كاليفورنيا شتاتىنداعى ورشىگەن الاپات ءورت بۇكىل الەمنىڭ نازارىن اۋداردى. دۇلەي ءورتتىڭ سەبەبىنەن كوپتەگەن تۇرعىن باسپاناسىنان ايىرىلدى. جەرگىلىكتى حالىقتىڭ باس اماندىعىن ساقتاۋ ءۇشىن جەرگىلىكتى بيلىك ولاردى ۋاقىتشا كوشىرۋگە كىرىستى.

ازىرگە ءورتتىڭ نەدەن بولعانى بەلگىسىز. ال وسى اپاتتىڭ سالدارىنان اقش-تىڭ تانىملا كينو جانە ونەر جۇلدىزدارى قىمبات ۇيلەرىنەن ايىرىلدى. دجەفف بريدجەس پەن مەل گيبسون  – لوس-اندجەلەس ايماعىندا ءورشىپ تۇرعان ورمان ورتىنەن باسپاناسىز قالعانداردىڭ قاتارىندا. «ەسسىز جۇرەك» ءفيلمى ءۇشىن «وسكار» جۇلدەسىن العان، «قارت ادام» تەلەحيكاياسىندا باستى ءرولدى سومداعان بريدجەستىڭ اتا-اناسىنان مۇراعا قالعان ماليبۋداعى ءۇيىن ءورت شالىپ، ءاپ-ساتتە زىم-زيا قىلدى.

ال تاعى ءبىر وسكار سىيلىعىن العان كينوجۇلدىزى مەل گيبسون دا ماليبۋداعى ءۇيىنىڭ تولىعىمەن جانىپ كەتكەنىن ايتتى. «اكە» ءفيلمى ءۇشىن ەكى رەت «وسكار» سىيلىعىنىڭ يەگەرى اتانعان اكتەر  ەنتوني حوپكينس پەن ونىڭ ايەلىنىڭ ءۇيى دە ءورت استىندا قالدى»، دەپ حابارلايدى Hollywood Reporter اقپارات كوزدەرى. Instagram-دا جاريالاعان حابارلاماسىندا ول «ءبىز ءۇشىن ماڭگىلىك نارسە ول – ماحاببات ەكەن» دەدى ول.

پەريس حيلتون، بيللي كريستال، ادام بروۋدي جانە ميلو ۆەنتيميگليالاردىڭ دا ءساندى سارايلارى كوزدى اشىپ جۇمعانشا كوك تۇتىنگە ورانىپ، كۇلگە اينالدى.  جۇما كۇنى ينستاگرامداعى جازباسىندا حيلتون قوناقۇيىنىڭ يەگەرى جازبا جاريالادى. «جۇرەك جاراسىن سوزبەن ايتىپ جەتكىزۋ مۇمكىن ەمەس»، - دەدى ول قازىر وتباسىنىڭ قاۋىپسىز ەكەنىن ايتا كەلە.

روزي و'دوننەلل، The View باعدارلاماسىنىڭ بۇرىنعى جۇرگىزۋشىسى دە ماليبۋداعى جاعاجايداعى ءۇيىن ءورت شالعانىن مالىمدەدى. جاعدايعا نازار سالساق، ەڭ اۋىر اپات تىنىق مۇحيتىنداعى پاليسادتار ماڭىندا بوعلانى انىق. وندا جۇزدەگەن ءۇي كۇلگە اينالدى. ال اكتەر بيللي كريستال وزىنىڭ جانە ونىڭ جۇبايى دجەنيستىڭ 1979 جىلدان بەرى تۇرىپ كەلە جاتقان تىنىق مۇحيتى جاعاسىنداعى باسپاناسىنان قاس-قاعىم ساتتە ايىرىلىپ، «جۇرەگى اۋىرعانىن» جەتكىزدى. «ءبىز بالالارىمىز بەن نەمەرەلەرىمىزدى وسىندا وسىردىك. ءۇيىمىزدىڭ ءاربىر سانتيمەترى ماحابباتقا تولى بولدى» دەدى ول اتالعان وقيعا تۋرالى.

سوڭعى دەرەكتەرگە نەگىزدەلسەك، Netflix-ءتىڭ «ەشكىم مۇنى قالامايدى» حيت شوۋىندا باستى ءرولدى سومداعان ادام برودي مەن «Gossip Girl» ءفيلمىنىڭ باعىن اشقان لەيتون ميتەرگە تيەسىلى ءۇي دە قيراپ قالدى. اكتريسا دانيەللا پينەدا دا ءۇيى ورتەنگەندەر تىزىمىندە تۇر. «مەندە قازىر جالعىز عانا اياق كيىم بار»، دەدى ول كۇرسىنە.

Abai.kz