Memleket basshysy AQSh-tyng juyrda saylanghan preziydenti Donald Tramppen telefon arqyly sóilesti. Búl turaly Aqorda habarlady.

Qasym-Jomart Toqaev Donald Trampty Amerika Qúrama Shtattarynyng Preziydenti bolyp saylanuymen qúttyqtady.

«Sayasatkerler sauda, investisiya salalarynda jәne yadrolyq qarudy taratpau baghytynda strategiyalyq seriktestikti damytugha beyil ekenderin rastady», - dep jazdy Aqorda.

Memleket basshysy halyqaralyq kýn tәrtibindegi ózekti mәseleler boyynsha Qazaqstannyng ústanymyn jetkizdi.

Qasym-Jomart Toqaev pen Donald Tramp ekijaqty yntymaqtastyqtyng joghary qarqynyn saqtau maqsatynda údayy baylanysta bolugha uaghdalasty.

Osyghan deyin Qazaqstan preziydenti Toqaev qarashanyng basynda saylauda jeniske jetken Donald Trampqa qúttyqtau jedelhatyn joldaghan.

Onda: Preziydent Toqaev qauipsizdik, yadrolyq qarudy taratpau, investisiya salalaryndaghy ekijaqty yntymaqtastyq dәiekti týrde damy beretinine senim bildirgen.

Donald Tramp preziydenttik qyzmetine 2025 jyldyng 20 qantarynan bastap kirisedi. Ol osyghan deyin Resey men Ukraina arasyndaghy soghysty toqtatugha bar kýshin salatynyn, taraptardy kelissóz ýsteline otyrghyzu ýshin jospar әzirlegenin aitqan.

Suret: Abai.kz skriyni.

Sarapshylar, Resey men Ukraina arasyndaghy beybit kelissózderdi bastamas búryn, AQSh preziydenti Tramp Resey preziydenti Putinmen jeke jolyghady dep boljaydy. Al boljamdy týrde, qos derjava basshysy Qazaqstanda jolyghuy mýmkin degen núsqa aitylady.

Abai.kz