Jetisu oblysyndaghy «Kóktal» oqu-jattyghu poligonynda Qazaqstan, Qyrghyzstan, Resey jәne Tәjikstan әskery qyzmetshileri «Shep-2026» birlesken oqu-jattyghuyn bastady. Búl turaly Qorghanys ministrligining baspasóz qyzmeti habarlady.

«Jetisu oblysyndaghy «Kóktal» oqu-jattyghu poligonynda Ortalyq Aziya ónirining Jedel ornalastyru újymdyq kýshterimen «Shep-2026» birlesken oqu-jattyghuy bastaldy. Shara barysynda Qazaqstan, Qyrghyzstan, Resey jәne Tәjikstan әskery qyzmetshileri birlesken dayyndyq, basqaru organdary men últtyq kontingentterding ózara is-qimyl mәselelerin pysyqtaydy. Jyl sayyn ótkiziletin oqu-jattyghu Jedel ornalastyru újymdyq kýshterining birlesken tapsyrmalardy oryndaugha dayyndyghy men ózara әrekettestik dengeyin arttyrugha baghyttalghan», — delingen habarlamada.

Ashylu saltanatyna ÚQShÚ Bas hatshysynyng orynbasary Mirlan Turgunbekov, Qazaqstan Qaruly Kýshteri Bas shtaby bastyghynyng orynbasary general-mayor Asqar Jolamanov, ÚQShÚ Birikken shtaby bastyghynyng orynbasary general-leytenant Ruslan Shpekbaev jәne basqa da shaqyrylghan lauazymdy túlghalar qatysty.

Vedomstvo mәlimetinshe, oqu-jattyghu 13–18 qyrkýiek aralyghynda QR QK Desanttyq-shabuyldau әskerlerining qolbasshysy polkovnik Mahsut Guseynovtyng basshylyghymen ótude. Oghan 1,5 myngha juyq әskery qyzmetshi, 300-den astam qaru-jaraq, әskery jәne arnayy tehnika, sonyng ishinde 115 úshqyshsyz úshu apparaty tartylghan.

Qorghanys ministrligi atap ótkendey, praktikalyq sharalar tauly-shóldi jerlerding erekshelikterin eskere otyryp jýrgizilude. Sonday-aq oqu-jattyghu barysynda Qazaqstannyng Shekara qyzmeti jәne Últtyq úlany bólimshelerimen ózara is-qimyl mәseleleri de pysyqtalady.

Abai.kz