesi – aita bersek, tausylmaytyn tizimning artynda el túrghyndary, damyp kele jatqan azamattyq qoghamnyng bar ekenin biylik bir sәt te esten shygharmauy tiyis.

Almatydaghy «Praym Plazadaghy» Qayrat Núrtastyng kýni keshegi konsertining sony nege úlasqany belgili. Ol jerde Qayrattyng әn aitqan-aytpaghanynan sebep izdeuding qajeti joq. Osynday kelensiz jaghdaygha әkelgen jýiening sebepterin qoghamdaghy qalyptasqan keritartpa jәittardan izdegen jón. Bizde, kerisinshe, bey-bereketsizdikter oryn alsa, onyng shynayy sebepterin anyqtap, keleshekte boldyrmaudyng ornyna, bizding biylik shyndyqty býrkemelep әlek bolady. Qoghamdaghy bilim beru, jastar arasynda tәrbie júmysyn jýrgizu, basqa da әleumettik mәselelerdi uaqtyly әri keshendi sheshuding ornyna, qogham narazylyghyn tughyzyp, әri ushyqtyratyn basyp-janshu, qamau sekildi әreketter jasaldy. Isti nasyrgha shaptyrmay, der kezinde sheshetin azamattyq qoghamnyng jogharyda atap ótken sharttary jýzege asuyna qol jetkizsek, jaghday mýlde basqasha damityn edi.

– Juyqta әldebir últtyq úiymdar qúryltay ótkizetini jóninde aqparat taratty. Siz osy jiyndy ótkizushilerding últ aldyndaghy ókilettigin moyyndaysyz ba?

– Osynday bir aqparatty «Feysbuk» paraqshasynan oqydym. Qazaq azamattarynyng maqsaty bir ekeni ras, sol maqsatqa jetu ýshin, әrkim әrtýrli joldy tandaydy. Osy bastama jaqsy nәtiyje әkeletin bolsa, qúba-qúp. Biraq dәl osy bastamadaghy «Qúryltay» degen kiyeli ataudyng qúnyn týsirmegenimiz jón der edim. Ol jiyn dóngelek ýstel manyndaghy bas qosudan, qanday da bir konferensiya týrinde bastalsa dep oilaymyn. Búghan deyin de birneshe referendum, birneshe Qúryltay ótkizildi, alayda aty darday jiyndardy ótkizuding dayyndyghy shala, asyghys jýrgizilgendikten, nәtiyjesi dittegen jerine jetpedi. Almaty men Astanada ótken jiyndardan alys auyldaghy qazaq habarsyz qalyp qoyatyny ras, elden keletin ókilderding qatysuy basty nazarda bolsa deymin.

– Biylghy kýzde Qazaqstannyng basqaru biyliginde ýlken ózgerister bolady degen taghy bir sóz BAQ betinde jiyi-jii aityla bastady. Tipti Núrsúltan Nazarbaev biyligin basqagha beredi eken degen de qaueset bar. Siz qalay oilaysyz: onday ózgerister jasaugha alghysharttar bar ma?

– Alghysharttar baryn joqqa shygharugha bolmas. Óitkeni bizding elde auyz toltyryp maqtanatynday bir salany kórip otyrghan joqpyz. Mәdeniyet, bilim beru, densaulyq saqtau, sheshimin tappaghan әleumettik mәseleler qoghamda jetip artylady. Halyqqa paydasy joq, joghary dәrejedegi halyqaralyq jiyndar ótkizu ghana jaqsy jolgha qoyylghan siyaqty. Sayyp kelgende, osynday qordalanghan mәselening tireletin jeri – sayasy jýie. Sondyqtan ózgeristerding qajettigi qisyngha keletin mәsele ekeni dausyz. Biraq elimizde onday ózgerister bolady dep, kesip aitugha taghy kelmeydi: bar mәseleni bir adam ghana sheshetinin eskersek, sol adamnyng qanday oi-joralghysy baryn eshkim tolyq boljay almaydy. Qogham ózgeristerge súranyp túr. Al biyliktegi jekelegen kadr auystyru sayasaty eshqanday ózgerister әkelmeydi, tek auys-týiis dengeyinde ghana qalatyn ýirenshikti ýrdis qana.

Baqytgýl MÁKIMBAY,

«D»

«Obshestvennaya pozisiya»

(proekt «DAT» № 30 (206) ot 12 sentyabrya 2013 g.