"Qúqyq búzushylyq profilaktikasy turaly" zangha qoghamdyq oryndarda bet-әlpetti jasyratyn kiyimder kiige bolmaydy degen ózgeris engizilgeni belgili. Dintanushy Ál-Faraby Bolatjan búl zang qanday da bir diny senimge qarsy baghyttalmaghanyn aitty.

Bir zannamalyq akt ayasynda 23 zangha ózgeris engizilgen. Sonyng ishinde "Qúqyq búzushylyq profilaktikasy turaly" zangha da ózgerister endi. Atap aitqanda, qoghamdyq oryndarda betti tolyqtay jabatyn, yaghny adamnyng týr-sipatyn tanugha mýmkindik bermeytin kiyim kiige tyiym salyndy. Búl – betperde, balaklava, niqab jәne soghan úqsas elementterge qatysty, - deydi dintanushy.

Ol zangha ózgeristing negizgi maqsaty qoghamdyq qauipsizdikti qamtamasyz etu ekenin algha tartty.

Qylmystardyng keybiri betperde arqyly jasalady. Qazirgi zamanauy beynebaqylau jýieleri adamnyng bet-әlpeti arqyly qylmyskerdi anyqtaydy. Biraq bet tolyq jabylghan bolsa, tergeu qiyngha soghady. Sol sebepti búl ózgerister qylmystyng aldyn alu ýshin qajet, - dedi maman.

Ál-Faraby Bolatjan keybir pikirlerde atalghan zang әielderding qúqyqtaryn shekteydi nemese diny senim bostandyghyna qarsy delinetinin aitty. Alayda dintanushy zang mәtininde eshqanday naqty diny baghyt nemese jynys kórsetilmegenin atady.

Zanda tek әielder nemese diny senimdegiler turaly naqty aitylmaydy. Jalpylama týrde "bet-әlpetti túmshalap kii" turaly jazylghan. Yaghni, ol er adam, әiel adam, tipti ateist bolsyn bәrine ortaq talap. Mysaly, bir er adam niqab kiyip jýrse, búl da zanbúzushylyq bolyp esepteledi, - dedi ol.

Maman Islamda әiel adamnyng beti men qoly әuretke jatpaytynyn aityp, qajylyqta da betti jabugha rúqsat berilmeytinin jetkizdi.

Mysaly, qajylyq kezinde әiel adam beti men qolyn ashuy tiyis degen hadis bar. Búl "Sahih әl-Búharida" keltirilgen. Sondyqtan niqab diny mindet emes, keybir dәstýrler men týsinikterding negizinde kiyiledi, - dedi ol.

Abai.kz