Kaliforniya shtatyndaghy órshigen alapat órt býkil әlemning nazaryn audardy. Dýley órtting sebebinen kóptegen túrghyn baspanasynan aiyryldy. Jergilikti halyqtyng bas amandyghyn saqtau ýshin jergilikti biylik olardy uaqytsha kóshiruge kiristi.

Ázirge órtting neden bolghany belgisiz. Al osy apattyng saldarynan AQSh-tyng tanymla kino jәne óner júldyzdary qymbat ýilerinen aiyryldy. Djeff Bridjes pen Mel Gibson  – Los-Andjeles aimaghynda órship túrghan orman órtinen baspanasyz qalghandardyng qatarynda. «Essiz jýrek» filimi ýshin «Oskar» jýldesin alghan, «Qart adam» telehikayasynda basty róldi somdaghan Bridjesting ata-anasynan múragha qalghan Malibudaghy ýiin órt shalyp, әp-sәtte zym-ziya qyldy.

Al taghy bir Oskar syilyghyn alghan kinojúldyzy Mel Gibson da Malibudaghy ýiining tolyghymen janyp ketkenin aitty. «Áke» filimi ýshin eki ret «Oskar» syilyghynyng iyegeri atanghan akter  Entony Hopkins pen onyng әielining ýii de órt astynda qaldy», dep habarlaydy Hollywood Reporter aqparat kózderi. Instagram-da jariyalaghan habarlamasynda ol «biz ýshin mәngilik nәrse ol – mahabbat eken» dedi ol.

Peris Hilton, Billy Kristal, Adam Broudiy jәne Milo Ventimiglialardyng da sәndi saraylary kózdi ashyp júmghansha kók týtinge oranyp, kýlge ainaldy.  Júma kýni Instagramdaghy jazbasynda Hilton qonaqýiining iyegeri jazba jariyalady. «Jýrek jarasyn sózben aityp jetkizu mýmkin emes», - dedi ol qazir otbasynyng qauipsiz ekenin aita kele.

Rozy O'Donnell, The View baghdarlamasynyng búrynghy jýrgizushisi de Malibudaghy jaghajaydaghy ýiin órt shalghanyn mәlimdedi. Jaghdaygha nazar salsaq, eng auyr apat Tynyq múhityndaghy Palisadtar manynda boghlany anyq. Onda jýzdegen ýy kýlge ainaldy. Al Akter Billy Kristal ózining jәne onyng júbayy Djenisting 1979 jyldan beri túryp kele jatqan Tynyq múhity jaghasyndaghy baspanasynan qas-qaghym sәtte aiyrylyp, «jýregi auyrghanyn» jetkizdi. «Biz balalarymyz ben nemerelerimizdi osynda ósirdik. Ýiimizding әrbir santiymetri mahabbatqa toly boldy» dedi ol atalghan oqigha turaly.

Songhy derekterge negizdelsek, Netflix-ting «Eshkim múny qalamaydy» hit shouynda basty róldi somdaghan Adam Brody men «Gossip Girl» filimining baghyn ashqan Leyton Miyterge tiyesili ýi de qirap qaldy. Aktrisa Daniella Piyneda da ýii órtengender tiziminde túr. «Mende qazir jalghyz ghana ayaq kiyim bar», dedi ol kýrsine.

Abai.kz