Resey propagandisteri Qazaqstannan kapitalyn jylystatugha qarsy bolghan deputatqa ses kórsete bastady

Mәjilis Komiyteti otyrysynda ESU dep atalyp jýrgen Biringhay esepke alu jýiesin shyn mәninde Reseyge zansyz kapital shygharu dep aiyptaghan deputat Baqytjan Bazarbekke Resey propagandisteri jabyla bastady.

Propagandist Ruslan Ostashko búl turaly: «Qazaqstanda taghy da «tәuelsizdik oiyny» bastaldy. Búl joly Reseyden kelip jatqan Edinaya sistema ucheta (ESU) tónireginde. Reseyde SUPIS bayaghydan beri býkil naryqty baqylap otyr. Endi kezek Qazaqstangha keldi. Osy tústa Mәjilis deputaty Baqytjan Bazarbek ayaq astynan búl «qauip», «sheteldik benefisiarlar» degen sekildi dabyra sózderdi aityp shyqty. Shyn mәninde - jay ghana óz ýlesin ala almaghan adamnyng reaksiyasy», - dep óz telegramynda tiyise jazdy.

Suret: Ostashko telegram arnasynyng skriyni.

Propagandistting aituynsha, Qazaqstan óz armiyasyn SVO-ny qoldaugha jibermegendikten, reseylik infraqúrylymdyq jobalargha kirip, osylaysha qarjylay qoldauy tiyis.

«Eger Astanada bireuler shynymen Qazaqstannyng egemendigine senip otyrsa, onda ony naqty qarjy aghyndaryn baqylap otyrghandargha týsindirip kórsin. Kýlkili bolmanyzdar».

Reseylikterding jabyla ýre bastauynyng sebebi, Baqytjan Bazarbekting bizde engizilip jatqan ESU jýiesi jinaghan komissiyalyq qarjynyng 80 payyzy Reseyge audarylatynyn әshkereleui edi.

«Jalpy, Preziydentting jәne Ýkimetting birneshe ret berilgen tapsyrmalaryna qaramastan negizgi maqsaty jyl sayyn tek komissiyalardan ghana 3,9 trillion tenge tabys tabatyn monopoliyalyq qúrylym qúru kózdelip otyr. Jaraydy, bastapqyda ESU-dy memlekettik kәsiporyn retinde qúru josparlanghan edi. Biraq sizderding kópshiliginiz óte manyzdy jaytty bilmeysizder. Qazir ESU is jýzinde shirma retinde ghana qalyp otyr. Onyng býkil funksiyalary reseylik NomaPay kompaniyasyna berilgen. Endi reseylik NomaPay kompaniyasy jyl sayyn osy 3,9 trillion tengeni tabatyn bolady. 3,9 trillionnyng 20%-y ghana ESU-da qalady, qalghan 80%-y Reseyge ketedi. Búl - naqty kapitaldyng syrtqa shygharyluy. Resey eshtene istep jatqan joq, reseylik kompaniyalar eshqanday júmys atqaryp otyrghan joq. Olar tek NomaPay platformasyn qúrghan, boldy. Barlyq aqsha dәl osy platforma arqyly jýzdegen milliardtar kóleminde syrtqa shygharylatyn bolady», - dep mәlimdegen deputat Bazarbek.

Suret: B.Bazarbek jazbasynyng skriyni.

Onyng sózinshe, Memleket basshysy qúmar oiyn biznesin aqsha elde qalatynday etip retteu boyynsha tapsyrma bergen. Biraq sheneuikter mýlde basqa nәrseni kózdep, kýdikti shemalardy typqalauda.

«Al sizder qanday platforma qúrdynyzdar? Nelikten NomaPay turaly aitpaysyzdar? Nelikten ony jasyryp otyrsyzdar? Bizde NomaPay boyynsha barlyq mәlimetter bar. NomaPay men ESU arasynda jasalghan kelisim naqty kórsetip túr: NomaPay onlayn-kazino men jalpy oiyn biznesin tehnikalyq qyzmet kórsetuden týsetin tabystyng 80%-yn alady. Sizder búny aitpaysyzdar, tek ESU turaly ghana aitasyzdar. Búl deputattyq korpusty adastyrugha әkeledi. Sondyqtan men búl týzetuge týbegeyli qarsymyn. Búl sózderimdi stenogramma ýshin aityp otyrmyn. Nege? Óitkeni búl kapitaldy syrtqa shygharu, búl sheteldik qatysushylardyng mýddesin lobbiyleu, búl patriottyqqa jatpaytyn әreket. Áriyne, mening dauysym eshteneni sheshpeydi. Biraq tarih ýshin bir kýni búnyng da beti ashylady, bir kýni qogham búny biledi, bir kýni búl әreketke qúqyqtyq jәne sayasy bagha beriledi», - dedi, Baqytjan Bazarbek.

Endi deputat Baqytjan Bazarbekke qarsy Reseyding alpauyt kýshteri óz lobbiyin iske qospaq. Propagandister onyng alghashqy legi ghana. Sebebi Kremlidegi kýshter soghysqa qarjy jetpey jatqandyqtan, Qazaqstannan mýmkindiginshe kapital sorugha niyetti ekeni týsinikti.

Abai.kz