Resey elshisi Qazaqstandaghy orys tili men ekijaqty qarym-qatynas jayly pikir bildirdi.

Qazaqstandaghy Resey Federasiyasynyng elshisi Aleksey Borodavkin Resey men Qazaqstan arasyndaghy qarym-qatynastyng berik ekenin aityp, batys sanksiyalary búl baylanysqa keri әser etpegenin mәlimdedi. Onyng aituynsha, qazirgi geosayasy jaghdaygha qaramastan, eki el arasyndaghy ekonomikalyq jәne gumanitarlyq әriptestik óz jalghasyn tabuda.

«Resmy emes mәlimetterge sәikes, Resey tarapynan Qazaqstan ekonomikasyna salynghan investisiya kólemi 56 milliard dollargha juyqtady. Býginde Qazaqstan aumaghynda 20 mynnan astam birlesken resey-qazaq kәsiporny tabysty júmys istep jatyr», – dedi Borodavkiyn.

Diplomat sonymen qatar Qazaqstan Preziydenti Qasym-Jomart Toqaevtyng mәlimdemesine sýienip, Reseyding jahandyq qysymdargha tótep berip jatqanyn atap ótti.

«Resey týrli qiyndyqtardan ótkenine qaramastan, ensesin týsirmey, qatelikterden sabaq alyp, odan sayyn quatty әri aibyndy memleketke ainalyp otyr. Preziydent Toqaevtyng “Resey әskery túrghyda jenilmeydi” degen sózi kezdeysoq aitylghan joq», – dedi ol.

Elshi Qazaqstandaghy orys tili mәselesine de toqtaldy. Onyng aituynsha, Qazaqstan biyligi orys tiline qúrmetpen qarap, naqty qoldau kórsetip otyr.

«Qazaqstanda orys tiline ong kózqaras saqtalghan. Biylik orys tiline qoldau kórsetip keledi», – dep týiindedi Borodavkiyn.

Búl mәlimdemeler eki el arasyndaghy senimdi strategiyalyq seriktestikting jalghasyp jatqanyn kórsetedi.

Aleksey Borodavkin - 2018 jylghy 7 aqpannan bastap - Resey Federasiyasynyng Qazaqstan Respublikasynyng Tótenshe jәne Ókiletti elshisi.

2022 jyly, 7 aqpanda Resey elshisi "Nezavisimaya gazetagha" súhbat berip, bylay degen edi: "Qazaqstanda últshyldyqtyng órshui rasymen bar qúbylys ekenin aitqym keledi. Onyng ýstine key jaghdayda ol ekstremistik sipatta kórinip qalady, mysaly til saqshylary ispettes. Alayda Preziydent әkimshiligining bir basshysy aitqanday, ýngir últshyldyghy biylik tarapynan qoldau tapqan emes, kerisinshe zang boyynsha qudalanyp keledi. Asqynghan últshyldyq pen rusofobtyq kózqarasy bar adamdar preziydent Toqaev qúryp jatqan jýiede sinisip kete almaydy. 

Qazaqstanda túrmystyq dengeydegi kýndelikti últshyldyq keng taraghan qúbylys ekenin aitu kerekpiz. Búl Qazaqstanda da, Reseyde de bar "auru" .

Kórip otyrghanymyzday arada ýsh jyl ótkende orys elshisi basqasha sayrap otyr. Onyng bylay kózqarasyn jaqsy jaqqa ózgertuine Preziydent Toqaevtyng Halyqaralyq orys tilin damytu qoryn qúru bastamasyn kóterip, ony jýzege asyruy, Elimizde Resey uniyversiyteterining filalyn ashu qauyrt qolgha alynuy, qazaghy kóp ontýstik ónirlerde Resey qarjysymen  orys tildi mektepterding ashyluy, bәrinen de atap óterligi reseyding batys sanksiyasynan qashqan 20 mynnan astam kәsipornynyng Qazaqstangha jayghasuy, Putinnyng moblizasiyasynan qashqan million resey azamatynyng elimizde túraqtap qaluy әser etkeni anyq.

Abai.kz