Últtyq dombyra kýnine oray Jetisu oblysynda Múqan Tólebaev atyndaghy orkestrding muzykanttary tikeley efirde әlemning 10 eli men respublikalarynan dombyrashylarymen birge Núrghisa Tilendiyevting «Alqisa» kýiin bir mezette oryndady, – dep habarlaydy Jetisu oblysy әkimining baspasóz qyzmeti.

Merekelik shara Taldyqorghan qalasynda ótti. Tikeley efir arqyly oghan Qytay, AQSh, Týrkiya, Beligiya, Týrikmenstan, Qyrghyzstan, Ózbekstan, Tәjikstan, Bashqúrtstan jәne Altay ólkesinen dombyrashylar qatysyp, osylaysha qazaqtyng kýy ónerining sheberleri men janashyrlaryn bir arnagha toghystyrdy.

Kórermenge erekshe әser qaldyrghan teatrlandyrylghan prolog barysynda aqsaqaldyng dombyrany aldymen jas buyngha, keyin býldirshinge simvoldyq týrde tabystauy úrpaqtar sabaqtastyghy men últtyq múranyng mәngilik ómirshendigin kórkem beyneledi. Jas ónerpaz oryndaghan alghashqy kýidi Múqan Tólebaev atyndaghy halyq aspaptar orkestri jalghastyryp, konserttik baghdarlamanyng shymyldyghyn ashty.

Merekelik konsert ayasynda halyq aspaptar orkestri, dәstýrli әn oryndaushylary men tanymal kýishiler qazaq muzyka ónerining tandauly shygharmalaryn oryndady. Qúrmanghazynyng «Aday», «Mahambet» kýileri, halyq әnderi men termeler kórermenning kónilinen shyqty. Últtyq by ansambliderining jarqyn qoyylymdary merekening últtyq naqyshyn aishyqtay týsti.

Sharanyng eng qyzyqty bólimderining biri kórermenderge arnalghan interaktivti oiyndar boldy. Qatysushylar dombyra tarihy men qazaqtyng kýy oryndaushylyq ónerine qatysty súraqtargha jauap berip, ózderining mol bilimi men mәdeny múragha degen shynayy qyzyghushylyghyn kórsetti.

Merekening arnayy qonaghy Qazaqstannyng enbek sinirgen qayratkeri Baqbergen Asqarbekov Últtyq dombyra kýnining manyzdylyghyna erekshe toqtaldy.

— Dombyra – halqymyzdyng tarihyn, dýniyetanymyn jәne ómir saltyn saqtap kelgen qasiyetti múra. Osynday merekeler arqyly jas úrpaq últtyq ónerding qadir-qasiyetin terenirek týsinedi. Jetisudyng shygharmashylyq dәstýrin jalghastyryp jýrgen ónerpazdardyn, belgili kýishiler men jas oryndaushylardyng sheberligi әrbir tyndarmannyng jýreginen oryn tapty, – dedi ol.

Qala túrghyny Aynagýl Sәrsenbayqyzy da óz әserimen bólisti.

— Búl kesh bizge tamasha muzyka syilady. Dombyranyng qonyr ýni Qaratal ózenining jaghasynda erekshe әsermen qalyqtady. Osynday mazmúndy mәdeny sharalar qoghamnyng ruhany әlemin bayytyp, últtyq ónerimizding ómirshendigin taghy bir mәrte dәleldeydi, – dedi ol.

Abai.kz