Astanada birneshe jyldan beri «JOLTAP» әleumettik jobasy tabysty jýzege asyrylyp keledi. Joba ondaghan myng qala túrghynyn júmyspen qamtu jәne qysqa merzimdi oqytu sharalarymen qamtyp otyr. Býginde ol túraqty nәtiyjeler kórsetip, halyqaralyq qauymdastyqtyng da qyzyghushylyghyn tudyryp otyr, dep habarlaydy elorda әkimdigining resmy sayty.

«JOLTAP» jobasy Astanada 2023 jyldan beri iske asyrylyp keledi. Onyng basty maqsaty – qysqa merzimdi oqytu men júmyspen qamtu arqyly halyqtyng tabysyn arttyru. Joba ayasynda qysqa uaqyt ishinde jana daghdylardy mengeruge bolady jәne enbek naryghyna shyghugha mýmkindik beretin praktikalyq tәsil qarastyrylghan.

Atalghan joba Memleket basshysynyng tapsyrmalaryn oryndau ayasynda jýzege asyrylyp, elordada tabys tabugha baghyttalghan túraqty júmyspen qamtu jýiesin qalyptastyryp otyr. Búl «Adal adam – Adal enbek – Adal tabys» tújyrymdamasynyng qúndylyqtaryna say keledi.

Jobany Astana qalasy әkimdigining «Jana mýmkindik» qorymen birlesip iske asyruda.

Joba ayasynda elorda túrghyndaryna 18 týrli kurs úsynylady: onyng 12-si – júmysshy mamandyqtar, 6-auy – sifrlyq baghyttar. Atap aitqanda, naubayshy, elektr-gazben dәnekerleushi, elektromontajshy, tiginshi, sonday-aq jasandy intellekt negizderi, jarnamalyq beynerolikterge arnalghan neyrojeliler siyaqty baghyttar bar.

Oqu merzimi 5 kýnnen 22 kýnge deyin sozylady. Baghdarlamalar praktikalyq sipatqa iye: sabaqtar arnayy jabdyqtalghan sehtarda ótedi jәne barlyq qajetti material tegin beriledi.

Oqu baghdarlamalary júmys berushilerding talaptaryna say әzirlengen. Olar jergilikti biznespen tyghyz baylanysta dayyndalghan avtorlyq kurstar bolyp sanalady. Búl qatysushylardyng enbek naryghyna tez beyimdeluine mýmkindik beredi.

Songhy 2,5 jylda 18,8 mynnan astam adam oqudan ótken. Olardyng 10 mynnan astamy qala kәsiporyndaryna júmysqa ornalasqan.

Elordadaghy óndiristik jәne industriyalyq sektordaghy kadrlargha degen súranys kóbine osy joba týlekteri esebinen qamtamasyz etilip otyr.

Sonymen qatar joba týlekterining shamamen 1,5 myny jeke kәsip bastap ketken. Olar tigin sheberhanalaryn, ayaq kiyim jóndeu oryndaryn, shaghyn kofehanalar, ýy janyndaghy dýkender, avtoservister ashqan.

Osylaysha joba qatysushylarynyng tabysy artyp qana qoymay, jana júmys oryndary qúrylyp, ózge adamdargha da tabys tabu mýmkindigi payda boluda.

Júmysshy mamandyqtardan bólek, sifrlyq kurstar da túrghyndar arasynda ýlken súranysqa iye. Ásirese «Sauda men bizneske arnalghan jasandy intellekt» jәne «Jarnamalyq beynelerge arnalghan neyrojeliler» kurstaryna qyzyghushylyq joghary.

Múnday kurstardyng engizilui halyq súranysynyng artuymen, sonday-aq el ekonomikasynda jasandy intellekt pen sifrlyq qúraldardyng rólining kýshengimen baylanysty.

«JOLTAP» jobasy týlekterdi júmyspen qamtugha erekshe mәn beredi. JUMYSTAP.KZ platformasynda 4 mynnan astam júmys berushi tirkelip, 5 mynnan astam ózekti bos júmys orny jariyalanghan.

Oquyn ayaqtaghannan keyin týlekter joba ayasynda qúrylghan kәsiby qauymdastyqtargha qosylady. Búl jerde olar tәjiriybe almasyp, kenes berip, birlesken tapsyrystardy oryndaugha mýmkindik alady.

Joba sheteldik úiymdardyng da qyzyghushylyghyn tudyryp otyr. Atap aitqanda, Týrkiyanyng júmyspen qamtu últtyq agenttigi (İŞKUR), kәsiby biliktilik organy (MYK), sonday-aq Ózbekstannyng Bilim ministrligi men Últtyq biliktilik jýiesin damytu institutynyng ókilderi arnayy saparmen kelgen.

Halyqaralyq sarapshylar jobanyng joghary dengeyde úiymdastyrylghanyn, onyng praktikalyq baghytyn jәne qysqa merzimde naqty daghdylardy qalyptastyrudaghy tiyimdiligin atap ótken.

Jobagha kez kelgen adam qatysa alady. Sonymen qatar kenes beru nýkteleri arqyly oqugha jazylyp, júmysqa ornalasu boyynsha kómek alugha bolady.

Abai.kz