1930 jyl Júmabay әuletine qaharyn tógip, ata qonysynan ajyratyp, qanghyrtyp jiberdi. Al 1937 jylghy qughyn-sýrgin odan da asyp týsti, úrpaqtyng týbirine balta shapty. Abaqtygha jauyp, atty, qúrban qyldy tirisin. Maghjannyng tuystary "halyq jauynyng túqymy", "alashordashylar" dep aiyptalyp, mýldem kóshede de jýruge bolmay qaldy.

Men ol tústa 13 jastaghy balamyn. Kóshede kele jatsang keybireuler: "Áne, qasqyrdyng bóltirigi, halyq jauynyng inisi", – dep kózge shúqyghanday qolymen kórsetip, kijinetin. Olardy kórmegendey bolyp tez basyp jýgirip ketetinmin.

1941 jyly soghys bastalysymen men maydangha ózim súranyp kettim. Jogharydaghyday jeksúryn ataqtan arylar ma ekenmin dep. Maydangha Orlov – Kursk jaghyna aparyp saldy.

Soghys bitkenge deyin maydanda bolyp, eki ret jaralanyp, tek 1946 jyly elge qayttym. Qaytyp kelgennen son, "halyq jauynyng túqymy" degen qanqu sózden qútylghanday boldym. Biraq kónilde senimsizdik boldy, bireu bolmasa bireu aiyp qyla ma degen. Sondyqtan naghashy júrtyma kóshudi jón kórip, sheshemdi Kókshetau oblysyna qarasty Burabay stansiyasynda túratyn Bayghoja naghashyma aparyp, ózim Almatygha oqugha kettim. Pedagogikalyq institutqa týsip, ony 1952 jyly bitirip shyqtym da, sol Kókshetau oblysynda múghalimdikte qaldym.

Alayda mening tughan jerime degen qúmarlyghymda shek joq, qayda jýrsem de Qyzyljardy ansap, saghynyshym arta beretin. Onyng kóshesinde agham Maghjannyng tabanynyng izi jatqanday bolatyn. Aqyry 1954 jyly Qyzyljardyng qazaq orta mektebine oqu bólimining mengerushisi bolyp bardym.

Qyzmet babynda bәri jaqsy, "siz-biz" – dep túrady. Biraq oqu jyly ayaqtalyp, emtihan bastalarda meni qalalyq oqu bólimining mengerushisi shaqyryp alyp әngimelesti. Sóz sonynda: "Sizding újymnan aryz týsti, sizdi "halyq jauynyng balasy, aghasy alashordashyl aqyn bolghan" deydi, osy ras pa?" – dep súraghanda ne derimdi bilmey qalghanym bar.

Jasyrmay týgel aghymnan jarylyp aityp bergenimde ol: "Ósekting bәrin ózinizding joldastarynyz jetkizip otyr. Mening aqylymdy alsanyz, qyzmet ornynyzdy ózgertuge tura keledi", – degendi aitty. Men qarsylaspay, qaytadan Kókshetau jaqqa auysyp kettim. Mening syrtymnan KGB baqylau jýrgizip jýrgenin de sezdim.

Maghjan Júmabaevtyng nemere inisi Ghadylsha Qaharmanovtyng esteliginen

Abai.kz