Ukrainanyng Reseydegi Novorossiskidegi Kaspiy qúbyr konsorsiumyna jasaghan shabuylynan song atalghan qúbyrmen múnay jiberu tolyq toqtatylghan edi. Qazaqstan óz múnayyn eksporttaudyng balama baghyttaryn edel-jedel iske qosa bastady.

Al QR Syrtqy ister ministrligi Novorossiyskidegi KTK-gha jasalghan shabuylgha baylanysty narazylyq bildirdi.

QAZAQSTANNYNG UKRAINAGhA NARAZYLYGhY

Qazaqstan Respublikasynyng Syrtqy ister ministrligi Kaspiy qúbyr jelisi konsorsiumyna jasalghan kezekti shabuylgha qatysty pikir bildirdi.

SIM resmy ókili Aybek Smadiyarovtyng aituynsha, Qazaqstan Respublikasynyng Syrtqy ister ministrligi Novorossiysk teniz porty akvatoriyasynda ornalasqan halyqaralyq Kaspiy qúbyr jelisi konsorsiumynyng syndarly infraqúrylymyna jasalghan kezekti josparly shabuylgha baylanysty narazylyq bildiredi.

«Búl oqigha halyqaralyq qúqyq normalarymen qorghalatyn, tek azamattyq maqsatta júmys isteytin nysangha jasalghan ýshinshi agressiyalyq әreket bolyp otyr. Qazaqstan jahandyq energetikalyq naryqtyng jauapty qatysushysy retinde energiya tasymaldaushylardyng túraqty әri ýzdiksiz jetkiziluin qoldaugha әrdayym mәn beredi. KTK әlemdik energetikalyq jýiening túraqtylyghyn saqtauda manyzdy ról atqarady. Búl jaghdaydy Qazaqstan men Ukraina arasyndaghy ekijaqty qatynastargha núqsan keltiretin әreket retinde baghalaymyz jәne múnday oqighalardyng qaytalanuyna jol bermeu ýshin ukrain tarapynyng tiyimdi sharalar qabyldauyn kýtemiz», — delingen QR SIM mәlimdemesinde.

UKRAINANYNG QAZAQSTANGhA JAUABY

Ukraina Qazaqstannyng Syrtqy ister ministrligi joldaghan narazylyq notasyna jauap berdi.

«Ukraina Kaspiy qúbyr konsorsiumynyng (KTK) infraqúrylymyna qatysty Qazaqstan Respublikasynyng alandaushylyghyn nazargha aldy. Ukrain tarapynan jasalghan әreketting eshbiri Qazaqstan Respublikasyna nemese basqa ýshinshi taraptargha qarsy baghyttalmaghanyn eske salamyz. Ukrainanyng barlyq kýsh-jigeri BÚÚ Jarghysynyng 51-babynda kepildendirilgen ózin-ózi qorghau qúqyghyn iske asyru shenberinde Reseyding keng auqymdy agressiyasyna toytarys beruge baghyttalghan. Dәl eseptelgen jәne strategiyalyq túrghydan negizdelgen qorghanys operasiyalary ayasynda Ukraina Qorghanys kýshteri agressordyng әskeriy-ónerkәsiptik әleuetin jýieli týrde әlsiretip, onyng qylmystyq basqynshylyq soghysty jýrgizu jәne halqymyzgha qarsy әreket etu qúraldarynan aiyru ýshin Ukraina agressordyng nysandaryna jauap soqqylaryn jasaydy», – delingen mәlimdemede.

«Qara teniz aimaghynda jәne odan tys aumaqtardaghy túraqsyzdyqtyng jalghyz faktory jәne qauipsizdik qaterlerining negizgi sebebi – Reseyding agressiyasy bolyp tabylady»,- delingen.

Ukraina tarapy mәlimdemede Reseyding Ukrainagha ýzdiksiz zymyranmen, dronmen soqqy jasap jatqanyn, beybit túrghyndardyng qaza tapqanyn, AES-ke qatysty nysandargha da soqqy jasalghanyn, Reseyding agressiyasynan jýzdegen myng adamnyng jaryqsyz qalghanyn aityp, Reseyding ol әreketterine qatysty Qazaqstannyng narazylyq tanytpaghanyn aitypty.

Mәlimdeme sonynda bylay deydi: «Sóz sonynda qazaq halqyna degen ózgermeytin qúrmetimizdi jәne qos halyq arasyndaghy tarihy túrghydan berik baylanystar dengeyine say Qazaqstan Respublikasymen dostyq әri pragmatikalyq qatynastardy damytugha degen niyetimizdi rastaymyz», – depti.

Abai.kz