Qazaqstan men Ontýstik Koreya elimizde et búqtyratyn birlesken seh salu turaly kelisimge keldi. Jobanyng jalpy investisiyalyq qúny 1,3 mln AQSh dollaryn qúraydy, dep habarlaydy QR Sauda jәne integrasiya ministrligi.

Tiyisti kelisim Almatyda ótken Qazaqstan-Koreya biznes forumy ayasynda jasaldy. Qazaqstan tarapynan jobany Samsar Investment jýzege asyrady.

Búdan bólek, Qazaqstan Ontýstik Koreyagha jalpy qúny 13 mln AQSh dollaryn qúraytyn 1 myng tonna siyr etin eksporttaudy josparlap otyr. Sonday-aq Samsar Investment kompaniyasy ay sayyn 3 myng tonna tazartylghan kýnbaghys mayyn Koreya naryghyna jetkizu turaly kelisimge keldi.

Jalpy forum qorytyndysy boyynsha qúny 54,8 mln AQSh dollaryn qúraytyn kommersiyalyq qújattargha qol qoyyldy. Is-sharagha eki elden 200-den astam biznes ókili qatysty.

Biznes forumgha 55 jyl búryn qúrylghan Koreya importtaushylar qauymdastyghy (KOIMA) jýzge juyq biznes ókilinen qúralghan delegasiyamen arnayy kelgen.

Kezdesu biyl mausym aiynda Seulde ótken Korea Import Expo 2026 kórmesining jalghasy boldy. Atalghan kórmege Qazaqstannyng auyl sharuashylyghy jәne tamaq ónerkәsibi salasynda júmys isteytin 15 kompaniya qatysqan. Nәtiyjesinde koreyalyq biznes tarapynan qazaqstandyq auyl sharuashylyghy ónimderine qyzyghushylyq artqan.

– Qazaqstan tek tabighy resurstargha bay memleket qana emes, sonymen qatar Europa men Aziyany baylanystyratyn manyzdy ekonomikalyq jәne logistikalyq ortalyq. Energetika, ónerkәsip jәne strategiyalyq manyzy bar paydaly qazbalar salalaryndaghy artyqshylyqtarymen qatar, auyl sharuashylyghy men tamaq ónerkәsibining túraqty damuy Qazaqstangha Koreya Respublikasyna tauar jetkizu tizbekterin әrtaraptandyru jәne nyghaytu ýshin aitarlyqtay mýmkindikter beredi, – dedi Koreya importtaushylar qauymdastyghynyng (KOIMA) tórayymy Yon My Yun.

Qazaqstan men Ontýstik Koreya arasyndaghy sauda ainalymy da artyp keledi. 2025 jyly eki el arasyndaghy tauar ainalymy 3,17 mlrd AQSh dollaryn qúrap, 2024 jylmen salystyrghanda 1,3%-gha ósti.

Al 2026 jyldyng qantar-mausym ailarynda Qazaqstan men Ontýstik Koreya arasyndaghy tauar ainalymy 1,3 mlrd AQSh dollaryna jetti. Osy kezende Qazaqstan ónimderining Koreyagha eksporty 17,2%-gha artqan.

– Koreya Respublikasy – Qazaqstannyng manyzdy sauda-ekonomikalyq seriktesi. Bizding elderimiz arasyndaghy 1992 jyldan beri qalyptasqan diplomatiyalyq jәne sauda-ekonomikalyq baylanystar ózara senim men yntymaqtastyq negizinde damyp keledi. Biz ýshin sauda kólemin úlghaytu ghana emes, sonymen qatar dayyn ónimder men qosylghan qúny joghary tauarlar eksportyn arttyru manyzdy, – dedi Sauda jәne integrasiya viyse-ministri Aydar Ábildabekov.

Resmy biznes forumnyng sonynda qazaqstandyq ónimderding kórmesi úiymdastyrylyp, koreyalyq biznes delegasiya ýshin otandyq et ónimderining degustasiyalyq keshki asy ótti. Merkidegi Terra JShS qonaqtargha siyr jәne qoy etinen dayyndalghan steykter úsyndy.

Kórmege Arba Wine, «Gold Produkt», «Almatinskiy produkt», Lemonadoff, Elimay Qymyz, «Tәp-tәtti», «Burnenskaya molochnaya kompaniya», «Vkus Blagostiy», «Merke Et», Terra, Fresh Milk, Honey100%, «Bayan-Súlu», «Alans» jәne basqa da qazaqstandyq kompaniyalardyng ónimderi qoyyldy.

Derekkóz: Qazaqparat

Abai.kz