Qazaqstan Laospen Syrtqy ister ministrlikteri arasyndaghy túraqty konsulitasiyalar tetigin iske qosugha mýddeli. Búl turaly Laos Preziydenti Thonglun Sisulitpen keneytilgen qúramdaghy kelissóz barysynda Memleket basshysy Qasym-Jomart Toqaev aitty. 

— Býgingi kelissózderding nәtiyjesinde biz birlesken mәlimdemeni qabyldaymyz. Jana ghana biz birqatar óte manyzdy mәsele boyynsha pikir almastyq. Óte mazmúndy kezdesu boldy dep aitugha bolady. Endi uaghdalastyqtardy oidaghyday, tolyghymen jýzege asyrugha bәrimiz bir újym retinde kirisemiz. Búl qújat Qazaqstan men Laos arasyndaghy yntymaqtastyqtyng negizgi basymdyqtaryn aiqyndaydy. Biz ekijaqty sayasy dialogty nyghayta týsuge zor mәn berip otyrmyz. Osy orayda Syrtqy ister ministrlikteri arasyndaghy túraqty konsulitasiyalar tetigin iske qosugha mýddelimiz. Parlamentaralyq jәne partiyaaralyq yntymaqtastyqty nyghaytu manyzdy. Búl mәsele boyynsha biz býgin pikir almastyq, kelisim bar, pәtuagha keldik. Osyghan baylanysty parlamentaralyq dostyq toptaryn qúru jәne delegasiyalardyng ózara baylanysyn jolgha qoy qajet dep sanaymyn, — dedi Qasym-Jomart Toqaev.

Memleket basshysy Qazaqstan men Laos arasyndaghy ekonomikalyq ózara is-qimyldy búdan әri damytugha әleuet tolyq jetetinin basa aitty.

— Biz sauda, energetika, sifrlandyru, kólik jәne logistika, tau-ken ónerkәsibi, auyl sharuashylyghy jәne basqa da baghyttardaghy yqpaldastyqty kýsheytuge mýddelimiz. Osy arqyly memlekettik dengeydegi jәne iskerlik ortadaghy ózara is-qimyldy jandandyra alamyz. Sonday-aq eki el arasyndaghy mәdeniy-gumanitarlyq baylanystardy damytudyng ózektiligin atap ótkim keledi. Mәdeniyet jәne bilim beru salalaryndaghy yqpaldastyqty bekemdegen jón. Sonyng ishinde akademiyalyq almasular men birlesken zertteuler jýrgizu baghytyndaghy yntymaqtastyqty keneytu mýmkindigi mol dep sanaymyn. Sizding saparynyz seriktestigimizding tiyimdiligin arttyryp, ony jana dengeyge kóteruge jol ashar dep senemin, — dedi Preziydent.

Abai.kz