Rinat Serikúlynyng mamandyghy – zanger. Biraq joghary oqu ornyn tәmamadaghan song enbek jolyn qúrylys salasynda bastady. «Búghan úzaq jyl qúrylysta jemisti júmys istegen әkemning tәlimi әser etti», deydi ózi. Býginde irgeli BI-group qúrylys kompaniyasynda bólim basqaratyn mamanmen zauyttaghy qarbalas júmys arasynda tildestik. Biz barghanda júmysshylar kezekti blokty qúiyp, jóneltuge dayarlap jatty.

– Ángimemizdi  kýndelikti júmys jayynan bastasaq.

– Brigada eki auysymmen júmys isteydi. Kýndizgi auysymdaghylardyng keshke deyin әzirlegen blogyn týngi auysymgha shyghatyn júmysshylar jalghastyrady. Eng aldymen bloktyn, yaghny kóp qabatty ýy pәterleri bólmesining qalybyna armatura toqylady. Odan keyin beton qúiylyp, keptiriledi. Esik, terezesi salynyp, jinaqtaushy top kem-ketigin býtindep, әrleydi de montajdaugha jiberiledi. Qúrylys basynda dayyn bólmeler belgili bir tәrtippen qalanyp, kóp qabatty ýy ósip shyghady.

– Sizding joghary oqu ornyn zanger mamandyghy boyynsha tәmamdap, baghynyzdy qúrylys salasynda synaghanynyz tandandyryp otyr.

– Ákem bala kýninen qúrylysshy boludy qalap, osy salanyng bilikti mamanyna ainaldy. Sol kisining enbek jolyna qatty qyzyqtym. Jalpy әrkim óz salasynyng maytalmany bolghanda ghana qúrmetke bólenedi, ataq ta alady, ortasyna da syily bolady. Ákem sonday kisi boldy. Sonyng yqpaly shyghar, men de zangerlikti emes, qúrylysty tandadym.

– Balalarynyz sizding jolynyzdy jalghap, qúrylysshy bolghysy kele me?

– Alty balamyz bar, solardyng ishinde qyzdarym ghana әzirge qúrylys, onyng ishinde dizayn mamandyghyn tandap, keleshekte osy kәsipte enbek etuge talpynyp jýr. Úldarym basqa mamandyqty tandaytyn sekildi, qalaulary bilsin. Biz eshqashan mәjbýrlep myna mamandyqty iyger demeymiz.

Astana qalasyndaghy birneshe kórkem stili, ózgeshe dizayndaghy túrghyn ýy keshenderining salynuyna bizding de septigimiz tiydi. Balalarym synybynda apayyna, dostaryna: «Mynau mening әkemning salghan ýii, ghimaraty», dep maqtanyshpen aitady eken. Sony estigende tóbem kókke jetkendey boldy.

– Biyl «Júmysshy mamandyqtar jyly», jas mamandardyng  qúrylys órisine qyzyghushylyghy qanshalyqty?

– Óte qarqyndy ne bolmasa tym bayau dep te aitugha kelmeydi. Jalpy jastargha qaraghanda orta buyn ókilderining qúrylysta júmys isteuge degen súranysy joghary. Keyingi tolqyndy qyzyqtyra bilu kerek shyghar. Aqparattyq nasihat jýrgizilip, kolledjderde, joghary oqu oryndarynda qúrylys salasynyng mamandyghymen bilim alushy jastardy zauyttargha, qúrylys nysandaryna aparyp kórsetip, tәjiriybeli qúrylysshylarmen kezdesu úiymdastyrsa, júmysshy mamandyqtargha qyzyghushylyq artpasa kemimes edi. Meninshe, jastardyng kóz aldyna qúrylys salasy dese, lay batpaq shylap, qysh kóteretin auyr júmys elesteydi. Bizding zauytta barlyq prosess zamanauy tehnologiyamen qamtylghan, kompiutermen basqarylady. Enbekaqy naryq talabyna say eseptelip, ay sayyn keshikpey beriledi, zauyttan ýige deyin tasymaldaytyn kólik bar. Arnayy kiyim, qúral-jabdyqpen qamtamasyz etedi. Tek bilek týrinip, erinbey enbek etseng jetkilikti. Qúrylys – elimizding eng qarqyndy damyp kele jatqan salasy. Keleshekte jastarymyz aldynghy buyndy almastyryp, osy isti ary qaray jalghauy kerek. Sondyqtan da keyingi tolqyndy qúrylysta enbek etuge shaqyramyn.

Abai.kz