Búrynghy ishki ister ministri Erlan Túrghymbaev shartty týrde bes jylgha sottaldy. Búl turaly Azattyq jazdy. 

Astana qalasynyng qylmystyq ister jónindegi audanaralyq soty búrynghy ministrdi “biylik ókiletin asyra paydalanu” baby boyynsha kinәli dep tanyp, bes jyl shartty jaza berdi. Odan bólek, sot ony on jyl belgili bir qyzmetterdi atqaru qúqyghynan da aiyrghan. Búl jóninde Astana sotynyng baspasóz qyzmeti habarlady.

Sottyng habarlauynsha, Túrghymbaev “ózine taghylghan aiyptardy tolyq moyyndap, ókingen”.

“Asa qúpiya sanatqa jatatyn” is kinәni moyyndau týrindegi prosessualdyq kelisim formasynda [sotqa] týsti. Sondyqtan ol bitimgershilik óndiris jaghdayynda jabyq qaraldy” dep jazylghan sot habarlamasynda.

Qantar oqighasynan keyin ishki ister ministri qyzmetinen bosaghan Erlan Túrghymbaev "biylik pen lauazymdyq ókiletin asyra paydalandy" degen kýdikpen ústalghany biyl sәuirde belgili bolghan. Bas prokuratura qylmystyq iste memlekettik qúpiyalar bolghandyqtan, basqa derekter jariyalanbaytynyn aitqan.

Abai.kz