Dauys beru kýni jaqyndaghan sayyn partiyalar ónirlerdegi saylaualdy júmysyn jalghastyryp jatyr. Nauqan ayasynda jergilikti mәselege oiysyp, әr ónirding ózekti týitkilderi aldynghy qatargha shyghady.

Bir jerde – júmyspen qamtu, endi birinde – ekologiya, ónerkәsip, әleumettik infraqúrylym nemese auyldy damytu mәselesi kóteriledi. Jergilikti jerdegi kezdesuler partiya baghdarlamasynyng el túrghyndarynyng naqty súranysyna qanshalyqty sәikes keletinin baghalaudyng manyzdy alanyna ainaldy. Tómende 6 tamyz kýni Qúryltay deputattyghyna kandidattardyng qay ónirlerge baryp, qanday auditoriyamen kezdeskenine sholu úsynamyz.

«Ádilet» partiyasy ónirlerdegi júmysyn «Ádiletti Qazaqstan ýshin» mobilidi kerueni ayasynda jalghastyrdy. Qostanay oblysynda keruenning baghyty Úzynkól, Mendiqara, Altynsariyn, Áuliyekól jәne Qarasu audandaryn qamtydy. 700-den astam auyl túrghynymen ótken kezdesude joldardyng jaghdayy, auyzsumen qamtamasyz etu, baylanys sapasy jәne jastardy júmyspen qamtu mәselesi talqylandy.

Kelesi baghyt Jambyl oblysy boldy. Múnda auyl sharuashylyghy salasyndaghy mәseleler kýntәrtibinde túrdy. Partiya tóraghasy Aybek Dәdebay bastaghan keruen Jualy audanyndaghy sharua qojalyghy men sýt óndeu kooperatiyvine baryp, Núrlykent auylynyng túrghyndarymen jeke kezdesu ótkizdi.

Jalpyúlttyq sosial-demokratiyalyq partiya kýndi ótken teledebattardy taldaugha arnady. Partiyanyng respublikalyq saylaualdy shtabynda «Jetinshi arna» efiyrinde partiya atynan pikirsayysqa qatysqan Qúryltay deputattyghyna kandidat Maqsút Nasibulovtyng sózi talqylandy.

Saylaualdy kýn tәrtibindegi negizgi taqyryptardyng biri tórt kýndik júmys aptasyna kóshu mәselesi boldy. Búl bastama qoghamda keng pikirtalas tughyzdy. JSDP tóraghasy Ashat Rahymjanov Respublica partiyasy ókilderining syn-pikirine jauap berip, tórt kýndik júmys aptasy engizilgen nemese engizu mýmkindigi qarastyrylyp jatqan elderding tәjiriybesi eskerilip otyrghanyn aitty.

«Baytaq» partiyasy birden birneshe ónirde kezdesu ótkizdi. Petropavlda eriktiler men kandidat Almaz Jakiyshev ýi-ýidi aralau formatynda júmys jýrgizip, partiya mәlimetinshe, 300-den astam túrghynmen tildesti.

Jetisu oblysynyng Múqyry auylynda kandidat Temirlan Fayzulin auyl túrghyndarymen ekoturizmdi damytu mәselesin talqylady. Kandidat Vladimir Marteli Almaty auyr mashina jasau zauytynyng enbek újymymen kezdesip, óndiristi ekologiyalyq janghyrtu taqyrybyn kóterdi.

Al Shymkentte Týrkistan kóshesining túrghyndarymen kezdesude jaghymsyz iyis mәselesi sóz boldy. Sonymen qatar partiya ókilderi Almatydaghy №15 emhanada medisina qyzmetkerlerining enbek jaghdayyn, al Aqtóbe oblysyndaghy balabaqshada ekologiyalyq tәrbiyeni damytu mәselesin talqylady.

Qazaqstan halyq partiyasy birneshe oblysta enbek újymdarymen kezdesuler ótkizdi. Kandidattar Bolat Smaghúlov pen Núrjan Biyaqaev Enbek mobilidiligi ortalyghynyng újymymen kezdesip, júmyspen qamtu mәselesin talqylady.

Atyrauda «Bank SentrKrediyt» filialynyng qyzmetkerlerimen, Óskemende avtopark újymymen kezdesu ótti. Onda jýrgizushilerding jalaqysy, kadr tapshylyghy jәne enbek qauipsizdigi mәselesi kóterildi.

