Soltýstik Qazaqstan oblysy tabighiy-klimattyq resurstargha bay.

Oblysta respublika boyynsha eng kóp kólder ornalasqan – 2300-den astam. Orman alqaby ónir aumaghynyng 8%-yn qúraydy.

Ayyrtau audanyndaghy Imantau-Shalqar kurorttyq aimaghy – ónirimizding basty ekologiyalyq destinasiyasy bolyp tabylady. Soltýstik Qazaqstannyng inju-marjany sanalatyn búl aimaq respublikalyq manyzy bar TOP-20 basym turistik aimaqtyng qataryna kiredi. Jalpy audany – 134 ga.

Múnda ekologiyalyq taza Shalqar men Imantau kólderi ornalasqan, olardyng shipalyq qasiyetteri erekshe. Shalqar kólining suynyng biregeyligi – qúramy boyynsha kóptegen kórsetkishterde teniz suyna sәikes keledi.

Imantau-Shalqar kurorttyq aimaghy tarihiy-mәdeny múralargha da bay. Ekskursiyalyq nysandardyng ishinen erekshe qyzyghushylyq tudyratyndary – jylqy alghash qolgha ýiretilgen «Botay» tarihy qonysy, Qarasay men Aghyntay batyrlargha arnalghan memorialdyq keshen, úly tarihshy, ghalym jәne etnograf Shoqan Uәlihanov balalyq shaghyn ótkizgen «Ayghanym» múrajay-ýii jәne basqa da nysandar.

Turisterding demalysyn әrtaraptandyru ýshin tarihy qonystargha baghyttalghan turistik marshruttardan bólek, kurorttyq aimaqta 13 jayau jәne atpen jýretin baghyt әzirlengen jәne júmys isteydi. Sonday-aq pantolechebnisa, yaht-klub syndy qyzmetter úsynylady.

Imantau-Shalqar kurorttyq aimaghynda 3962 tósek-orny bar 46 ornalastyru nysany júmys isteydi, onyng ishinde 9-y jyl boyy qyzmet kórsetedi.

Qazirgi uaqytta taghy 15 investisiyalyq joba iske asyrylyp jatyr, olardyng ishinde zamanauy jyl boyy júmys isteytin eko-qonaqýiler men glempingter bar. Investisiya kólemi – 3,3 mlrd tenge.

Turisterding qolaylylyghy men qoljetimdiligin arttyru ayasynda infraqúrylymdy jaqsartu júmystary jýrgizilude.

Ótken jyly jalpy úzyndyghy 8,5 km bolatyn 4 jol jóndeldi, oghan 806,2 mln tenge júmsaldy.

Biyl úzyndyghy 12,1 km bolatyn 5 joldy jóndeu júmystary jýrgizilip jatyr, oghan 989,6 mln tenge bólingen.

Sonymen qatar Ayyrtaujyq kólindegi balalar lagerilerine aparatyn joldy jóndeu ýshin jer telimi berildi.

Jana elektr beru jelileri men qosalqy stansiya salugha jobalyq-smetalyq qújattama әzirlenude.

Abai.kz