Qyrghyzstan Ánúranyn ózgertpek. Búl arada bir aita keterligi - Ánúrandy ózgertudi parlament spiykeri Núrlanbek Shәkiyev úsynghan. Búl úsynysty Qyrghyz preziydenti Sadyr Japarov qoldaghan.

Sonymen, Shәkiyev ne deydi, Japarov ne deydi?

Nurlanbek Shakiyev, Qyrghyzstan Parlamentining spiykeri:

«Qazirgi Ánúran Qyrghyzstan Kenes Odaghynan endi shyqqan kezde qabyldanghan eken, al qazir el damudyng jana kezenine qadam basyp otyr. Sondyqtan biz Ánúrandy ózgertumiz kerek. Ol býkil halyq birdey oryndaytynday bolugha tiyis», – dedi.

Sadyr Japarov, Qyrghyzstan Preziydenti:

«Ánúrandy janartqanda túrghan ne bar? Qazirgisi osydan 33 jyl búryn, eng alghash tәuelsizdik alghan kezde jazylghan. Biz memleket retinde tolyghymen qalyptastyq. Álemge tanyldyq. 100 jyl ótse de, qalay azat, tәuelsizdikke jetkenimizdi jyrlay beremiz be? Nege biz halqymyzdyng bes myng jyldyq tarihy bar ekenin bolashaq úrpaqqa arnap Ánúran jazbaymyz? Áriyne, qazirgi Ánúran da úmytylmaydy. Ol tarihta respublikamyzdyng túnghysh Ánúrany retinde qalady», – dedi.

Ári qaray: «Ánúrandy erteng ózgerte salayyq dep jatqan eshkim joq. Ánúrandy shygharmashyl adamdar, aqyndar men kompozitorlar dayyndap, elge úsynsyn. Kópshilik qoldap jatsa, jana Ánúran retinde qabyl alynatyn bolady.

Ánúranymyzdy oqushy balalardan aqsaqaldargha deyin shyrqap túrsa jaqsy emes pe? Kerek bolsa, toy-konsertterde aitylyp túrsa nesi jaman?  Ánúrannyng mazmúny – Memleketimizdi biyikke, azamattarymyzdy otanshyldyqqa, birlik pen yntymaqqa shaqyryp túruy qajet. Tәuelsizdigimizdi ghasyrdan-ghasyrgha saqtap qalayyq degen úrandy sózder boluy kerek.

Qytaydyng arhivterinde 5 myng jyldyq tarihymyz qattalyp jatqanyn dәleldedik. Qazir bizding tarihshylarymyz sol arhivterdi aqtaryp-tónkerip, Qyrghyz tarihyn týgendep jatyr», – deydi Sadyr Japarov.

Qyrghyz aghayyndardyng Ánúranyn ózgertemiz deui esh janalyq emes. Tap osy qadamgha búghan deyin bizding elimizde barghan-tyn. Qazaqstan Ánúrany songhy ret 2006 jyly ózgertilgen. Kenes Odaghy kezinde әnin Shәmshi Qaldayaqov, sózin Júmeken Nәjimedenov jazghan «Mening Qazaqstanym» әnining sózin búrynghy preziydent Núrsúltan Nazarbaev ózgertip, avtor retinde qosylyp, jana Ánúran dep jariya etkeni kýni keshe ghana edi. Endi bastan ótken jolgha qyrghyz bauyrlarda týskeli otyr.

Abai.kz