Jetisu oblysynda Otan qorghaushylar kýnine oray eldik ruh pen erlik úghymyn úlyqtaghan erekshe mәdeny joba júrt nazaryna úsynyldy. Jetisu ónirinde әskeriy-patriottyq ruhty kóteru maqsatynda «Beybit elding qalqany» atty muraldyng saltanatty ashylu rәsimi ótti. Taghylymy tereng tuyndy qoghamdyq kenistikti kórkeytip qana qoymay, jas buynnyng jýregine otansýigishtik ruh darytudy kózdegen mazmúndy bastamagha ainaldy.

Teginde, qabyrghagha bederlengen әrbir beyne men boyaudyng astarynda uaqyttyng ýni, elding múraty jatady. Osy rette «Kóktem» yqshamaudanyndaghy enseli mural beybitshilik pen batyrlyqtyn, sert pen senimnin, eldik pen erlikting kórkem beynesindey әser qaldyrady. Onda bahadýr babalardyng aibyny, býgingi sarbazdardyng kelbeti men keleshek úrpaqtyng jarqyn beynesi sabaqtasyp, halyqtyng azat ruhy men beybit kýnning qadiri kórinis tapqan.

Erekshe atap óterligi, atalmysh muraldyng kórkemdik tújyrymdamasy «Zhetisý jastary» kommunaldyq memlekettik mekemesining bastamasymen jasandy intellekt tehnologiyasy arqyly әzirlengen. Zamanauy sifrlyq mýmkindikter men últtyq ruhty sabaqtastyrghan tyng joba ýsh kýn ishinde jýzege asqan. Qysqa merzimde boy kótergen auqymdy tuyndy shahar kelbetine jana sipat berip, qoghamdyq ortagha sony tynys әkeldi.

Jobanyng basty maqsaty – jastar arasynda әskeriy-patriottyq tәrbiyeni nyghaytu, elge degen sýiispenshilikti arttyru jәne әskery qyzmetting manyzyn keninen nasihattau. Sonymen qatar beybit ómirding qadirin úghyndyryp, el tynyshtyghyn kýzetip túrghan azamattardyng enbegin dәripteu arqyly jas úrpaqtyng boyynda jauapkershilik pen azamattyq ústanymdy qalyptastyru kózdelgen.

Saltanatty rәsimge Jetisu oblysynyng qorghanys isteri jónindegi departamentining bastyghy, polkovnik Medet Túryskeldiyev pen «Zhetisý jastary» KMM diyrektorynyng mindetin atqarushy Arnay Bayjurynov qatysty. Shara barysynda qonaqtar muraldyng kórkemdik mazmúnymen tanysyp, jobanyng jýzege asyrylu barysy jóninde pikir almasty. Is-sharagha jastar, qogham belsendileri, shygharmashylyq orta  ókilderi jәne qala túrghyndary qatysty.

Jiynda sóz alghan Medet Bolatúly muraldyng tereng mazmúnyna toqtaldy.

– Búl muralda batyrlardyng ýsh kezeni beynelengen. Halqymyzdyng asyl qúndylyghy, beybit ómirding kórkem tuyndysy dep sanaymyn. Múnday dýniyeler jas úrpaqty patriottyq sezimge baulidy. Sebebi el tarihyn, batyr babalardyng erligin óner arqyly kórsetu – últ ruhyn kóteruding bir joly, – dedi ol.

Al Arnay Raqymberdiúly múnday bastamalardyng qogham ýshin manyzy zor ekenin atap ótti.

– Býgingi jas buynnyng sanasyna eldik ruh pen otansýigishtik qasiyetti siniru – barshamyzgha ortaq mindet. «Beybit elding qalqany» muraly sol maqsatqa baghyttalghan taghylymdy jobalardyng biri. Qazirgi jastar tehnologiya dәuirinde ósip keledi. Sondyqtan últtyq qúndylyqtardy nasihattauda zamanauy tәsilderdi paydalanu asa manyzdy. Osy orayda jasandy intellekt arqyly әzirlengen búl tuyndy – shygharmashylyq pen tehnologiyanyng ýndesken kórinisi. Múnday bastamalar jastardy ónerge jaqyndatyp qana qoymay, olardyng elge, jerge degen qúrmetin arttyrady. Beybit ómirding qadirin sezinu, Otan aldyndaghy jauapkershilikti úghynu – naghyz azamattyqtyng belgisi. Biz әskery qyzmetshilerding enbegin dәripteu arqyly óskeleng úrpaqtyng boyynda qaysarlyq pen adaldyq qasiyetterin qalyptastyrudy kózdeymiz. Aldaghy uaqytta da osynday jobalar jalghasyn tabuy kerek. Elge qyzmet etu – tek qaru asynyp shekara kýzetu emes, halyqtyng ruhyn kóteru, qoghamdyq sanany janghyrtu, jastargha dúrys baghyt kórsetu, – dedi ol.

Abai.kz