2025 jylghy 17 shildede Ázerbayjannyng halyq aqyny Baqtiyar Vahabzadening 100 jyldyq mereytoyyna oray Ázerbayjan Jazushylar odaghynyng «Natavan» klubynda ghylymy konferensiya jәne aqyn shygharmashylyghyn nasihattaugha arnalghan arnayy tanystyrylym ótti. Is-shara Týrki mәdeniyeti jәne múrasy qory, Ázerbayjan Respublikasynyng Mәdeniyet ministrligi jәne Ázerbayjan Jazushylar odaghynyng birlesken úiymdastyruymen ótti.

Is-sharanyng manyzdy sәtterining biri — Týrki mәdeniyeti jәne múrasy qory әzerbayjan jәne týrik tilderinde basyp shygharghan «Ózimizdi kesken qylysh» kitabynyng túsaukeseri boldy. Búl basylym Baqtiyar Vahabzadening әdeby sheberligin, sonday-aq týrki dýniyesine arnalghan filosofiyalyq әri últtyq ýndeuin el esine salatyn shygharma retinde baghalandy.

Mereytoylyq keshte sóz sóilegender qatarynda Týrki mәdeniyeti jәne múrasy qorynyng preziydenti Aqtoty Rayymqúlova, Ázerbayjan Jazushylar odaghynyng tóraghasy, halyq jazushysy Anar, enbek sinirgen óner qayratkeri, professor, dramaturg-jazushy Ály Ámirly boldy. Sonymen qatar qonaqtar qatarynda Atatýrik ortalyghynyng diyrektory Nizamy Djafarov (Ázerbayjan), halyqaralyq «Alash» syilyghynyng laureaty Qadyrbek Qúnypiyaúly (Qazaqstan), aqyn-audarmashy Adnan Ózer (Týrkiya), filologiya ghylymdarynyng doktory, professor Adhambek Alimbekov (Ózbekstan), sonday-aq Majarstan, Moldova, Belorusi elderinen kelgen arnayy qonaqtar da qatysty.

Konferensiyany Týrki mәdeniyeti jәne múrasy qorynyng preziydenti Aqtoty Rayymqúlova ashty. Ol «Baqtiyar Vahabzade shygharmashylyghynda týrki әlemining birligi» atty bayandamasynda aqynnyng poeziyasynan kórinis tapqan jalpytýrkilik iydeyalardyng jastar arasynda keninen oqyluynyng manyzyn atap ótti. Vahabzadening shygharmashylyghy tek Ázerbayjan ghana emes, býkil týrki әlemi ýshin ortaq әdeby әri ruhany múra ekenin aityp, múnday basylymdardyng týrki halyqtary arasyndaghy mәdeniy-ruhany baylanysty nyghaytatynyn jetkizdi.

Shara barysynda sóz sóilegen qatysushylar úly aqynnyng týrki poeziyasynda ornatqan ruhany kópirleri, ana tili men últtyq bolmys taqyryptarynda qúndy oi-pikirlerin ortagha saldy.

Konferensiyagha óner men әdebiyet ókilderi, BAQ jurnalisteri, jas jazushylar men qogham belsendileri belsene qatysty. Búl shara tek bir aqynnyng mereytoyy emes, býkil týrki әdeby kenistigindegi ortaq qúndylyqtardy dәripteuge jәne ózara ghylymiy-әdeby baylanysty arttyrugha arnalghan manyzdy oqigha boldy.

Abai.kz