Óskemen qalasynyng qylmystyq ister jónindegi mamandandyrylghan audanaralyq sotynda oblys ortalyghynyng búrynghy әkimi, Shyghys Qazaqstan oblysy әkimining birinshi orynbasary Jaqsylyq Omargha qatysty is qaraldy. 

Eks-sheneunikke eki bap boyynsha aiyp taghylyp otyr: "Alayaqtyq" jәne "Iri kólemde para alu". Prokuror aiyptau aktisin eki epizod boyynsha oqydy.

"Birinshi epizod Jaqsylyq Omardyng Óskemen әkimi bolghan kezinde bolghan. Ayyptau núsqasyna sәikes, tergeu barysynda jәbirlenushi dep tanylghan adamnan qalalyq kәsiporyndardyng birinen materialdyq kómek retinde avtokólik alu ýshin ótinish rәsimdeudi súraghan. Ol ótinishti oryndap, 2021 jyly shyqqan Toyota Camry 75 kóligin alghan. Keyin jәbirlenushi kólikti qala әkimdigine әkelip, kiltin tapsyrghannan keyin ony qayta kórmegen. Uaqyt óte kele kólik ýshinshi túlghagha rәsimdelip, trade-in baghdarlamasy arqyly jana ýlgige auystyrylghan, ony aiyptalushy paydalanghan. Osylaysha jәbirlenushige 13 million tenge kóleminde shyghyn kelgen. Búl epizodqa sәikes, Jaqsylyq Omar QR QK 190-baby 3-bóligi 1, 2-tarmaqtary (Iri kólemdegi alayaqtyq) boyynsha aiyptalyp otyr. Sot otyrysynda jәbirlenushi shyghyn tolyq ótelgenin aityp, eshqanday shaghymy joq ekenin mәlimdedi", – dep jazylghan materialda.

Ekinshi epizod biylghy aqpan aiynyng basynda bolghany aitylghan. Is materialdary boyynsha Jaqsylyq Omar qala әkimdigi qyzmetkerimen kezdesude 20 million tenge әkeluin aitqan. Ayyptalushy búl talap emes, ótinish bolghanyn aitady. Biraq aiyptaushy tarap múny qamqorlyq kórsetu ýshin para alu әreketi dep baghalady.

Ákimdik qyzmetkeri Últtyq qauipsizdik komiytetine jýgingen. Arnayy qyzmetting baqylauymen ol Jaqsylyq Omarmen qayta kezdesip, aqshany bólip berudi úsynghan, al aiyptalushy búghan kelisken. Sol kýni ýshinshi túlgha arqyly kýdiktige 6 million tenge qolma-qol aqsha berilgeni jazylghan. Ústau kezinde kýdiktining ýiinen jәne júmys ornynan 5,6 million tenge anyqtaldy.

BAQ-tyng jazuynsha, sottalushy kinәsin tolyq moyyndady. Onyng qorghaushylary bas bostandyghynan aiyrumen baylanysty emes jaza taghayyndaudy súrady. Olardyng aituynsha, kýdiktining tuystary aiyppúl tóleuge qajetti qarajatty jinady. Tólem qabiletin rastau ýshin shotta 112 million tenge bar ekeni kórsetilgen qújat úsynyldy.

Endi kelesi sot otyrysy 26 nauryzgha belgilenip otyr.

Abai.kz