Qaraghandy oblysynyng Balqash qalasyndaghy «Jastar» sayabaghynda ekologiyalyq mәdeniyet, sport jәne oiyn-sauyqty nasihattaugha baghyttalghan «Balhash Tour Fest-2026» festivali ayasynda Qaraghandy oblysy etnomәdeny birlestikterining shygharmashylyq újymdary men oryndaushylarynyng qatysuymen «Dostyq kerueni» konserttik baghdarlamasy úiymdastyryldy.

Konserttik baghdarlamada Qaraghandy oblysy etnomәdeny birlestikterining ýzdik shygharmashylyq újymdary men ónerpazdary óner kórsetti. Atap aitqanda, «Bereginya», «Rusalisa», «Kazachiya volinisa» halyq ansamblideri, «Haydak», «Aqniyet» ansamblideri, sonday-aq korey, týrik jәne ózge de etnomәdeny birlestikterding solisteri kórermenge kóterinki kónil-kýy syilady. Ónerpazdardyng oryndauynda qazaqsha sonday-aq әr etnostyng әnderi shyrqalyp, últtyq mәdeniyetterding әsemdigin aishyqtaytyn jarqyn biyler úsynyldy.

Is-shara qonaqtarynyng erekshe qyzyghushylyghyn sahna aldyndaghy alanda úiymdastyrylghan Qaraghandy oblysy etnomәdeny birlestikterining «Birlikpen gýldengen Saryarqa» kórmesi tudyrdy. Kórme ekspozisiyasy kelushilerdi ónirde túratyn etnostardyng tarihymen, salt-dәstýrlerimen jәne mәdeny múrasymen tanystyrdy.

Kórmede últtyq kiyimder, sәndik-qoldanbaly óner búiymdary, halyq sheberlerining tuyndylary, sonday-aq etnomәdeny birlestikterding qoghamdyq kelisimdi nyghaytu, etnosaralyq tatulyqty saqtau jәne ruhany qúndylyqtardy dәripteu baghytyndaghy qyzmetin tanystyratyn materialdar úsynyldy.

Abai.kz