Keshe qart Kaspiyding arghy betinen bergi betke, arqadaghy Astanagha Ázirbayjan preziydenti Iliham Áliyev úshyp kelgen. Býgin «Aqorda» reziydensiyasynda Ázerbayjan Preziydentin resmy qarsy alu rәsimi ótti.

Suret: Aqorda telegram arnasynan alyndy.

Qasym-Jomart Toqaev pen Iliham Áliyev bir-birine resmy delegasiya mýshelerin tanystyrdy. Qúrmet qarauyly rotasynyng bastyghy memleketter basshylaryna raport berdi. Búdan song eki elding әnúrandary oryndaldy. Onan әri Memleket basshylary kelissóz jýrgizdi.

Qasym-Jomart Toqaev:

– Sizdi memlekettik saparynyz ayasynda Qazaqstanda qarsy alu – men ýshin ýlken mәrtebe. Búl – elderimizding arasyndaghy strategiyalyq seriktestik pen odaqtastyq qatynastardy odan әri damytu túrghysynan óte manyzdy oqigha. Qazaqstan men Ázerbayjan tek dostas elder emes, sonday-aq bauyrlas halyqtar. Sondyqtan Sizding elinizben san qyrly yntymaqtastyqty órkendetuge basa mәn beremiz. Qazirgi kezde Ázerbayjan Sizding quatty kóshbasshylyghynyzben halyqaralyq arenadaghy abyroy-bedelin eleuli týrde arttyrdy, óz ónirinde yqpaldy memleket retinde óte manyzdy ról atqarady. Biz ýshin Ázerbayjanmen sauda-ekonomikalyq yntymaqtastyqty jәne sayasy seriktestikti nyghaytu – asa ózekti mindet, – dedi.

Iliham Áliyev:

– Býginde Qazaqstan damudyng joghary dengeyin kórsetip otyr. Elinizdegi qoghamdyq-sayasy jaghday túraqty, ekonomikalyq damu qalypty. Siz jýrgizip jatqan reformalardy zor qyzyghushylyqpen baqylap otyrmyz. Elinizdi janghyrtu men әleuetin arttyru jolyndaghy baghdarynyzdy tolyq qoldaymyz. Ekijaqty qarym-qatynastyng strategiyalyq, odaqtastyq sipat alghanyn atap óttiniz. Biz barlyq baghyttaghy yqpaldastyqty nyghaytugha niyettimiz. Býgingi kelissóz, sonday-aq Joghary memleketaralyq kenes otyrysy barysynda auqymdy kýn tәrtibin taghy da pysyqtap, ózara seriktestikting aldaghy qadamdaryn aiqyndaymyz, – dedi.

Suret: Aqorda telegram arnasynan alyndy.

Memleketter basshylary sauda-ekonomika, investisiya, auyl sharuashylyghy jәne kólik-tranzit salalaryndaghy yntymaqtastyqty nyghaytu mәselesin jan-jaqty talqylady. Sonday-aq mәdeniy-gumanitarlyq yqpaldastyqqa nazar audardy. Taraptar aimaqtyq jәne halyqaralyq kýn tәrtibindegi ózekti mәseleler jóninde pikir almasty.

Qasym-Jomart Toqaev pen Iliham Áliyevke Orta dәlizdi damytu jobasy tanystyryldy. Memleketter basshylaryna qazaq-әzerbayjan mamandarynyng Orta dәlizdi damytu boyynsha atqaryp jatqan jýieli júmystary jóninde mәlimet berildi.

Suret: Aqorda telegram arnasynan alyndy.

Qazaqstan Preziydentining kenesshisi Ásel Janasova Orta dәlizdi damytu josparyn tanystyrdy. Búl – Qytay men Ortalyq Aziya memleketterin Europa elderimen baylanystyratyn negizgi kólik-logistikalyq baghyt.

Qasym-Jomart Toqaev pen Iliham Áliyevke Qytaydan Ázerbayjangha tasymal kólemining úlghangy Orta dәlizding damuyna tyng serpin bergeni jóninde bayandaldy. Býginde jýk Qytay shekarasynan Gruziya porttaryna deyin 15-18 kýnde jetkiziledi. Boljamgha sәikes, 2030 jylgha qaray búl baghyttaghy jýk ainalymy ýsh ese artuy mýmkin.

Memleketter basshylaryna Orta dәlizding tiyimdiligi men bәsekege qabilettiligin kýsheytuge, sonday-aq Euraziyadaghy tranzittik rólin nyghaytugha baghyttalghan naqty sharalar jәne bastamalar turaly aityldy.

Abai.kz