Haruky Murakamiyding shygharmalaryn oqyghanda kóz aldyna elesteytin keyipkerler, olardyng ishki sezimderi men oqigha oryn alatyn peyzajdar erekshe әserge bóleydi.

Qansha tyryssang da, Murakamy әlemin ashyq, jarqyn týstermen elestetu mýmkin emes. Onyng әleminde ýnemi salqyndyq, ózgeshe múng men belgisiz bir suyqtyq taby esip túrady. Sondyqtan da onyng әngimelerining manga formatyndaghy adaptasiyasy shyqqanyn estigende, búl suretshiler ýshin óte kýrdeli әri jauapty tapsyrma bolghan bolar degen oy keldi. Múngha, júmbaqqa, psihologiyalyq iyirimder men jauapsyz súraqtargha toly Murakamiyding qara sózderin týrli-týsti suretterge ainaldyru onay sharua emes.

Búl әngimeni búryn men «Tughan kýn iyesi» atty toptamadan oqyghan edim. Ol – Murakamiyding eng úmytylmas shygharmalarynyng biri. Onyng qúndylyghy – tughan kýn iyesining tilegi tóniregindegi júmbaq pen qúpiyada. Oqyrman әngime boyy: «Ol ne tiledi? Búl tilek onyng ómirin ózgertti me?» – degen súraqqa jauap izdeydi.

Suretshiler osy qúpiyalyq pen tosyn sezimdi vizualdy formatta saqtay aldy ma? Sózsiz, saqtap qalghan. Keyipkerler men ainaladaghy ortagha naqty vizualdy beyne berilse de, Murakamiyge tәn sol búlynghyrlyq pen júmbaq atmosfera joghalmaghan. Manga avtordyng oqyrman qiyalyna qaldyratyn ishki kenistigin tolyqtay tartyp almaydy.

Jinaqtaghy qalghan ýsh әngime men ýshin janalyq boldy. Olardyng sujeti psihologiyalyq aspektilerimen, sonday-aq Japoniya qoghamy men mәdeniyetining qyr-syryn kórsetuimen qyzyqtyrdy. Dese de, búl adaptasiyalardan Murakamy prozasyna tәn terendik pen kópqabattylyqty tolyq sezine almadym. Olar týpnúsqa proza týrinde әldeqayda quatty әri әserli bolar edi degen oy basym boldy.

Desek te, mangada Japoniya tarihynyng әrtýrli kezenderining vizualdy týrde sheber ajyratylghanyn atap ótken jón: Kezender kontrasty: Soghys kezindegi Japoniya men qazirgi zamanghy Japoniyanyng aiyrmashylyghy illustrasiyalarda aiqyn bayqalady.

Murakamiydi oqyghanda, sol búlynghyr, súrghylt, jalghyzdyqqa toly әlemdi oqyrman ózi jasaydy. Al manga ol әlemge naqty pishin men aiqyn týs beredi. Múnday qadam keybir nәrselerdi aiqyndaghanymen, prozanyng basty tartymdylyghy – belgisizdik shegin azdap taryltatyny jasyryn emes. Murakamy әlemining psihologiyalyq terendigi men júmbaghy óz yrghaghymen bappen ashylghangha ne jetsin!

Dýisenәli Álimaqyn

Abai.kz