Aghima (Aghaysha) Isaghúlova 1945 jylghy 3 aqpanda búrynghy Taldyqorghan oblysynyng Basshiy-Núrym auylynda dýniyege kelgen. 1963 jyly Qazaq memlekettik qyzdar pedagogikalyq institutynyng Muzyka-pedagogika fakulitetine (qazirgi Óner jәne mәdeniyet fakuliteti) týsip, oqu ornyn 1967 jyly «Muzyka jәne әn» mamandyghy boyynsha bitiredi. Sodan beri taban audarmay shәkirt tәrbiyelep, ústazdyq qyzmetti abyroymen atqaryp keledi.

A. Shermúhambetqyzyna 1993 jyly dosent, 2010 jyly professor ghylymy dәrejeleri berildi. Onyng bastamasymen «Aygýl» vokaldy-aspaptar ansambli, «Shattyq jyry» ansambli, «Óner jastan» opera teatry men taghy da basqa óner újymdary qúryldy.  Sonday-aq A. Isaghúlovanyng úiymdastyruymen birneshe halyqaralyq, respublikalyq, aimaqtyq óner bayqaulary, konkurstar men festivalider joghary dengeyde ótti.

Onyng jetekshiligimen «Aqsúnqar» ardagerler ansambli úiymdastyryldy. Óner újymy Almatynyng qart túrghyndaryn ónerge tartudy maqsat tútady. Aghaysha Isaghúlova – kezinde syrnaymen әn shyrqap, aty kýlli qazaq dalasyna tanymal bolghan Mayra Uәliqyzynyng syrnaymen әn aitu mektebin jalghastyrushylardyng biregeyi.

Ónerpaz turaly qazaqtyng kemenger úly Dinmúhamed Qonaevtyn: «Men qazaqtyng eki-aq qyzyn bilemin: birinshisi – Hafiza Ábughaliyeva akkordeonmen әn salushy edi. Ekinshisi – qaryndasym Aghaysha bayanda oinap, әn aitady. Búl qyzdar – elimizge kelgen birtuar talanttar», – degen úlaghatty sózi rastay týsedi. Kezinde Aghayshanyng oryndauyndaghy әnderdi tamashalap, syzylta tartqan syrnay ýnine boyy balqyp, kónili shalqyghan Shynghys Aytmatov: «Onyng әn aitu sheberliginde shamanizm saryny jatqanday әser beredi. Ol bizding bәrimizdi ózining alaqanynda ústap, әnimen tynystatty» dese kerek.

Býginde professordyng ghylymiy-әdistemelik enbekteri, muzykalyq shygharmalary joghary oqu oryndarynda, jalpy bilim beretin mektepterde paydalanylady. Enbekterining qatarynda «Muzyka» baghdarlamasy boyynsha hrestomatiya, fonohrestomatiyalar, muzyka pәnining múghalimderine arnalghan oqu-әdistemelik núsqaulyqtar, halyq әnderining jinaqtary bar.

Ol kisi ústazdyqpen qatar, halyq arasynda keninen taraghan 100-ge juyq әnning de avtory. Isaghúlovanyng ómirsheng tuyndylaryn ózining shәkirtteri, esimi elge tanymal óner iyeleri Núrghaly Nýsipjanov, Súlushash Núrmaghambektova, Sәken Qalymov, Galina Qaramoldaeva, Gýlmira Aqýrpekova, Tamara Asar, Dina Hamzina, Úljan Aynaqúlova, Altyn Mahanbetova, Gýlnúr Ómirbaeva jәne taghy basqalar oryndaydy.

«Qazaq» radiosynyng «altyn qorynda» A. Isaghúlovanyng oryndauyndaghy 250-den astam shygharma saqtauly. Ol Vengriya, Polisha, Chehiya, Bolgariya, Germaniya, Litva, Ukraina, Belorusi, Yugoslaviya, Týrkiya, Tәjikstan, Ózbekstan jәne Resey elderinde qazaq ónerin nasihattap, jeke әn keshterin ótkizdi. Sonymen qatar ol elimizding barlyq ónirinde «Kókpar» atty avtorlyq әn-muzyka keshin jәne qayyrymdylyq sharalaryn ótkizuge múryndyq boldy.

Aghaysha Isaghúlova «Allo, my iyshem talanty», «Jana ghasyr – jana әn», «Ttar әuenderi», «Ýzdik muzyka pәnining múghalimi», «Atalar sazy», «Tatar monnary» atty halyqaralyq, respublikalyq bayqaulardyng laureaty.

Abai.kz