Ángime KQK (Kaspiy qúbyr konsorsiumy) arqyly múnay eksportyn toqtatu turaly bolyp otyr. Reuters agenttigining mәlimetinshe, Kiyev búl eskertudi «nazargha alghan».

Ukraina Novorossiysk audanyndaghy KTK infraqúrylymyna jasalghan shabuyldardan keyin AQSh Memlekettik departamentinen resmy nota aldy. Búl turaly Ukrainanyng Amerika Qúrama Shtattaryndaghy elshisi Oliga Stefanishina mәlimdedi.

Onyng aituynsha, soqqylar «Qazaqstanmen baylanysty amerikalyq ekonomikalyq mýddelerge» núqsan keltirgen.

Qazaqstan múnayynyng basym bóligi Novorossiysk arqyly eksporttalady.

«Biz Memlekettik departamentten amerikalyq mýddelerge soqqy beruden tartynuymyz kerek ekenin estidik», — dedi Stefanishina.

Ol búl ýndeuding Reseyding әskery jәne energetikalyq infraqúrylymyna shabuyl jasaudan bas tartu emes, dәl osy amerikalyq mýddelerge qatysty bolghanyn atap ótti. Stefanishinanyng sózinshe, Kiyev búl jaghdaydy «nazargha aldy».

Oqighanyng mәn-jayy

Esterinizge sala keteyik, 2025 jyldyng qarasha aiynyng sonynda Novorossiysk manyndaghy Kaspiy qúbyr konsorsiumynyng teniz terminalyna úshqyshsyz úshaqtar shabuyl jasaghan bolatyn. Sodan keyin múnay tieu júmystary uaqytsha toqtatylyp, tankerler akvatoriyadan shygharyldy. Keyinirek KTK zaqymdalghan qúrylghylardyng birin jóndeu júmystary ayaqtalghanyn habarlady.

Shabuyldan keyin Qazaqstan Respublikasynyng Syrtqy ister ministrligi narazylyq bildirip, bolghan oqighany Qazaqstan men Ukraina arasyndaghy ekijaqty qarym-qatynasqa núqsan keltiretin әreket retinde qarastyratynyn mәlimdedi.

Alayda, AQSh aralasqangha deyin ukrain tarapy Qazaqstannyng ekonomikasyna nemese infraqúrylymyna soqqy bermeytinin jәne onday niyeti joq ekenin ashyq mәlimdep kelgen edi. Ukraina SIM búl әreketter tek Reseyding әskery әleuetine qarsy baghyttalghanyn jәne «Qazaqstangha nemese basqa ýshinshi taraptargha qarsy emes» ekenin algha tartqan.

Ukraina elshisi Viktor Mayko da úqsas ústanym bildirip, Qazaqstannyng «eshqashan soqqy nysanasy bolmaghanyn jәne bolmaytynyn» basa aitqan bolatyn.

Qantar aiynyng ortasynda Mәjilis deputaty Aydos Sarym konsorsium infraqúrylymyna jasalghan shabuyldan keyin Ukrainagha «qysym jasaudy» úsyndy.

Abai.kz