Qarataudan airylghan qalyng orman,
Arqa sýiep júbanar Alataugha...

Búl – qazaqtyng qabyrghaly aqyny Kәdirhan Ghizatúlynyng Janәbil Smaghúlúly aghamyzdy joqtap jazghan tolghauynan ýzip alynghap eki jol ólen.

Jenis Qaliyazymúly bastaghan bir top azamattyng úiymdastyruymen Astanada Janәbil Smaghúl aghamyzgha arnap ýlken as beririldi.

Sol asta Kәdirhan aghamyzdyng oqyghan sol joqtau ólenining osy eki jolyn estigende, anau bir jyly Túmanbay agha aityp bergen bir әngime oiyma oraldy.

«Auytjan, 1961 jyly Úly Múhang – Múhtar Áuezov dýniyeden ozghanda, múndaghy býkil qazaq, aitargha bolmasa, iyini týsip, jetimsirep qalghany bar. Qayghydan qabyrghasy qayysqan halyq birine-biri kónil aityp, kópke deyin ensesin kótere almay esengirep jýrdi... Men ol kezde 26  jasta edim. Úly túlghalardyng ornynyng bólek ekenin sonda birden anghardym...», - dep edi, Túmanbay agha Múhtar Áuezov turaly әngime aityp otyryp.

Túmagha aitqan – Múhtar Áuezov dýneden ozghan kezdegi sol jaghday, sol kýy býgin Shynjandaghy ýsh-tórt million qazaqtyng da basyna týsip týrghan shaq. Shynjandaghy qazaqty qoyyp, Atajúrtqa oralghan múndaghy bizding ózimizding qabyrghamyz qarys airylyp týsti. Dәl býgingi jaghdaydy oilaghanda, eger Tәuelsiz Qazaqstan bolmaghanda, shekara syrtynda qalghan qazaqtyng tartar qayghysy men azaby búdan on ese qalyng әri kóp olary sózsiz edi.

Sebebi, dau joq, taghy qaytalap aitayyn, Janәbil Smaghúlúly ózining de, ózining tughan halqynyng da keudesin eshkimge bastyrmaghan túlgha bolatyn.

Tipti, Janәbil Smaghúlúlynyng tikeley yqpalymen Uang Ynmau Shynjangha Birinshi hatshy bolyp qayta oralgha son, Shynjannyng odan keyingi basshylary sheshim qabyldaghanda Jәkenning qabaghyna qarap qalghan jaghadayy bar.

Qarap otyrsaq, Janәbil Smaghúlúly Orta Aziyanyng qazirgi biraz preziydentterinen artyq bolmasa, kem emes eken...

Sol ýshin de osydan on jyl búryn jazghan «Alataudyng bir shyny – arghy bette» atty maqalamyzda: «Eshkim renjimesin, kesip aitayyn, bireuding qol astynda jýrse de, qasqayyp Jәnәbil el basqarghan kezeng – Qytaydaghy qazaqtyng óz qoly auzyna erkin jetken, qoy ýstine boztorghay júmyrtqalaghan altyn dәuiri bolyp tarihta qaldy. Ondaghy qazaqtar ýshin endi onday zaman da, sol zamandy biyleytin Jәkendey marghasqa úl da tumaydy! Býgingi buynnyng úlyghy da, ústanymy da basqa. Ghalamdasudyng qara dauyly qandastarymyzdy qanbaqtay úshyryp, yqtyryp barady. Sheteldegi qazaqtar ýshin endigi bolashaq – tek Qazaqstanda!», - dep bosqa aitaghan edik.

Aqyn Kәdirhan Qizatúly myna eki jol ólenimen býgin sol oiymyzdyng dәl ýstinen týsip, qolqa-jýregimizdi solq etkizdi, onsyz da qúlazyp túrghan kónilimizdi odan ary bosatyp jiberdi, kózimizge ystyq jas keldi...

IYә, Shynjandaghy qazaqtyng arqasýier tauy qúlady. Estip jatyrmyz, Janәbil aqsaqaldyng ómirden ozghany turaly qaraly habardy estigen ýsh aimaqtyng qazaghy Ýrimjini basyp qalypty. Ardaqty aghamyzdy aqtyq sapargha shygharyp salugha jinalghan júrtta esep joq deydi...

Keshe Jәkenning úly Jiger men kelini Núrghanym, kýieubalasy Syzdyq pen qyzy Áliya ayauly әkelerine arnap, Almatyda dastarhan jayyp, qúran oqytypty. Myngha tayau adam kelip, Janәbil aghanyng úrpaqtaryna kónil aitypty.

Jogharyda aitylghan Astanada ótken asqa da eshkim-eshkimdi arnayy atap shaqyrghan joq. Tek, as beriletin uaqyt pen oryndy kórsetip, әleumettik jeli arqyly jiberilgen habarlamany estigen bes jýzge tayau halyq jinalyp, oqylghan qúrangha bet sipady. Jayylghan dastarhannan dәm tatty. Birine biri kónil aityp, qayghylaryn bólisti. Qazaqtyng búrynghy dәstýrimen apalarymyz joqtau aityp, say sýiegimizdi syrqyratty. Estelikter aitylyp, Jәkeng turaly aghynan aqtarylghandardyng qatary tipti kóp boldy.

Múnday kezde qayghyndy bólisip, bir-eki auyz jyly sózin aitatyn kisining orny bólek eken.

Asqar tauynan aiyrylyp, ensesi týsip qalghan osynau qayghyly júrtqa kónil aita kelgen Qazaqstan Respublikasy Parlamenti Mәjilisining deputattary Ermúrat Bapi, Amanjol Áltaev, Janarbek Áshimjangha júrt qatty riza bolyp, alghystaryn aitty.

Kommunistik jýie qansha jerden bir-birine qarsy qoyyp, iritki salghanymen, Ýsh aimaqtyng halqy Janәbil Smaghúlúly degende, ishken asyn jerge qoyatyn. Býkil shynjannyng týkpir-týkpirindegi qazaq atauly onyng qadiri men qasiyetin, iskerligi men azamattyq túlghasyn óte joghary baghalap, aldynan qiya ótpeytin!

Mine, sol kemenger túlgha ómirden ótip edi, sol bereke men birlik, qúrmet pen iltipat biraq kýnde taghy búrq etip bir arnada toghysa ketti.

Elu jylgha tayau biyik lauazymdy qyzmette jýrip, ondaghan jyl zeynetkerlik ómir keshirip, tipti dýniyeden ozyp ketken song da tughan halqynyng qaltqysyz qúrmeti men sheksiz iltipatyna bólene bilu – anau-mynau túlghagha búiyra betetin baqyt emes!

Arghy-bergi zamandy kórgen, arghy-bergi bette jasaghan júrt әbden salystyryp bayqaghan bolar, bizding Janәbil aghamyz shyn mәnindegi baqytty basshy!

Janәbil aghamyzdyng Alla aldynan jarylqasyn! Tәuelsiz Otany bar halyq eshqashan jetimdik kórmeydi!

Kәdirhan aqyn aitqanday, Qarataudan airylghan qalyng orman, endi Alataugha arqa sýiep júbanady...

Auyt Múqiybek

Abai.kz