Qazaqstan Respublikasynyng Premier-ministri Oljas Bektenov «Samúryq-Qazyna» AQ diyrektorlar kenesining otyrysyn ótkizdi.

Oljas Bektenov Parlament palatalarynyng birlesken otyrysynda Preziydent Qasym-Jomart Toqaev qoyghan mindetterdi jedel oryndaudyng manyzdylyghyn atap ótti.

«Memleket basshysy elding túraqty damuyn qamtamasyz etu boyynsha kýsh-jigerdi arttyrudy tapsyrdy. Preziydent ekonomikalyq ósu, kólik-logistikalyq, energetikalyq jәne sifrlyq infraqúrylymdy damytu boyynsha mindetter qoydy. Elimizding infraqúrylymdyq qanqasyn nyghaytu jolynda "Samúryq-Qazyna" qory da manyzdy rólge iye. Barlyq jauapty memlekettik organdar, onyng ishinde Qor basshylyghy men toptyng kompaniyalary ózderining kýsh-jigeri men  resurstaryn barynsha júmyldyryp, atalghan auqymdy júmysqa dereu kirisui qajet», — dep atap ótti Oljas Bektenov.

Diyrektorlar kenesi otyrysynyng kýn tәrtibinde Qor qyzmetining negizgi óndiristik jәne qarjylyq kórsetkishteri, negizgi investisiyalyq jobalardy jýzege asyru barysy qaraldy.

«Samúryq-Qazyna» AQ basqarma tóraghasy Núrlan Jaqypov Memleket basshysynyng ekonomikany damytu jónindegi tapsyrmalaryn jýzege asyru ayasynda Qor songhy ýsh jylda jalpy qúny 3,3 trln tenge bolatyn 35-ten astam investisiyalyq jobany ayaqtaghanyn bayandady. Jana energetikalyq quattar men elektr jelisi infraqúrylymynyng nysandary paydalanugha berildi, múnay-gaz salasynyng nysandary janghyrtyldy, temirjol jelileri men konteynerlik habtardy qosa alghanda, kólik infraqúrylymy keneytildi. Sonday-aq halyqty auyz sumen qamtamasyz etu jәne ónirlerdi gazben qamtu jobalary jýzege asyryldy.

Qordyng mәlimeti boyynsha biyl jalpy qúny 3,3 trln tenge bolatyn 16 investisiyalyq jobany ayaqtau josparlanyp otyr. Kólik salasynda «Moyynty – Qyzyljar» jәne «Darbaza – Maqtaaral» temirjol jelilerining qúrylysy, «Altynkól – Jetigen» jәne «Beyneu – Manghystau» uchaskelerin janghyrtu, Dostyq – Alashanikou uchaskesinde ekinshi joldardy salu, sonday-aq temirjol uchaskelerinde avtobúghattau jýiesin engizu  kózdelgen. Múnay-gaz jәne energetika salalarynda jylyna 1 mlrd tekshe metr gaz óndeytin Qashaghan ken ornynda gaz óndeu zauytyn, Air Liquide Munay Tech Gases kompaniyasymen birlesip jýzege asyrylyp jatqan Pavlodar múnay-himiya zauytyndaghy sutegi óndiru qondyrghysynyn, Almaty JEO-2-nin, Týrkistan oblysyndaghy bu-gaz qondyrghysynyn, sonday-aq ENI kompaniyasymen birlesip jýzege asyrylyp jatqan gibridti elektr stansasynyng qúrylysyn ayaqtau kózdelgen. Sifrlyq transformasiya salasynda Qor Qosshy qalasynda derekterdi óndeu ortalyghynyng qúrylysyn jәne Kaspiy tenizining týbimen talshyqty-optikalyq baylanys jelisin saludy ayaqtaudy josparlap otyr. Qazan aiynda Qosshyda Qordyng esepteu quatyn tórt ese arttyrugha mýmkindik beretin jana superkompiuterlik klaster engiziledi dep kýtilude. Sonymen qatar Qordyng kompaniyalar tobynda biznes-prosesterdi avtomattandyru jәne enbek ónimdiligin arttyru ýshin JY negizinde sheshimder engizilude.

2026 jyldyng basynan bastap on iri investisiyalyq jobanyng qúrylysy bastaldy. Olar:

Atyrau oblysyndaghy butadiyen óndiru zauyty;

Atyrau oblysyndaghy «Polietiylen» jәne «Butadiyen» jobalaryna arnalghan infraqúrylym nysandary;

Ekibastúz qalasyndaghy Derekterdi óndeu ortalyqtarynyng alqaby (DÓO);

Jambyl oblysyndaghy Masdar kompaniyasynyng quaty 1 GVt bolatyn jel elektr stansasy (JES);

Pavlodar oblysyndaghy China Power International Holding kompaniyasynyng quaty 1 GVt bolatyn JES;

Qaraghandy oblysyndaghy Energy China kompaniyasynyng quaty 500 MVt bolatyn JES;

temirjol infraqúrylymy nysandaryndaghy LTE-R standartty symsyz baylanys jelileri;

Semey jәne Óskemen qalalaryndaghy jylu elektr ortalyqtary (JEO);

Qazaqstannyng ontýstik ónirlerindegi elektr energiyasyn esepke alu ýshin SMART aspaptaryn pilottyq joba retinde engizu.

Otyrysta Qordyng úzaqmerzimdi investisiyalyq baghdarlamasyn iske asyru josparlary da qaraldy. 2027–2029 jyldary jalpy qúny 21 trln tenge bolatyn 36 investisiyalyq jobany jýzege asyru kózdelgen. Olar jana energetikalyq nysandardyn, onyng ishinde jylu elektr ortalyqtary men janartylatyn energiya kózderi salasyndaghy jobalardyng qúrylysyn, elektr jelisi infraqúrylymyn damytudy, múnay-gaz jәne múnay-gaz himiyasy salalaryndaghy iri jobalardy jýzege asyrudy, sonday-aq temirjol infraqúrylymyn saludy qamtidy. Basymdyqtardyng qatarynda 5G jelisin, sifrlyq infraqúrylymdy damytudy jәne Derekterdi óndeu ortalyqtary alqabyn qúru bar.

Otyrys qorytyndysy boyynsha Premier-ministr «Samúryq-Qazyna» basshylyghyna investisiyalyq jobalardyng uaqtyly jýzege asyryluyn qamtamasyz etudi, olardyng merzimderining saqtaluyna baqylaudy kýsheytudi, sonday-aq jobalardy jýzege asyru kezinde tauarlardaghy, júmystar men qyzmetterdegi jergilikti qamtu ýlesin úlghaytu jóninde sharalar qabyldaudy tapsyrdy.

Abai.kz