Qazaqstan Premier-Ministri, Su tasqynyna qarsy is-sharalardy ýilestiru jәne su tasqyny zardaptaryn joi jónindegi respublikalyq shtabtyng jetekshisi Oljas Bektenov Aqtóbe oblysyndaghy su tasqynyna baylanysty jaghdaydy tekserip, Memleket basshysynyng tapsyrmalarynyng jergilikti jerlerde oryndalu barysymen tanysty. 

Atap aitqanda, birqatar su qoymalaryn tikúshaqpen aralap, su tasqynynan zardap shekken ýilerge bardy, sonday-aq ahualdyq ortalyqtyng júmysymen tanysyp, respublikalyq shtabtyng otyrysyn ótkizdi.

Sol jerde Oljas Bektenov su basqan ýilerding jay-kýiin qarap, túrghyndardyng baspanalaryn qalpyna keltiru jәne basqa da qosymsha qoldau sharalaryn kórsetuge qatysty súraqtaryna jauap berdi. Mәselen, әkimdik tizimderi boyynsha su tasqynynan zardap shekkender sanatyna jatqyzylghan barlyq azamattargha nesiyeler boyynsha jyldyng mausym aiynyng sonyna deyin 3 aigha nesie tólemderin avtomatty týrde keyinge shegeru mýmkindigi beriledi, sonymen qatar tólemderdi keshiktirgeni ýshin aiyppúldar men ósimpúldar salynbaydy.

Jalpy oblysta tasqyn qaupi әli seyilmegen. Qazir ózenderding kópshiliginde su arnasynan asyp ketkeli túr. Ónirde 792 ýy su astynda qaldy. Oblystyng 5 audanynda (Qobda, Múghaljar, Temir, Áyteke bi, Oiyl) jәne Aqtóbe qalasynda jergilikti auqymdaghy tabighy sipattaghy tótenshe jaghday jariyalandy. Su tasqynyna qarsy is-sharalargha jeke qúramnan 3140 adam, 664 tehnika júmyldyryldy. Barlyghy 8 978 adam qauipsiz jerge kóshirildi.

Oljas Bektenov kólemi 15,8 mln m3 bolatyn Maghadjan bógetin aralap kórdi, onda qarghyn su aghyny saldarynan Maghadjan su qoymasynyng bógeti búzyldy. 1985 jyly paydalanugha berilgen. Gidrotehnikalyq qúrylys jekemenshik «Túlpar» JShS kompaniyasynyng iyeliginde. Qyzyltu auylynan 25 adam, Tabantal qystaghynan 11 adam evakuasiyalandy.

Sonymen qatar boljamdargha sәikes, 5-11 sәuir aralyghynda oblystyng barlyq aumaghynda aua temperaturasy aitarlyqtay jylynuy mýmkin, qatty jauyn-shashyn kýtilmeydi. Osyghan baylanysty su tasqynynan zardap shekken auyldarmen qatar, qayta su alyp ketu qaupi joq aimaqtardaghy eldi mekenderding tynys-tirshiligin de qalpyna keltiruge nazar audaryldy.

Mәselen, qazirding ózinde 26 eldi mekende elektr quatymen jabdyqtau qalpyna keltirildi. «Energojýie» JShS-ning barlyq bólimsheleri kýsheytilgen rejimde júmys isteude. Respublikalyq manyzy bar 9, oblystyq manyzy bar – 3 jolda jәne 9 audandyq manyzy bar jolda sudyng toqtauyna baylanysty kólik qozghalysyna qoyylghan shekteuler alynyp tastaldy. Ónirde shyghyndy óteu komissiyasy júmys isteydi. Ýsh kýn ishinde komissiyagha materialdyq shyghyndardy óteu turaly 1623 ótinish týsken. Algoritmge sәikes, TJ oryn alghan kýnnen bastap kýntizbelik 30 kýn ishinde keltirilgen shyghyndy óteu turaly jergilikti әkimdikterge ótinish beriledi. Sonymen qatar Aqtóbe oblysynda su tasqynynan zardap shekken jәne qiyn jaghdaygha tap bolghan túrghyndar әkimdikke tiyisti ótinishpen jýginu arqyly bir rettik tólem ala alady.

Qorytyndy boyynsha Ýkimet basshysy Oljas Bektenov su tasqyny saldaryn joyghannan keyin kommunaldyq jәne jeke menshiktegi gidrotehnikalyq qúrylystarda jan-jaqty tekseruler jýrgizudi tapsyrdy. Aqtóbe oblysynda barlyghy 206 gidrotehnikalyq qúrylys bar.

Abai.kz