Qonaevtaghy jazghy turistik mausym ayaqtalugha jaqyn. Jyl sayyn myndaghan túrghyn men qala qonaghyn qabyldaytyn jaghajaylarda demalyspen qatar qauipsizdikke de erekshe kónil bólinedi. Osy jauapty júmystyng aldynghy shebinde – adam ómirin saqtaudy basty mindeti sanaytyn qútqarushylar.

Biylghy shomylu mausymynda Qonaev qalasynyng kommunaldyq jaghajaylarynda qyzmet atqarghan qútqarushylar 200-den astam adamnyng ómirin saqtap qaldy. Olardyng әrqaysysy – der kezinde jasalghan әreket pen kәsiby sheberlikting nәtiyjesi.

Sudaghy tótenshe jaghday sanauly sekundta oryn aluy mýmkin. Key jaghdayda demalushylar qauipsizdik talaptaryn elemey, óz mýmkindigin dúrys baghalamaydy. Birining ayaghy tartylsa, endi biri terendikke ketip, ózdiginen jaghagha shygha almay qalady. Osynday sәtterde qútqarushylar birden iske kirisip, adam ómirin arashalap qalady.

Osy mausymda eng kóp adamdy qútqarghan qyzmetkerlerding enbegi erekshe atalyp ótti. Qala әkimining orynbasary Marat Túrsyn olargha qala әkimining Alghys hattaryn tabystady.

Marapattalghandardyng qatarynda:

Sayat Núrtay – 11 adamdy qútqarghan;
Dәulet Kumarhan – 10 adamdy qútqarghan;
Samghat Sәrsek – 12 adamdy qútqarghan;
Dmitriy Zinoviev – 8 adamdy qútqarghan;
Núrbol Maratúly – 8 adamdy qútqarghan.

Marapattau rәsiminde qala әkimining orynbasary qútqarushylardyng enbegine joghary bagha berdi.

«Qútqarushy – qiyn sәtte birinshi bolyp kómekke keletin, óz ómirine qauip tónse de, ózgening ómirin qútqarudy basty mindeti sanaytyn maman. Búl – ýlken jýrek pen joghary kәsibiylikti talap etetin jauapty qyzmet. Sizderge adal qyzmetteriniz, batyldyqtarynyz ben joghary jauapkershilikteriniz ýshin alghys aitamyn. Árqaysynyzgha myqty densaulyq, otbasylarynyzgha amandyq, qyzmetterinizge tabys tileymin», – dedi Marat Túrsyn.

Marapattalghan qútqarushylardyng biri – Samghat Sәrsek ýshin búl mausymdaghy eng este qalghan jaghday keshe bolghan. №5 jaghajaygha demalugha kelgen jastardyng biri sugha týsken kezde ayaghy tartylyp, bata bastaghan. Jaghdaydy der kezinde bayqaghan Samghat birden sugha týsip, jas jigitti qauipsiz jerge alyp shyqqan.

«Bәri birneshe sekundtyng ishinde boldy. Onyng qinalyp jatqanyn kórgen boyda oilanbastan kómekke bardym. Bastysy – adamdy aman alyp qalu», – deydi qútqarushy.

Qútqarushylardyng aituynsha, sudaghy qauipsizdikke salghyrt qaraugha bolmaydy. Qauipting aldyn aludyng eng tiyimdi joly – belgilengen jaghajaylarda shomylu, balalardy qarausyz qaldyrmau jәne óz mýmkindigin dúrys baghalau.

Abai.kz