Preziydent Zelenskiy Ukraina Radasynda túryp, Ukrainanyng «jenis josparyn» tanystyrdy. Sonymen, Ukrainanyng «jenis jospary» qanday? Búl turaly Mezgil.kz aqparattyq portaly jazdy. 

Birinshi mәsele - Ukrainany NATO-gha shaqyru!

Zelenskiy Resey ondaghan jyldar boyy Europadaghy geosayasy belgisizdikti, atap aitqanda Ukrainanyng NATO mýshesi emestigin paydalanyp kelgenin atap ótti. Dәl osy nәrse Reseyding Ukraina qauipsizdigine qol súghugha iytermeledi. Preziydentting aituynsha, Ukrainany NATO-gha shaqyru arqyly Putin «ózining geosayasy esepteri jenilip jatqanyn» týsinui kerek.

Ekinshi mәsele – Qorghanysty kýsheytu!

«Biz agressorgha qarsy kýreste Ukraina qorghanysyn nyghaytu turaly aityp otyrmyz», - deydi Ukraina Preziydenti. Zelenskiy Ukrainanyng pozisiyalaryn qorghau jәne «soghysty Resey territoriyasyna qaytaru» qajet ekenin aitty.

Búl tarmaq - Ukrainanyng qorghanys jәne qauipsizdik kýshterining pozisiyalaryn nyghaytudy, Resey Federasiyasy aumaghyndaghy operasiyany jalghastyrudy, Reseyding shabuyldyq әleuetin jongdy, Ukraina Qaruly Kýshterining rezervtik brigadalaryn jinaqtaugha seriktesterge kómek kórsetudi, әue qorghanysyn nyghaytudy, úshqyshsyz úshu apparattary men zymyrandardy paydalanu operasiyalaryn keneytudi, Resey aumaqtaryna soqqy jasau ýshin alys qashyqtyqtaghy qarudy qoldanugha shekteulerdi alyp tastaudy jәne Ukrainany naqty uaqyt rejiyminde sputniktik derektermen jәne basqa barlau qúraldarymen alynghan mәlimettermen qamtamasyz etudi qamtidy.

Ýshinshi mәsele – Reseydi oqshaulau!

«Ol ýshin AQSh, Úlybritaniya, Fransiya, Italiya jәne Germaniya basshylaryna joldanghan naqty úsynys-ótinishterimiz bar. Ony taghy birqatar memleketterge joldaytyn bolamyz», - dedi Zelenskiy.

Ukraina Preziydentining aituynsha, Ukraina óz jerinde Resey Federasiyasy tarapynan bolatyn kez kelgen әskery qauipten qorghaugha jetkilikti keshendi yadrolyq emes strategiyalyq tejeu paketin ornalastyrudy úsynyp otyr.

Tórtinshi mәsele – strategiyalyq ekonomikalyq әleuet!

Preziydent Ukrainada tabighy resurstar, onyng ishinde qúny trilliondaghan AQSh dollaryn qúraytyn manyzdy metaldar shoghyrlanghanyn aitty. Búl – uran, titan, litiy, grafit jәne basqa da strategiyalyq qúndy resurstar ne Resey men onyng odaqtastaryn ne Ukraina men demokratiyalyq әlemdi jahandyq bәsekelestikte nyghaytatyn resurstar!

Ukraina AQSh-qa, EO-gha Ukrainadaghy manyzdy resurstardy birlesip qorghau, birlesken investisiya jәne tiyisti ekonomikalyq әleuetti paydalanu turaly arnayy kelisim úsynady.

Besinshi mәsele – soghystan keyingi kezenge arnalghan!

Zelenskiy soghystan keyin Ukrainada eng tәjiriybeli jәne eng iri әskery kontingentterding biri bolatynyn atap ótti. Onyng aituynsha, Ukrainanyng búl tәjiriybesin aliyans qorghanysyn nyghaytu jәne Europadaghy qauipsizdikti qamtamasyz etu ýshin paydalanu kerek!

Ukraina preziydenti Zelenskiyding aituynsha, búl Ukrainanyng «jenis josparynyn» bir bóligi ghana. Yaghni, tolyq jospar emes!

«Eger búl jospar qoldau tapsa, soghysty kelesi jyldan keshiktirmey ayaqtay alamyz», - deydi Zelenskiy.

Preziydent Zelenskiy osyghan deyin Ukrainanyng «jenis josparyn» AQSh-qa, Europa memleketterine aparyp tanystyrghan. Al preziydent Zelenskiyding AQSh preziydenti Baydenge tanystarghan «jenis josparynyn» tórt tarmaghy BAQ-ta jariyalanghan.

Onda:

Áuelgisi – Batys tarapynan Ukrainagha qauipsizdik kepildikterin beru;

Onan son – NATO-gha kiru kezinde ózara qorghanys turaly paktige balama әzirleu;

Ýshinshi tarmaq – Kursk oblysyndaghy Ukraina operasiyasyn odan ary jalghastyru, zamanauy qaru-jaraqpen qamtamasyz etu mәselesin birjaqty etu;

Jәne songhysy – Ukrainagha halyqaralyq qarjylyq kómek beru mәselesin sheshu, - dep kórsetilgen.

Nazar audararlyq mәsele: Búl josparda soghys qimyldaryn uaqytsha toqtatu nemese oq atudy toqtatu turaly mýlde jazylmaghan. Búghan deyin Zelenskiy: «Biz egjey-tegjeyli әzirlegen «jenis jospary» bes tarmaqtan túrady. Tórteui - bizge dәp býgin qajet, bireui - soghystan keyin kerek. «Jenis jospary» – Ukrainany tez arada kýsheytetin jospar. Kýshti Ukraina Putindi kelissóz ýsteline otyrugha mәjbýrleydi!», - dep mәlimdegen.

Abai.kz