Qaraghandy oblysy aumaghynda Qúrban ait merekesi jaqyndaghan sayyn qúrbandyqqa shalynatyn mal men et ónimderining baghasynyng negizsiz ósuine jol bermeu maqsatynda baqylau sharalary kýsheytildi. Oblystyq auyl sharuashylyghy jәne jer qatynastary basqarmasynyng mamandary mal song punktterin aralap, sharua qojalyqtary men kәsipkerler ókilderimen birqatar týsindiru kezdesulerin ótkizdi.

Kezdesuler barysynda halyqty sapaly et ónimderimen qamtamasyz etu, sonday-aq mereke kýnderi naryqtaghy baghanyng túraqtylyghyn saqtau mәseleleri jan-jaqty qarastyryldy.

— Biz auyl sharuashylyghy tauar óndirushilerimen jәne sauda ókilderimen kezdestik. Qazirgi tanda qoy etining ortasha baghasy kelisine shamamen 4 myng tenge dengeyinde qalyp otyr. Bir jasar qozynyng baghasy orta eseppen 80 myng tengeni qúraydy. Barlyq naryq qatysushylaryna súranystyng artuyn teris paydalanbay, baghany negizsiz kótermeu jóninde qatang eskertu jasaldy, — dedi Ánuar Tólebekov, oblystyq auyl sharuashylyghy basqarmasynyng basshysy.

Kәsipkerlerding aituynsha, býginde ónirde et qory jetkilikti kólemde qalyptasqan, sondyqtan mereke kezeninde tapshylyq tuyndauy kýtilmeydi.

Auyl sharuashylyghy basqarmasy tarapynan mereke kýnderi baghagha túraqty monitoring jýrgizu jalghasatyny atap ótildi. Qazirgi tanda naryqtaghy ahual túraqty әri qatang baqylauda.