Qaraghandyda kandidattar «GorKomTrans» kәsipornynyng újymymen, Pavlodar oblysynda dәrigerlik ambulatoriya men «Ertis Su» kәsipornynyng qyzmetkerlerimen kezdesti. Sonday-aq partiya Qaraghandy industriyalyq uniyversiytetindegi kezdesuden keyin 40 adamnyng partiya qataryna ótkenin habarlady.

«Auyl» partiyasy Qaraghandy oblysyndaghy Shahter auyldyq okruginde saylaualdy júmysyn jalghastyrdy. Múnda partiya ókilderi «Shahterskoe» JShS újymymen jәne auyl túrghyndarymen kezdesip, auyl sharuashylyghy kәsipornynyng qyzmetimen tanysty.

Kezdesuler barysynda elitalyq túqym sharuashylyghyn damytu, agrarlyq sektordy memlekettik qoldau, zamanauy agrotehnologiyalardy engizu, jer men su resurstaryn tiyimdi paydalanu, auyl sharuashylyghy ónimderin óndeu, jana júmys oryndaryn ashu, auyl infraqúrylymyn damytu jәne azyq-týlik qauipsizdigin qamtamasyz etu mәselesi talqylandy.

Sonday-aq partiya ókilderi Núra audanyndaghy Shahter auylyna baryp, túrghyndarmen jәne sharuashylyq újymymen kezdesti. Olar egistik alqaptaryn, suaru jýielerin jәne óndiristik nysandardy aralady. Kezdesu barysynda auyldyq aumaqtardy damytu, auyl sharuashylyghy ónimderin saqtau men óndeu, sonday-aq auyl túrghyndaryn júmyspen qamtu mәseleleri kóterildi.

«Aq jol» demokratiyalyq partiyasy tóragha Daniya Espaeva bastaghan delegasiyamen Almatydaghy «Ýrker-ASh» JShS enbek újymymen jәne logistika salasynyng ókilderimen kezdesti. Onda óndiristi damytu jәne kәsipkerlikti qoldau mәseleleri talqylandy.

Kandidat Viktor Mikrukov partiyanyng Mindetti әleumettik medisinalyq saqtandyru (MÁMS) jýiesinde azamattardyng jeke shottaryn engizu jónindegi úsynysyn tanystyrdy. Týrkistan oblysynda partiya filialynyng ókilderi «Atlant» shipajayynyng újymymen kezdesti.

Respublica partiyasy Shymkenttegi júmysyn aluminiy profilideri men kabeli ónimderin shygharatyn Alutech kәsipornyna barudan bastady. Kandidattar óndiris barysymen tanysyp, qyzmetkerlerding súraqtaryna jauap berdi.

Partiya ókilderi Shymkent pen Týrkistan oblysyndaghy birqatar kәsiporyndardyng enbek újymdarymen kezdesti. «Altyn dәn» kәsipornynda óndiristi damytu, kәsipkerlik, densaulyq saqtau jәne әleumettik sala mәselesi talqylandy.

Lengir audanynda partiya ókilderi «Balmúzdaq» JShS-ne baryp, elektrmen jabdyqtaudyng senimdiligi, injenerlik infraqúrylym jәne óndiristi damytu mәselelerin qarastyrdy. Sonday-aq otandyq shiykizattan ónim óndiretin «Shymkentmay» AQ-da bolyp, otandyq óndiristi qoldau, eksportty damytu, sifrlandyru, jasandy intellekt tehnologiyalaryn engizu, studenttik jataqhanalar salu jәne әleumettik bastamalardy jýzege asyru mәselesin talqylady.

Osylaysha, saylaualdy nauqannyng kezekti kezeni iri qalalar men auyldyq eldi mekenderdi qatar qamtyghan ónirlik kezdesu formatynda jalghasyp jatyr. Kóterilgen mәseleler әr ónirding ereksheligi men kәsiporyndardyng qyzmet baghytyna qaray әrtýrli bolghanymen, basym bóligi ekonomika, auyl sharuashylyghy, kәsipkerlik, infraqúrylym, әleumettik sala, densaulyq saqtau, ekologiya jәne halyqtyng ómir sýru sapasyn arttyru taqyryptaryna arnaldy.

Abai.kz