Ótken týnde qala aumaghynan arnayy poligondargha 2 327 auyr jýk kóligining reysimen shamamen 36 735 tekshe metr qar shygharyldy.

16 qantar kýni tanghy uaqyttan bastap qar kýreu júmysyna 2 983 jol júmysshysy men 1 517 arnayy tehnika júmyldyryldy, dep habarlaydy inbusiness.kz sayty.

Qys mezgili bastalghaly beri jalpy kólemi 2 mln 651 myng 830 tekshe metrden astam qar 197 847 reyspen tasymaldandy.

Eng aldymen negizgi kósheler men qoghamdyq kólik jýretin baghyttar tazartyluda. Odan keyin qozghalys qarqyny ortasha aumaqtarda – aulalarda, alandarda, trotuarlar men ayaldamalarda tazalau júmysy jýrgiziledi.

Qala túrghyndarynyng qauipsiz qozghalysyn qamtamasyz etu ýshin joldar, trotuarlar men kóshelerge tehnikalyq túz sebilude.

Búl júmystar da tәulik boyy atqarylyp jatyr.

Sonymen qatar, aula aumaqtaryndaghy tazalyqty qamtamasyz etu pәter iyeleri kooperativteri (PIYK) men mýlik iyeleri birlestikterining (MIYB) mindetinde. Olar túrghyndardyng qauipsizdigi men qolaylylyghy ýshin aulalardy qar men kóktayghaqtan uaqytyly tazalauy tiyis.

Astana qalasynyng әkimdigi qala túrghyndary men qonaqtaryn qauipsizdik erejelerin saqtaugha, joldar men trotuarlarda barynsha saq bolugha, sonday-aq qolaysyz aua rayy jaghdayynda alys jolgha shyqpaugha shaqyrady.

Abai.kz