Keshe Sherzat Bolattyng әkesi Qarjaubay Núrymov 15 tәulikke qamalghan bolatyn. Býgin advokat Asqar Qaymaqov Qarjaubay Núrymovqa qatysty Qylmystyq is qozghalghanyn aitty. Onyng aituynsha, polisiya Qarjaubay Núrymovqa qatysty QR Qylmystyq kodeksining 202-baby «Bótenning mýlkin qasaqana jong nemese býldiru» boyynsha sotqa deyingi tergeudi bastady.

«Bizding zandy ókilder poliyseylerden Qarjaubaydy ústamaudy ótindi, óitkeni polisiya ókilderine marqúm Núrqanattyng jeke hat-habaryn jariyalaugha tuystary kelisim bermedi. Qarjaubaydy 15 tәulikke qamaugha aludy taghayyndaghan sot sheshimin zansyz dep sanaymyz (sot óreskel zanbúzushylyqqa jol berdi) jәne oghan shaghym týsirdik», - dep qosty Asqar Qaymaqov.

Al osy iste Qarjaubay Núrymovqa alghashqy bolyp kómek úsynghan marqúm Saltanat Nýkenovanyng aghasy Aytbek Amangeldi Sherzat Bolattyng otbasy qauipsiz jerge kóshirilgenin mәlimdedi.

«Biz otbasyny basqa aimaqqa auystyrdyq. Qazir otbasy jana ýide, qauipsiz jerge kóshirildi. Biz búl aqparatty jariyalamaghan edik. Naqty qay jerge kóshirilgenin aitpaymyz, búl - jariyalaugha jatpaytyn aqparat»,  – dedi Aytbek Amangeldi.

Al Qarjaubaydyng otbasylyq advokaty әkimdik tarapynan eshqanday kómek kórsetilmegenin aitty.

«Ákimdik ýy beru boyynsha úsynys jasaghan bolatyn. Sol jerde ýy salyp beremiz degen edi. Alayda órtengen ýiding ornyn tazalau júmystary boyynsha da kómek kórsetken joq. Tipti әkimdikten kelip, Qarjaubaydyng kómekten bas tartatyny turaly aitqanyn viydeogha jazyp alamyz degen. Qarjaubay búl jaghdaydy týsinbey, eshnәrse qajet emes ekenin jetkizdi», – dedi advokat Saida Tәuekelova.

Búl oqighagha qatysty Mәjilis deputattary BAQ-qa pikir bildirip, bylay deydi.

Mәjilis deputaty Abzal Qúspan:

«Búl oqighany eng joghary dengeyde qadaghalaugha aldyq, baqylauda ústap otyrmyz degenning ózinde tragediya jalghasyn tauyp jatyr. Ár týrli oilargha jeteleydi. Ózimiz de naqty birdene aita almaymyz. Qúqyq qorghau organdary bizge esep bermeydi. Olar qauipsizdik kenesine baghynady», - deydi.

Deputat óz tarypanan tóraghanyng aldynda ashyq tyndalym ótkizudi úsyndy. «Eger úsynys qoldau tapqan jaghdayda reglamentke say barlyq BAQ qatystyrylady. Mәseleni sheshuding búdan basqa jolyn kórip túrghan joqpyn», - deydi A.Qúspan.

Al deputat Ardaq Nazarov Talghardaghy jaghday turaly aitqanda elding tútastyghyn, tәuelsizdigin algha qoydy.

«Qazir bizge eng manyzdysy, elding auyz-birshiligi, tәuelsizdigimizding bayandylyghy. Egemendigimizge selkeu týsirgisi kelgen әldekimder әrtýrli qúitúrqy әreketterge baruda. Búlay bolmaydy. Sondyqtan dúrys aqparat taratpasa, halyqty dýrliktirse, býlik shygharatyn bolsa mindetti týrde jazalanuy kerek. «Múnyng basynda kim túr, ne ýshin búlay jasap jatyr?» degen mәseleler zerttep, zerdelenui kerek. Sonda basqalargha sabaq bolady», - dedi Nazarov.

Deputat Daniyar Qasqarauov ta Talghardaghy oqigha boyynsha pikir bildirdi. Ol marqúm Sherzat Bolattyng әkesi Qarjaubay Núrymovtyng әreketine baylanysty oiyn aitty.  «Úly Sherzat qaza tapqan kezde de shynayy aqparat halyqqa der kezinde jetpedi. Bauyry Núrqanattyng jaghdayynan song «Nervnyy sryv» boluy mýmkin. Men Qarjaubaymen sóilestim», - dedi Qasqarauov.

Al deputat Oljas Qúspekov Talghardaghy jaghdaydyng shiyelenisuine mediasiyanyng joqtyghy sebep bolghanyn aitty.

«Qarjaubay Núrymovtyng qamaugha alynuy, jaghdaydyng ushyghuyn kelissóz jýrgizu, araaghayyndyq qyzmetterding әlsizdiginen» deydi ol. Aytuynsha, tergeuding qúpiya boluy da jaghdaydy ushyqtyryp otyr.

Maqpal Noghaybaeva

Abai.kz