Qaraghandy oblysynda sifrlyq sheshimder kólik, túrghyn ýi-kommunaldyq sharuashylyghy jәne basqa da salalargha engizilude. Áleumettik salada neyrondyq jelini qoldanatyn «Azyq-týlik baghasyn monitoringteu» jobasy iske qosyldy.

Búl turaly «Jasandy intellekt dәuirindegi Qazaqstan: ózekti mindetter jәne olardy sifrlyq transformasiya arqyly sheshu» taqyrybyndaghy Joldaudy talqylau jiynynda aityldy.

– Memleket basshysy óz Joldauynda jasandy intellektti ekonomikanyng barlyq salasyna engizu jәne jappay sifrlandyru mindetin qoydy. Osy maqsatta ónirde halyqtyng ómir sýru dengeyin arttyrugha jәne әleumettik túraqtylyqty qamtamasyz etuge baghyttalghan birqatar manyzdy jobalar jýzege asyrylyp jatyr, – dedi aqparattandyru, memlekettik qyzmetter kórsetu jәne arhivter basqarmasynyng basshysy Konstantin Iliniskiy.

Ol әleumettik manyzy bar azyq-týlik tauarlarynyng baghasyn avtomatty týrde jinau jәne taldau jýiesining qalay júmys isteytinin týsindirdi. Neyrondyq jeli derekterdi negizinen ónirlik sauda jelilerining sayttarynan jinaydy. Alynghan aqparat jedel sholular men taldamalyq esepter týrinde úsynylady, búl bagha ózgeristerine jedel әreket etuge jәne tútynu naryghyndaghy jaghdaydy tereng taldaugha mýmkindik beredi.

– Býginde janar-jagharmay baghasyn avtomatty jinau, baqylaugha alynatyn tauarlar tizimin keneytu, sonday-aq barlyq sauda nýkteleri men tauar týrlerin qamtugha mýmkindik beretin kassalyq chekter derekterin integrasiyalau júmysy jýrgizilude. Búl naqty ortasha tútynushylyq sebetti qalyptastyrugha jol ashady, – dep tolyqtyrdy Konstantin Iliniskiy.

Spiykerding aituynsha, kólik salasynda da pilottyq rejimde joldardyng jaghdayyn avtomatty baqylau jýiesi – JoLScan iske qosylghan. Kompiuterlik kóru avtomobiliderdegi beynetirkegishterding viydeojazbalaryn taldap, jol tósemindegi aqaulardy anyqtaydy jәne olardy vektorlyq belgiler arqyly salystyra otyryp, tarihyn qadaghalaydy. Sonymen qatar geolokasiya arqyly olqylyqtar kartagha týsiriledi

Jýiening kómegimen jedel aralasudy qajet etetin bes syndarly aimaq anyqtaldy.

Taghy bir sifrlyq sheshim kólik keptelisterimen kýreske baghyttalghan. Intellektualdy platforma baghdarshamdardyng júmysyn baqylap, rettep otyrady. Búl әsirese tanertengi jәne keshki qarbalas uaqytta manyzdy.

Sonymen qatar «Taza Qazaqstan» últtyq jobasy ayasynda jasyl ekpelerdi týgendeuge arnalghan mobilidi qosymsha әzirlendi. Jýie nysandardyng koordinattaryn, sipattamasyn jәne fotosuretterin tirkeydi, al búl derekter kompiuterlik kóru jәne jasandy intellekt tehnologiyalary arqyly óndeledi.

Oblys әkimi Ermaghanbet Bólekpaev osy júmysty jalghastyryp, ónirding barlyq salasynda sifrlandyru men jasandy intellektti engizudi qamtamasyz etudi tapsyrdy.

Eske sala ketsek, Memleket basshysy Joldauynda sifrlandyru men jasandy intellektti damytugha arnalghan birynghay tújyrymdamalyq qújat – Digital Qazaqstan әzirleudi tapsyrghan bolatyn.

Abai.kz