Últtyq bank bazalyq mólsherlemeni jyldyq 17%-gha deyin tómendetu turaly sheshim qabyldady. Búl turaly Últtyq bankting Aqsha-kredit sayasaty komiyteti mәlimdedi.

Jana sheshim boyynsha bazalyq mólsherleme +/- 1 payyzdyq tarmaq dәlizimen belgilendi. Retteushi búl qadamdy inflyasiyanyng bayaulauy, negizgi makroekonomikalyq kórsetkishterding jaqsaruy jәne inflyasiyalyq tәuekelderding tómendeuimen baylanystyrdy.

Últtyq bank dereginshe, jyldyq inflyasiya tómendeu ýrdisin jalghastyryp keledi. Eger ótken jyldyng qyrkýieginde inflyasiya 12,9%-gha jetse, biyl mamyr aiynyng qorytyndysy boyynsha 10,4%-gha deyin bayaulaghan.

Azyq-týlik baghasynyng ósu qarqyny da tómendegen. Mamyrda azyq-týlik inflyasiyasy 10,7%-dy qúrady. Búghan jemis-jiydek, kókónis, әleumettik manyzy bar azyq-týlik tauarlary men keybir importtyq ónimder baghasynyng bayau ósui әser etken.

Al azyq-týlikke jatpaytyn tauarlar inflyasiyasy 11,7% dengeyinde saqtaldy. Últtyq bank múny tengening nyghangy men tútynushylyq nesiyeleuding bәsendeuine baylanysty súranystyng túraqtanuymen týsindirdi.

Kórsetiletin qyzmetterding baghasy da bayaulay týsti. Mamyr qorytyndysy boyynsha qyzmet kórsetu inflyasiyasy 8,7%-dy qúrady. Búghan túrghyn ýi-kommunaldyq qyzmet tarifterining ósu qarqynynyng bәsendeui men ishki súranystyng túraqtanuy yqpal etken.

Sonymen qatar ailyq inflyasiya sәuirdegi 0,8%-dan mamyrda 0,7%-gha deyin tómendedi.

Últtyq bankting baghalauynsha, halyqtyng inflyasiyalyq kýtuleri de birtindep tómendep keledi. Mamyr aiynda búl kórsetkish 12,7% bolghan. Al kәsiby naryq qatysushylary 2026 jyldyng sonynda inflyasiya 10% dengeyinde bolady dep boljap otyr.

Retteushi múnay naryghyndaghy boljamdaryn da janartty. Jana bazalyq ssenariyge sәikes, Brent markaly múnaydyng ortasha baghasy biyl barreline 90 dollar dengeyinde qalyptasady dep kýtiledi. Búghan Tayau Shyghystaghy geosayasy jaghday әser etip otyr.

Sonday-aq Últtyq bank 2026 jylgha arnalghan inflyasiya boljamyn 9-11% aralyghyna deyin jaqsartty. Búghan baghanyng kýtilgennen jyldam bayaulauy, QQS ósimining shekteuli әseri jәne últtyq valutanyng nyghangy sebep bolghan.

Retteushining boljamynsha, 2027 jyly inflyasiya 5,5-7,5%-gha deyin tómendep, 2028 jyly 5%-dyq maqsatty dengeyge jetedi.

Ekonomikalyq ósim boyynsha da boljam jaqsardy. Últtyq bank 2026 jyly Qazaqstan ekonomikasy 4,5-5,5% aralyghynda ósedi dep kýtedi. Búghan múnay baghasynyng joghary boluy men ekonomikalyq belsendilikting artuy negiz bolyp otyr.

Últtyq bank inflyasiyanyng tómendeui men boljamdardyng jaqsaruy bazalyq mólsherlemeni azaytugha mýmkindik bergenin atap ótti. Alayda aqsha-kredit sayasaty әli de ústamdy qatang dengeyde saqtalady.

Abai.kz